NEHEMIAH 10:36 - Edisana ñwed Abasi Ibom

³⁶ inyuŋ ida akpan nditɔ-iren nnyin, ye akpa nditɔ ufene nnyin, kpa nte ewetde ke ŋwed ewuhɔ, ye akpa nditɔ enaŋ nnyin, ye eke ŋkpri ufene nnyin, idi ke ufɔk Abasi nnyin, isɔk mme oku emi esaŋade utom ke ufɔk Abasi nnyin:

NEHEMIAH 10:36 ပူးပေါင်းရင်းမြစ်များ

2 CHRONICLES 31:5

Ekem adaŋemi ikɔ oro ɔwɔrɔde, nditɔ Israel eda ediwak akpa ibokpot, ye wine, ye aran, ye aran-ɔkwɔk, ye kpukpru mbuŋwum iŋwaŋ edi; mmɔ enyuŋ eda ɔyɔhɔ ubak kpukpru ŋkpɔ duop edi ediwak.

NEHEMIAH 12:44

Ndien ke usen oro mmɔ enim owo ke mme etubom ubet-ŋkpɔ-uto, ye edimenere uwa, ye akpa mfri, ye ɔyɔhɔ mbak duop, man eda udeme mme oku ye eke mme Levite, nte ekewukde, ke iŋwaŋ mme obio ebon ke esit: koro idara Judah osimde mme oku ye mme levite emi edade do.

NEHEMIAH 13:5

onyuŋ ɔdiɔŋ akamba ubet ɔnɔ enye, emi mmɔ ekam enimde inuak-udia ke esit, ye frankin-cense, ye mkpoduoho, ye ɔyɔhɔ mbak ibokpot, ye eke wine, ye eke aran duop, emi ekewukde, ete enɔ mme Levite, ye mme ɔkwɔ-ikwɔ, ye mme etie-usuŋ, ye edimenere enɔ mme oku.

EXODUS 13:2

se isirerede kpukpru itie-eyen ke otu nditɔ Israel, ke owo ye ke ufene edidi okim.

EXODUS 23:19

Da akpa mbem-iso akpan mbuŋwum iŋwaŋ fo sɔk ke ufɔk Jehovah Abasi fo. Kutem eyen ebot ke mmɔŋ-eba eka esie.

EXODUS 34:19

Kpukpru se isirerede itie-eyen edi okim; ye kpukpru akpa nyara nditɔ ufene fo, edide akpa eyen enaŋ, onyuŋ edide eke ŋkpri ufene.

MALACHI 3:10

Mbufo eda kpukpru ɔyɔhɔ mbak duop edisin ke ufɔk unim-ŋkpɔ, man udia odu ke ufɔk mi, ndien eda emi edomo mi, Jehovah mme udim ɔdɔhɔ, mme ami ndiberekede window heaven nnɔ mbufo, nnyuŋ ŋŋwaŋa nti ŋkpɔ nnɔ mbufo, tutu akaha.

NUMBERS 3:13

koro kpukpru akpan edide okim: ke usen ami ŋkowotde kpukpru akpan ke isɔŋ Egypt, ndianare kpukpru akpan Israel nda ke idem mi, ye owo ye unam: mmɔ edidi okim: ami ndi Jehovah.

ŊWED MBON GALATIA 6:6

Yak owo eke ɔbɔde ukpep-ŋkpɔ ke ikɔ Abasi ɔfɔn ido ye andikpep enye ke kpukpru nti enɔ.

DEUTERONOMY 12:6

mbufo enyuŋ eda mme edifɔp uwa mbufo eka do, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye mme akaŋa mbufo, ye mme uwa ima esit mbufo, ye akpa nditɔ enaŋ mbufo, ye eke ekpri ufene mbufo.