NEHEMIAH 10:31 - Edisana ñwed Abasi Ibom

³¹ ndien mbio mme idut ema eda ŋkpɔ-urua ye ibokpot ekededi ke usen sabbath edi ndinyam, nnyin idibɔhɔ mmɔ ke sabbath, idinyuŋ ibɔhɔ ke edisana usen: idinyuŋ iyak ɔyɔhɔ isua itiaba ye kpukpru isɔŋ.

NEHEMIAH 10:31 ပူးပေါင်းရင်းမြစ်များ

2 CHRONICLES 36:21

kpaŋ uyo Jehovah ke inua Jeremiah ekpekem, tutu isɔŋ adia mme sabbath esie: ofuri ini emi enye anade ikpikpu, enye onim sabbath tutu isua ata ye duop eyɔhɔ.

NEHEMIAH 13:23

Ndien ŋko ke ini oro ŋkut usuk mme Jew emi ekedɔde iban Ashdod, ye eke Ammon, ye eke Moab;

NEHEMIAH 13:27

Nte nnyin idikop inɔ mbufo, ndien, inyuŋ inam ofuri akamba idiɔk ido emi, inyuŋ idue Abasi nnyin ke eridɔ isen iban?

EXODUS 12:16

Ndien ke akpa usen mbufo edinim edisana esop, enyuŋ enim edisana esop ke ɔyɔhɔ usen itiaba; mbufo ekunam baba utom ke esit, ke mibɔhɔke se kpukpru owo edidiade, oro ikpɔŋ ke mbufo edinam.

EXODUS 20:10

edi ɔyɔhɔ usen itiaba edi sabbath Jehovah Abasi fo: kunam baba utom ke esit, afo, ye eyen-eren fo, ye eyen fo aŋwan, ye ofin eren fo, ye ofin aŋwan fo, ye ufene fo, ye esen owo fo eke odude ke obio mbufo:

EXODUS 34:16

onyuŋ ada nditɔ-iban mmɔ ɔnɔ nditɔ-iren fo, ndien nditɔ-iban mmɔ etiene mme abasi mmɔ enam use, enyuŋ eda mme nditɔ-iren fo etiene mme abasi mmɔ enam use.

ISAIAH 58:6

Nte idige emi edi utre-udia eke ndimekde enye: eritat uruk idiɔk ido, erikpɔhɔre ubɔp-ŋkpɔ ɔkpɔnɔ, nnyuŋ nsana mmɔ eke owo efikde nnyak, nnyuŋ mbuŋ kpukpru ɔkpɔnɔ?

LEVITICUS 16:29

Ndien eyedi nsinsi ewuhɔ mbufo, ke ɔyɔhɔ ɔfiɔŋ itiaba ke ɔyɔhɔ usen ɔfiɔŋ oro duop, mbufo esuhɔre esit mbufo, ekunyuŋ enam baba ubɔk-utom kiet, ekpedi eyen isɔŋ, onyuŋ edi esen owo eke oduŋde ke otu mbufo.

LEVITICUS 23:21

Ndien ke idem usen oro ke mbufo edikwɔrɔ ete edi edisana esop mbufo: ekunam baba ubɔk-utom kiet: enye edi nsinsi ewuhɔ ke kpukpru iduŋ mbufo, ke ofuri emana mbufo.

LEVITICUS 23:3

Yak enam utom ke ofuri usen itiokiet: edi ɔyɔhɔ usen itiaba edi akakan sabbath, edisana esop; mbufo ekunam baba ubɔk-utom (ke esit): enye edi sabbath Jehovah ke kpukpru ebiet iduŋ mbufo.

MATTHEW 6:12

Nyuŋ dahado ke isɔn eke ikamade Fi, nte emi nnyin ikadahadedo inɔ mmɔ emi ekamade nnyin isɔn;

ŊWED MBON COLOSSAE 2:16

Mmɔdo ekuyak baba owo kiet ekpe ikpe ɔnɔ mbufo ke se mbufo ediade, ye ke se mbufo eŋwɔŋde, ye ke ido eke mbufo enimde usɔrɔ ye obufa ɔfiɔŋ ye sabbath.

JAMES 2:13

Koro ikpe minyeneke mbɔm ye owo emi mikatuaha owo mbɔm; edi mbɔm obure mbure akan ikpe.