NEHEMIAH 10:34 - Edisana ñwed Abasi Ibom

³⁴ Ndien nnyin, mme oku, ye mme Levite, ye kpukpru owo, isin afia ibaŋa enɔ ifia, man eda enye esɔk ufɔk Abasi nnyin, nte mme ufɔk mme ete nnyin esaŋade, ke ini eke edoride kpukpru isua, man eda ebara ikaŋ ke enyɔŋ itie-uwa Jehovah Abasi nnyin, kpa nte ekewetde ke ŋwed mbet:

NEHEMIAH 10:34 ပူးပေါင်းရင်းမြစ်များ

1 CHRONICLES 24:5

Enyuŋ eda afia ebahare mmɔ, mme mmɔ emi ye mme mmɔ eken; koro mbɔŋ edisana efe, ye mbɔŋ Abasi etode ke nditɔ Eleazar, ye ke nditɔ Ithamar.

1 CHRONICLES 24:7

Ekem akpa afia ɔwɔrɔ Jehoiarib, udiana ɔwɔrɔ Jedaiah,

2 CHRONICLES 2:3

Ndien Solomon ɔdɔŋ ekedɔhɔ Huram, edidem Tyre, ete, kpa nte akanamde ye David ete mi, okonyuŋ ɔnɔde cedar esɔk enye, man ebɔp ufɔk eke oduŋde ke esit enɔ enye.

EZRA 3:5

ndien ke ini oro ama ekebe, mmɔ ewa edifɔp uwa kpukpru usen, ye eke mbufa ɔfiɔŋ, ye eke kpukpru mme usɔrɔ Jehovah oro ekenimde ke edisana, ye se kpukpru owo ewade enɔ Jehovah ke ima esit.

NEHEMIAH 11:1

NDIEN mbɔŋ obio eduŋ ke Jerusalem: mbio-obio eken enyuŋ esin afia, ete ida owo kiet ke itie duop idinim eduŋ ke Jerusalem edisana obio, ye mbak usukkiet ke mme obio eŋwen.

NEHEMIAH 13:31

ye ke eke enɔ ifia ke ini eke ekedoride, ye ke akpa mfri. O Abasi mi, ti mi ke mfɔn.

MME ŊKE 18:18

Afia etre utɔk, onyuŋ adianare mkpɔsɔŋ owo.

ISAIAH 40:16

Lebanon inyuŋ ikemke ke eke edade efɔp, unam esie inyuŋ ikemke ke edifɔp uwa.

LEVITICUS 24:5

Ndien ŋko da eti ndom-uyo, saŋ uyo duopeba: omer iba esaŋa ke uyo kiet.

LEVITICUS 24:6

Ndien da mmɔ nim ke enyɔŋ edisana okpokoro ke iso Jehovah, sin ke udim iba, itiokiet ke udim.

NUMBERS 28:2

Mbufo etiŋ enyin ke ndida enɔ mi, kpa udia uwa ikaŋ mi, ke edinem utebe, nnɔ mi ke ekem ini esie.

UTOM MME APOSTLE 1:26

Ndien mmɔ esin afia ebaŋa mmɔ; afia onyuŋ ɔwɔrɔ Matthias; enyuŋ eda enye edian ye mme apostle duopekiet.

JOSHUA 9:27

Ndien ke usen oro Joshua onim mmɔ ke mme asiak-ifia, ye mme okoi mmɔŋ ɔnɔ mbon esop ye itie-uwa Jehovah tutu osim esop ye itie-uwa Jehovah tutu osim mfin emi, ɔnɔ ebiet eke enye edimekde.