NEHEMIAH 12:24 - Edisana ñwed Abasi Ibom

²⁴ Ndien mme etubom mme Levite: Hashabiah, Sherebiah, ye Jeshua eyen Kadmiel, ye nditɔ-ete mmɔ edu ye mmɔ ke eritoro, nnyuŋ ŋkɔm, ke ewuhɔ David owo Abasi, utɔ ekem ye utɔ.

NEHEMIAH 12:24 ပူးပေါင်းရင်းမြစ်များ

NEHEMIAH 11:17

Ndien Mattaniah eyen Mica, eyen Zabdi, eyen Asaph, edi etubom eke ɔtɔŋɔde ekɔm ke akam; ndien Bahbukiah edi udiana-akpa owo ke otu nditɔ-ete esie, ye Abda eyen Shammua, eyen Galal, eyen Jeduthun.

NEHEMIAH 9:4

Mme Levite enyuŋ edaha eda ke ɔtɔ eke edɔkde, kpa Jeshua ye Bani, ye Kadmiel, ye Shebaniah, ye Bunni, ye Sherebiah, ye Bani, ye Che-nani, enyuŋ eseme enɔ Jehovah Abasi mmɔ ke ɔkpɔsɔŋ uyo.

NEHEMIAH 8:7

Ndien Jeshua, ye Bani, ye Sherebiah, ye Jamin, ye Akkub, ye Shabbethai, ye Hodiah, ye Maaseiah, ye kelita, ye Azariah, ye Jozabad, ye Hanan, ye Pelaiah, ye mme Levite, esian mbon oro ŋwed ibet ndien kpukpru owo edu ke itie mmɔ.

EZRA 2:40

Mme Levite: nditɔ Jeshua, ye eke Kadmiel, eke nditɔ Hodaviah, ata ye duopenaŋ.

2 CHRONICLES 8:14

Ndien enye ada ido David ete esie, onim mme ŋka oku ke itie-unam-ŋkpɔ mmɔ, ye mme Levite ke itie-ukpeme mmɔ, man mmɔ etoro, enyuŋ esaŋa utom ke iso mme oku, kpa nte ŋkpɔ kpukpru usen asaŋade; ye mme itie-usuŋ ke ŋka mmɔ, ke kpukpru inua-otop: koro ntem ke David owo Abasi eketeme.

1 NDIDEM 17:24

Ndien ŋwan oro ɔdɔhɔ Elijah, ete, Ke emi ke mfiɔk nte ke afo edi owo Abasi, uyo Jehovah emi odude fi ke inua onyuŋ edi akpanikɔ ŋko.

JOSHUA 14:6

Ekem nditɔ Judah edi ke ɔtɔ Joshua ke Gilgal: ndien Caleb eyen Jephunneh, eyen Kenaz, ɔdɔhɔ enye, ete, Afo ɔmɔfiɔk ikɔ oro Jehovah eketiŋde ɔnɔ Moses, owo Abasi, abaŋa mi ye afo ke Kadesh-barnea.

DEUTERONOMY 33:1

EMI onyuŋ edi eridiɔŋ emi Moses, owo Abasi, adade ɔdiɔŋ nditɔ Israel, ke enye mika-ikpaha kaŋa.

2 ŊWED TIMOTHY 3:17

man owo Abasi enyene ɔyɔhɔ ifiɔk, onyuŋ ebeŋe idem ke kpukpru nde ndinam eti utom ekededi.

1ŊWED TIMOTHY 6:11

Edi afo, O owo Abasi, fehe kpɔŋ mme ŋkpɔ emi; nyuŋ bine edinen ido, ye uteŋe Abasi, ye mbuɔtidem, ye ima, ye ime, ye nsuhɔre-esit.

NEHEMIAH 12:23

Ekewet nditɔ Levi, mme etubom mme ete esin ke ŋwed ikɔ usen tutu osim ke eyo Johanan eyen Eliashib.

NEHEMIAH 12:36

ye nditɔ-ete esie, Shemaiah, ye Azarel, ye Milalai, ye Gilalai, ye maai, ye Nethanel, ye Judah, ye Hanani, ekama ŋkpɔ-ikwɔ David owo Abasi ke ubɔk, ndien Ezra ɔfiɔk-ŋwed onyuŋ ebem mmɔ iso.

1 CHRONICLES 16:4

Enye onyuŋ ada ndusuk mme Levite emi enamde utom, onim ke iso ekebe ediomi Jehovah, ete etoro, enyuŋ ekɔm, enyuŋ ekwɔ enɔ Jehovah Abasi Israel;