NAHUM 2:12 - Edisana ñwed Abasi Ibom

¹² Ayara lion awai se ikemde ye nditɔ esie, onyuŋ efik unam itɔŋ ɔnɔ iban esie; onyuŋ esin se enye awaide ke ndudu esie, ye se enye omumde ke nna esie ɔyɔhɔ.

NAHUM 2:12 ပူးပေါင်းရင်းမြစ်များ

2 SAMUEL 17:8

Ndien Hushai ɔdɔhɔ ete, Afo ɔmɔfiɔk usɔ ye ikɔt esie, ete ke mmɔ edi mbon uko, esit onyuŋ ayat mmɔ, nte bear eke ewotde nditɔ esie ke ikɔt; usɔ onyuŋ edi owo ekɔŋ, idinyuŋ idaŋke ke otu mmɔ eken ke okoneyo.

ŊWED MME PSALM 17:12

Enye ebiet lion, itɔŋ uwai ŋkpɔ ɔdɔŋ enye; ebiet abak lion, etie ke ebiet udibe.

JEREMIAH 51:34

Nebuchadrezzar edidem Babylon ama adia mi, ama asuan mi, ama onim mi nte ukpɔk abaŋ, ama emen mi nte kukubarakpa, ama ada edinem udia mi esin ke idibi esie ɔyɔhɔ, ama ebin mi efep.

NAHUM 2:11

Nna mme lion, emi onyuŋ edide ebiet udia mkparawa lion, odu mmɔŋ? Emi ayara ye uman lion ekesaŋade do, eyen lion ŋko, ndien baba owo kiet eke esinde mmɔ ndik ikoduhe?

NAHUM 2:13

Jehovah mme udim ɔdɔhɔ ete, Sese, mmɔŋ nnam ikɔ ye afo. Ndien nyefɔp mme chariot esie nnam edi nsuŋ-ikaŋ: ofut eyenyuŋ adia mkparawa lion fo: ndien nyesibe se afo awaide ke isɔŋ mfep, ndien idikopke aba uyo mme isuŋ-utom fo.

NUMBERS 23:24

Sese mbon emi edaha ke enyɔŋ nte lion, enyuŋ emen idem nte abak lion: enye idisuhɔkede ina, tutu ata se awaide, onyuŋ ɔŋwɔŋ iyip ŋkpɔ eke enye owotde.