NAHUM 2:3 - Edisana ñwed Abasi Ibom

³ Otu-ekɔŋ mbon-ŋwo esie emeyibe: mkpɔsɔŋ owo emesine ididuot ke idem: mme chariot enyene ikwa ikaŋ ke usen utim-ŋkpɔ esie; mmɔ enyene mme cypress.

NAHUM 2:3 ပူးပေါင်းရင်းမြစ်များ

ŊWED JOB 39:23

Odibidaŋ enyeŋe enye ke idem, edisem eduat ye onyim.

ŊWED MME PSALM 80:13

Edi oto ke akai abiat enye, unam ikɔt onyuŋ adia enye.

ISAIAH 14:8

Mme cypress ŋko edara ebaŋa fi, ye mme cedar Lebanon ŋko, ete, “Ke emi afo ɔmɔduɔ, baba owo kiet eke ekpide nnyin ididɔkke aba itiene nnyin.”

EZEKIEL 23:24

Ndien mmɔ eyeda ŋkpɔ ekɔŋ, ye chariot, ye wheel, ye akwa otu owo, etiene fi; mmɔ eyeda akamba otu-ekɔŋ ye ekpri ye ndun ukwak ekan fi ekuk eŋwana ekɔŋ: ndien nyeda ikpe nnim ke iso mmɔ, ndien mmɔ eyekpe ikpe ye afo, nte ekemde mme ikpe mmɔ.

EZEKIEL 26:7

Koro ntem ke Ɔbɔŋ Jehovah ɔdɔhɔ, ete, Sese, ami mmɔŋ nda Nebuchadrezzar edidem Babylon, edidem ndidem, ke edere, ye horse ye chariot, ye mbon horse, ye akwa udim owo, ntiene Tyre.

NAHUM 3:2

uyom ikpa, ye uyom mme wheel, mme horse enyuŋ ekanade ekuk, mme chariot enyuŋ efrɔ:

ZECHARIAH 1:8

Ŋkokut ke okoneyo, ndien, sese, owo odoro ke ididuot horse, ndien enye ada ke otu eto myrtle oro edude ke ebedeŋ; ndien horse eken eke edide ididuot, ye aran-aran, ye afia, eda enye ke edem.

ZECHARIAH 11:2

Seme, O cypress; koro cedar ɔduɔde; koro ata ikpɔ owo etakde. Mbufo mme ofriyo Bashan eseme; koro ɔkpɔsɔŋ akai ɔsuhɔrede.

ZECHARIAH 6:2

Ididuot horse edu ke akpa chariot; ndien mbubit horse edu ke udiana-akpa chariot;

ERIYARARE 12:3

Idiɔŋɔ efen onyuŋ owut idem ke enyɔŋ; ndien sese, akamba ididuot dragon, emi enyenede ibuot itiaba ye nduk duop, onyuŋ ayarade anyanya itiaba ke mbuot esie.

ERIYARARE 6:4

Ndien enaŋ-mbakara efen ɔwɔrɔ edi, ididuot enaŋ; ndien enɔ andidoro enye ke edem ndisio emem mfep ke isɔŋ, man owo ewot kiet eken; enyuŋ enɔ enye akwa ofut.