NAHUM 2:13 - Edisana ñwed Abasi Ibom

¹³ Jehovah mme udim ɔdɔhɔ ete, Sese, mmɔŋ nnam ikɔ ye afo. Ndien nyefɔp mme chariot esie nnam edi nsuŋ-ikaŋ: ofut eyenyuŋ adia mkparawa lion fo: ndien nyesibe se afo awaide ke isɔŋ mfep, ndien idikopke aba uyo mme isuŋ-utom fo.

NAHUM 2:13 ပူးပေါင်းရင်းမြစ်များ

2 NDIDEM 18:17

Ekem, edidem Assyria etie ke Lachish ɔdɔŋ Tartan, ye Rabsaris, ye Rab-shakeh, ete eda akwa udim-ekɔŋ eka ke ɔtɔ edidem Hezekiah ke Jerusalem. Ndien mmɔ edɔk eka ke Jerusalem. Ekem adaŋemi mmɔ edɔkde esim do, mmɔ eda ke mben udiɔŋ mmɔŋ enyɔŋ-enyɔŋ mkpɔdiɔhɔ-mmɔŋ emi odude ke ɔkpɔ-usuŋ iŋwaŋ ɔdiɔŋ-ɔfɔŋ.

2 NDIDEM 18:19

Ndien Rabshakeh ɔdɔhɔ mmɔ, ete, Mbufo edɔhɔ ndien Hezekiah, ete, Ntem ke akwa edidem, kpa edidem Assyria ɔdɔhɔ, ete, Ewe mbuɔtidem edi emi afo ɔbuɔtde?

2 NDIDEM 19:23

Afo amada inua mme isuŋutom fo esuene Ɔbɔŋ, onyuŋ ɔdɔhɔ, ete, Ami nda ata ediwak chariot mi ndɔk ke enyɔŋ ikpɔ obot, ye ke ŋkaŋ Lebanon; ndien nyekpeŋe edikoŋ cedar esie, ye edimek fir esie; nyenyuŋ nsim ata nsom esie, ye eti iŋwaŋ akai esie.

2 NDIDEM 19:9

Ndien adaŋemi enye okopde abaŋa Tirhakah edidem Ethiopia, ete, Sese, enye ke ɔwɔrɔ edi ekɔŋ ye afo, enye ɔtɔŋɔ ntak ɔdɔŋ mme isuŋ utom ke ɔtɔ Hezekiah, ete,

2 CHRONICLES 32:19

Ntre ke mmɔ eketiŋ ebaŋa Abasi Jerusalem, kpa nte abasi mme idut ererimbot, emi ubɔk owo enamde.

ŊWED MME PSALM 46:9

Enye anam ekɔŋ etre tutu osim ke utit ekondo; eyebuŋ utiga, onyuŋ osibe eduat: eyenyuŋ ɔfɔp mme chariot ke ikaŋ.

JEREMIAH 21:13

Sese, ami mmɔŋ nnam ikɔ ye afo, O andiduŋ ebedeŋ, ye akwa itiat una-isɔŋ, Jehovah ɔdɔhɔ; mbufo emi edɔhɔde ete, Anie edisuhɔre ke ɔtɔ nnyin? Anie edinyuŋ oduk ke ebiet iduŋ nnyin?

JEREMIAH 46:14

Mbufo etiŋ ke Egypt, enyuŋ ekwɔrɔ ke Migdol, enyuŋ ekwɔrɔ ke Noph, enyuŋ edɔhɔ ke Tahphanhes, ete, Nim idem, nam ŋkpɔ beŋe ke idem fo; koro ofut adiade akan fi okuk. Ata mkpɔsɔŋ owo fo enam didie eduɔhɔ?

JEREMIAH 50:31

Ɔbɔŋ Jehovah mme udim ɔdɔhɔ, ete, Sese, mmasua fi, O eseri-iseri, koro usen fo emedi, kpa ini eke ndinɔde fi ufen.

JEREMIAH 51:25

Jehovah ɔdɔhɔ, ete, Sese, ami nnam ikɔ ye afo, O obot eke abiatde, eke abiatde ofuri ekondo: ndien nyenyan ubɔk ntuk fi, nnyuŋ ŋkpat fi ke edikoŋ itiat mfep, nnyuŋ nnim fi ke obot eke asakde ikaŋ.

EZEKIEL 13:8

Mmɔdo ntem ke Ɔbɔŋ Jehovah ɔdɔhɔ ete, Koro mbufo esude nsu, enyuŋ ekutde abiaŋa, mmɔdo Ɔbɔŋ Jehovah ɔdɔhɔde, ete, Sese, ami mmɔŋ nnam ikɔ ye mbufo.

EZEKIEL 21:3

Nyuŋ dɔhɔ isɔŋ Israel, ete, Ntem ke Jehovah ɔdɔhɔ, ete, Sese, ami mmɔŋ nnam ikɔ ye afo; ndien nyesio ofut mi ke efɔk esie, nnyuŋ nsibe eti owo ye idiɔk ke otu mfep.

EZEKIEL 26:3

Mmɔdo ntem ke Ɔbɔŋ Jehovah ɔdɔhɔ, ete, Sese, ami mmɔŋ nnam ikɔ ye afo, Tyre, nnyuŋ nda ediwak mme idut ndɔk ntiene fi, kpa nte akamba mmɔŋ otopde odut esie ɔdɔk.

EZEKIEL 28:22

Ntem ke Ɔbɔŋ Jehovah ɔdɔhɔ, ete, Sese, ami mmɔŋ nnam ikɔ ye afo zidon, nyenyuŋ nda ukpono ke ufɔt fo: ndien mmɔ eyefiɔk ete ke ami ndi Jehovah, ke ini ndinamde ikpe ke esit, ndien eyenim mi ke edisana ke esit.

EZEKIEL 29:10

Mmɔdo, sese, ami nyenam ikɔ ye afo ye akpa mmɔŋ fo; nyenyuŋ nnim isɔŋ Egypt ke ata ŋwure ye ndon, ɔtɔŋɔde ke Migdol tutu osim ke Syene: tutu onyuŋ osim ke adaŋa Kush.

EZEKIEL 29:3

Dɔhɔ, ete, Ntem ke Ɔbɔŋ Jehovah ɔdɔhɔ, ete, Sese, ami mmɔŋ nnam ikɔ ye afo Pharaoh edidem Egypt, akamba fiom emi anade ke ufɔt mme akpa mmɔŋ esie, emi ɔdɔhɔde, ete, Akpa mi edi okimmɔ, ami ŋkonyuŋ nnam enye nnɔ idem mi.

EZEKIEL 35:3

nyuŋ dɔhɔ enye, ete, Ntem ke Ɔbɔŋ Jehovah ɔdɔhɔ, ete, Sese, mmɔŋ nnam ikɔ ye afo, obot Seir, nyenyuŋ nnyanare ubɔk mi ndori fi ke idem, nnyuŋ nnim fi ke nsobo ye ŋwure.

EZEKIEL 38:3

nyuŋ dɔhɔ ete, Ntem ke Ɔbɔŋ Jehovah ɔdɔhɔ, ete, Sese, ami mmɔŋ nnam ikɔ ye afo, Gog, ɔbɔŋ Rosh,

EZEKIEL 39:1

AFO eyen owo tiŋ, ndien, prophecy baŋa Gog, nyuŋ dɔhɔ, ete, Ntem ke Ɔbɔŋ Jehovah ɔdɔhɔ, ete, Sese, ami mmɔŋ nnam ikɔ ye afo Gog, ɔbɔŋ Rosh, Meshech, ye Tubal:

EZEKIEL 5:8

mmɔdo ntem ke Ɔbɔŋ Jehovah ɔdɔhɔ, ete, Sese, ami, kpa ami, nnam ikɔ ye afo: nyenyuŋ ŋkpe ikpe ye mbufo ke iso mme idut.

NAHUM 2:12

Ayara lion awai se ikemde ye nditɔ esie, onyuŋ efik unam itɔŋ ɔnɔ iban esie; onyuŋ esin se enye awaide ke ndudu esie, ye se enye omumde ke nna esie ɔyɔhɔ.

NAHUM 3:1

ƆDƆDIƆK ɔnɔ obio afai! nsu ye mbume eyɔhɔ enye kpukpru; enye idopke ndiwai;

NAHUM 3:12

Kpukpru mkpɔsɔŋ ebiet fo ebiet eto fig ye akpa mfri eke adatde: ema enyeŋe mmɔ, mmɔ eduɔŋɔ ke inua owo eke adiade.

NAHUM 3:15

Do ke ikaŋ edita fi; ofut eyesibe fi efep, eyeta fi nte ŋkuku; wawak nte ŋkuku, wawak nte ŋkukuŋkpɔyɔriyɔ.

NAHUM 3:5

Jehovah mme udim ɔdɔhɔ ete, Sese, ami mmɔŋ nnam ikɔ ye afo; ndien nyefuhɔre fi edisine-ŋkpɔ fo nda mfuk fi iso, nnyuŋ ŋwut mme idut iferi fo, nyewut mme obio but fo;

JOSHUA 11:6

Ndien Jehovah ɔdɔhɔ Joshua ete, Kufehe ndik ubaŋa mmɔ: koro ke adaŋemi ini ntem mkpɔŋ ke ami ndida mmɔ kpukpru ŋwot nnim ke iso Israel; afo eyekpok mme horse mmɔ akpan osip, onyuŋ ɔfɔp mme chariot mmɔ ke ikaŋ.

JOSHUA 11:9

Ndien Joshua anam mmɔ kpa nte Jehovah ɔkɔdɔhɔde enye: okpok mme horse mmɔ akpan osip, onyuŋ ɔfɔp mme chariot mmɔ ke ikaŋ.