NEHEMIAH 1:3 - Edisana ñwed Abasi Ibom

³ Ndien mmɔ edɔhɔ mi, ete, Mme mmɔ oro eketode ke itie ntaŋ-mfep esuhɔ ko ke province, ke etie ke akwa ukut, ye ke esuene: ibibene Jerusalem onyuŋ owure, itim esie ema enyuŋ eta ikaŋ.

NEHEMIAH 1:3 ပူးပေါင်းရင်းမြစ်များ

1 NDIDEM 9:7

ndien nyesibe Israel mfep ke iso isɔŋ emi ŋkɔnɔde mmɔ; ndien ama edi ufɔk emi ŋkonimde nnɔ enyiŋ mi, nyemen enye ke iso mi mfep nduɔk; ndien Israel eyedi ŋkpɔ ikwɔ ye ufiet ke otu kpukpru owo;

2 NDIDEM 25:10

Ndien ofuri udim-ekɔŋ mme Chaldean emi edude ye etubom mbon-ukpeme ewuri ibibene Jerusalem ekan ekuk.

2 CHRONICLES 36:19

Mmɔ enyuŋ efɔp ufɔk Abasi, enyuŋ ewuri ibibene Jerusalem, enyuŋ efɔp kpukpru ufɔk mbɔŋ mmɔ ke ikaŋ, enyuŋ ebiat kpukpru ndiye ŋkpɔ esie.

EZRA 2:1

NDIEN mme mmɔ emi edi nditɔ province emi etode ke mbon ntaŋ-mfep oro Nebuchadnezzar edidem Babylon akataŋde ɔnyɔŋ ke Babylon, edɔk edi, ndien efiak ke Jerusalem ye Judah, kpukpru owo ke obio mmɔ;

EZRA 5:8

Yak edidem ɔfiɔk, ete ke nnyin ima ika ke province Judah, isim ufɔk akwa Abasi, ndien mmɔ ebɔp enye ke ikpɔ itiat, enyuŋ edori eto ke ibibene, mmɔ enyuŋ esin idem enam utom emi, utom onyuŋ aka iso ke ubɔk mmɔ.

NEHEMIAH 11:3

Mme mmɔ emi ŋko enyuŋ edi mme etubom province, emi eduŋde ke Jerusalem: edi ke obio Judah kpukpru owo eduŋ ke udeme mmɔ ke obio mmɔ, Israel, ye mme oku, ye mme Levite, ye mme Nethinim, ye nditɔ ikɔt Solomon.

NEHEMIAH 2:13

Ndien nsaŋa ke okoneyo ke inua-otop ebedeŋ ŋwɔrɔ ŋka ke iso obube mmɔŋ dragon, ye ke inua-otop ifum, ndien ntim nse ibibene Jerusalem emi owurede, mme itim esie enyuŋ eta ikaŋ.

NEHEMIAH 2:17

Ndien ndɔhɔ mmɔ, nte, Mbufo emekut idiɔk itie emi nnyin itiede ke esit, nte Jerusalem anade ndon, nte mme itim esie enyuŋ etade ikaŋ: mbufo edi, nnyin idiɔŋ ibibene Jerusalem, man nnyin ikudi aba ŋkpɔ but.

NEHEMIAH 2:3

ami nnyuŋ ndɔhɔ edidem, nte, Yak edidem akam odu uwem ke nsinsi: ke didie ke iso mikpɔfuhɔke mi ke ini obio emi edide ebiet udi mme ete mi edide ndon, mme itim esie ema enyuŋ eta ikaŋ?

NEHEMIAH 7:6

Mme mmɔ emi edi nditɔ province oro eketode ke itie mbuot-ekɔŋ, kpa mmɔ oro eketaŋde efep, emi Nebuchadnezzar edidem Babylon, akataŋde efep, ndien mmɔ enyɔŋɔ, ke Jerusalem, ye ke Judah, kpukpru owo ke obio mmɔ;

ESTHER 1:1

EDIKEM ke eyo Ahasuerus (enye Ahasuerus edi edidem province ikie ye edip ye itiaba, ɔtɔŋɔde ke India tutu osim ke Ethiopia:)

ŊWED MME PSALM 79:4

Nnyin imakabare idi se mbɔhiduŋ nnyin esuenede, ye se mmɔ emi ekande nnyin ekuk, esakde, enyuŋ esede ke ndek.

MME ŊKE 25:28

Owo eke mimumke esit esie ikama, ebiet obio eke owurede anan ibibene.

ISAIAH 43:28

Ndien nyesabare ndisana mbɔŋ, nnyuŋ nda Jacob nnɔ nsobo, nda Israel nnɔ nduari.

ISAIAH 5:5

Yak nsian mbufo, ndien, se ami ndinamde ye iŋwaŋ-vine mi: nyedibere ɔkɔ esie mfep, ndien enye eyekabare edi se etade; ŋwuri ibibene esie, ndien enye eyekabare edi se edigide:

JEREMIAH 24:9

nyeda mmɔ nnɔ ndutuhɔ ye idiɔk-ŋkpɔ ke kpukpru mme idut ererimbot, ke kpukpru ebiet eke ndibinde mmɔ nsin do.

JEREMIAH 29:18

Nyenyuŋ nda ofut, ye biɔŋ, ye idiɔk udɔŋɔ mbine mmɔ, nnyuŋ nnim mmɔ ke ŋkpɔ ndutime nnɔ kpukpru mme idut ke ererimbot, ye ke isuŋi, ye ke nsobo, ye ke nsi, ye ke esuene ke otu kpukpru mme idut eke mbinde mmɔ nsin do:

JEREMIAH 39:8

Mme Chaldean enyuŋ efɔp ufɔk edidem, ye ufɔk mbio-obio ke ikaŋ; enyuŋ ewuri ibibene Jerusalem.

JEREMIAH 42:18

Koro ntem ke Jehovah mme udim Abasi Israel ɔdɔhɔ, ete, Kpa nte ŋkaŋwaŋade iyaresit mi ye ifuresit mi ke idem mme andiduŋ Jerusalem, kpa ntre ŋko ke ndiŋwaŋa mbufo iyaresit mi ke idem, ke mbufo ekade Egypt; ndien mbufo eyekabare edi ŋkpɔ isuŋi, ye nsobo, ye itɔk, ye esuene; idinyuŋ ikwe aba ebiet emi.

JEREMIAH 5:10

Mbufo edɔk ke ibibene esie ekewuri; edi ekunam ema: ekibi enye nnyɔninyɔ efep: koro mmɔ minyeneke Jehovah.

JEREMIAH 52:14

Ndien kpukpru mbon ekɔŋ mme Chaldean, eke esaŋade ye etubom mbon ukpeme edidem, ewuri ofuri ibibene Jerusalem ekan ekuk.

ŊWED ESEME 1:7

Jerusalem eti kpukpru ŋkpɔ-uto esie eke ekedude ke ini eset, ke ini eke etukde enye enyuŋ ekɔbɔde enye, ke ini ikɔt esie eduɔŋɔde ke ubɔk mme asua, ndien baba owo kiet eke aŋwamde enye miduhe: mme asua esie ekut enye enyuŋ esak ŋwure esie.

ŊWED ESEME 2:9

Mme itim esie ebuhɔ ke isɔŋ; enye abiat onyuŋ obuŋ eto usin-usuŋ esie: edidem esie ye mbɔŋ esie edu ke otu mme idut; ŋwed mbet iduhe: prophet esie inyuŋ ikwe ŋkukut eke otode Jehovah.

ŊWED ESEME 3:61

O Jehovah, afo omokop esuene emi mmɔ esuenede, ye kpukpru se mmɔ eduakde ebaŋa mi;

ŊWED ESEME 5:1

O JEHOVAH, ti se iketibede inɔ nnyin: tiŋ enyin, nyuŋ se esuene nnyin.

LEVITICUS 26:31

Nyenyuŋ ŋwuri mme obio mbufo, nnyuŋ nnam mme edisana ebiet mbufo ekabare ndon, ndinyuŋ ŋŋwuneke edinem utebe mbufo.

LEVITICUS 26:33

Nyenyuŋ nsuan mbufo ke otu mme idut, nnyuŋ ndabare ofut mbine mbufo; ndien isɔŋ mbufo eyedobo, mme obio mbufo eyenyuŋ ewure.