NAHUM 2:2 - Edisana ñwed Abasi Ibom

² Koro Jehovah amada ubɔŋ Jacob afiak edi, kpa nte ubɔŋ Israel: koro mbon-ŋwo ebumede mmɔ fap-fap, enyuŋ ebiatde ŋkɔk mmɔ.

NAHUM 2:2 ပူးပေါင်းရင်းမြစ်များ

ŊWED MME PSALM 47:4

Enye eyemek udeme nnyin ɔnɔ nnyin, kpa ubɔŋ Jacob emi enye amade. [Selah.]

ISAIAH 60:15

Utu ke ekpɔŋ fi enyuŋ esua fi, owo minyuŋ isaŋake ibe fi, nyenim fi ke nsinsi ubɔŋ, idara ediwak emana.

JEREMIAH 25:29

Koro, sese, ami mmɔŋ ntɔŋɔ ndida idiɔk-ŋkpɔ ntiene obio emi ekerede enyiŋ mi, ndien nte mbufo edibɔhɔ ufen kpukpru? Mbufo idibɔhɔke bɔhɔ: koro ami ŋkotde ofut, nte osim kpukpru mme andiduŋ isɔŋ: emi edi uyo Jehovah mme udim.

JEREMIAH 48:11

Moab ama oduŋ ke ifure toto ke ini uyen esie, enye ama onyuŋ etie ke ntak esie, ika-inyuŋ ikaŋake enye ke abaŋ kiet isin ke abaŋ eken, ika-inyuŋ itaŋke enye ifep: oro esin inem esie ebigi enye ke esit, ufuɔŋ esie inyuŋ ikpuhɔkede.

JEREMIAH 49:9

Mbon utet vine ekpedi ke ɔtɔ fo, nte mmɔ ikpɔsuhɔke nsit-nsit? Ekpedi inɔ ke okoneyo, mmɔ ekpesobo, adaŋa nte ekemde ye mmɔ.

EZEKIEL 37:21

Ndien dɔhɔ mmɔ, ete, Ntem ke Ɔbɔŋ Jehovah ɔdɔhɔ, ete, Sese, ami mmɔŋ nda nditɔ Israel mfep ke otu mme idut emi mmɔ esaŋade do, nnyuŋ ntaŋ mmɔ ke ŋkanŋkuk mbon, nnyuŋ nda mmɔ ndi ke isɔŋ mmɔ;

EZEKIEL 37:23

Idinyuŋ idaha aba ibɔk mmɔ ye ŋkpɔ ndek mmɔ, ye baba mme idiɔk ido mmɔ kiet isabare idem mmɔ: ndien ami nyenyaŋa mmɔ nsio ke kpukpru ebiet iduŋ mmɔ emi mmɔ ekenamde idiɔk ke esit; nnyuŋ nnam mmɔ edi edisana: ndien mmɔ eyedi ikɔt mi, ami nyenyuŋ ndi Abasi mmɔ.

HOSEA 10:1

ISRAEL edi vine eke asiahade, enye oŋwum mfri ɔnɔ idem esie: adaŋa nte mfri esie awakde, itie-uwa esie enyuŋ ewak; adaŋa nte ɔfɔnde ye isɔŋ mmɔ, mmɔ enam edifɔn mbiet ŋkpɔ.

NAHUM 2:10

Enye etie ukpɔk ye ikpikpu, ye ubɔk-ubɔk: ndien esit atara; edɔŋ enyuŋ enyek: ɔkpɔsɔŋ ubiak onyuŋ odu ke kpukpru isin; iso kpukpru mmɔ enyuŋ ekabare kpai.

NAHUM 3:14

Koi mmɔŋ ukuk obio nɔ idem fo, nam mkpɔsɔŋ ebiet fo esɔŋɔ; duk ke mbat, nyuŋ digi ntan; diɔŋ ɔtɔ ufɔp brick.

ZEPHANIAH 3:11

Ke usen oro but idinamke fi ibaŋa kpu-kpru ido fo emi afo ekeduede mi: koro ke ini oro nyesio mbon iseri emi eburede mbure ke otu mbufo mfep: ndien afo udutɔŋɔke aba ntak utaŋ idem ke edisana obot mi.