NAHUM 3:5 - Edisana ñwed Abasi Ibom

⁵ Jehovah mme udim ɔdɔhɔ ete, Sese, ami mmɔŋ nnam ikɔ ye afo; ndien nyefuhɔre fi edisine-ŋkpɔ fo nda mfuk fi iso, nnyuŋ ŋwut mme idut iferi fo, nyewut mme obio but fo;

NAHUM 3:5 ပူးပေါင်းရင်းမြစ်များ

JEREMIAH 13:22

Ndien emi afo ɔdɔhɔde ke esit fo, ete, “Nsinam ŋkpɔ emi etienede mi?” Uwak mme idiɔk ido fo esin efuhɔre ɔfɔŋ-idem fo, enyuŋ eyarare fi nditiŋ-ikpat.

JEREMIAH 13:26

Ndien ŋko ami nyesio fi ɔfɔŋ-idem fo ke idem, nda mfuk fi iso, ndien owo eyekut esuene fo.

JEREMIAH 50:31

Ɔbɔŋ Jehovah mme udim ɔdɔhɔ, ete, Sese, mmasua fi, O eseri-iseri, koro usen fo emedi, kpa ini eke ndinɔde fi ufen.

EZEKIEL 16:37

mmɔdo, sese, ami nyetaŋ kpukpru mme ufan fo emi afo enemde mmɔ esit, ye kpukpru mmɔ emi afo amade, ŋkɔrɔ ye kpukpru mmɔ emi afo asuade, mbon; nyenyuŋ ntaŋ mmɔ ke ŋkan-ŋkuk mbon ke ɔtɔ fo; ndien nyefuhɔre fi iferi nnɔ mmɔ; ndien mmɔ eyekut ofuri iferi fo.

EZEKIEL 21:3

Nyuŋ dɔhɔ isɔŋ Israel, ete, Ntem ke Jehovah ɔdɔhɔ, ete, Sese, ami mmɔŋ nnam ikɔ ye afo; ndien nyesio ofut mi ke efɔk esie, nnyuŋ nsibe eti owo ye idiɔk ke otu mfep.

EZEKIEL 23:25

Ndien nyeda ufup mi nnam ikɔ ye afo, ndien mmɔ eyenam fi ŋkpɔ ke iyaresit: eyesibe fi ibuo ye utɔŋ efep; ndien nsuhɔ fo eyeduɔŋɔ ke ofut: mmɔ eyemen nditɔ-iren fo ye nditɔ-iban fo efep; enyuŋ eta nsuhɔ fo ke ikaŋ.

EZEKIEL 23:29

ndien mmɔ eyenam fi usua-usua, enyuŋ ebɔ fi kpukpru utom fo, enyuŋ ekpɔŋ fi iferi ye ikpikpu: ndien eyeyarare iferi use fo, ye oburobut ido fo ye use fo.

EZEKIEL 26:3

Mmɔdo ntem ke Ɔbɔŋ Jehovah ɔdɔhɔ, ete, Sese, ami mmɔŋ nnam ikɔ ye afo, Tyre, nnyuŋ nda ediwak mme idut ndɔk ntiene fi, kpa nte akamba mmɔŋ otopde odut esie ɔdɔk.

MICAH 1:11

andiduŋ Shaphir, saŋa be, iferi ye but: andiduŋ Zaanan iwɔrɔke; eseme Beth-ezel ɔbɔ mbufo idaha esie.

NAHUM 2:13

Jehovah mme udim ɔdɔhɔ ete, Sese, mmɔŋ nnam ikɔ ye afo. Ndien nyefɔp mme chariot esie nnam edi nsuŋ-ikaŋ: ofut eyenyuŋ adia mkparawa lion fo: ndien nyesibe se afo awaide ke isɔŋ mfep, ndien idikopke aba uyo mme isuŋ-utom fo.

HABAKKUK 2:16

But ɔyɔhɔ fi ke idem, idige ubɔŋ: afo ŋwɔŋ ŋko; ndien eyekut ete ke unaŋa mbobi: cup ubɔk nnasia Jehovah eyekanade osim fi: