NAHUM 2:11 - Edisana ñwed Abasi Ibom

¹¹ Nna mme lion, emi onyuŋ edide ebiet udia mkparawa lion, odu mmɔŋ? Emi ayara ye uman lion ekesaŋade do, eyen lion ŋko, ndien baba owo kiet eke esinde mmɔ ndik ikoduhe?

NAHUM 2:11 ပူးပေါင်းရင်းမြစ်များ

GENESIS 49:9

fi. Judah edi abak eyen lion; eyen mi! afo ɔmɔdɔk ɔkpɔŋ se akawaide; enye ɔnuhɔ, ɔkubɔ nte lion, ye uman lion; anie edibumere enye?

ISAIAH 13:7

Mmɔdo kpukpru ubɔk ememde, esit kpukpru owo enyuŋ eyemere: nsia onyuŋ oyomo mmɔ;

ISAIAH 31:4

Koro ntem ke Jehovah ɔdɔhɔ mi, ete, Kpa nte lion ye abak lion ekunide ebaŋa unam mmɔ, emi mmɔ ekotde otu mme ekpeme-ufene ete ediwot enye, edi uyom mmɔ inamke enye ndik, iwok mmɔ inyuŋ inamke esit akpa enye; kpasuk ntre ke Jehovah mme udim edisuhɔre aŋwana ekɔŋ ke akamba obot Zion, ye ke ekpri obot esie.

ISAIAH 5:29

mfiori mmɔ ebiet eke uman lion, mmɔ efiori nte mkparawa lion: eyenyuŋ ekuni, enyuŋ emum unam, enyuŋ emen enye enyɔŋ ke ifure, baba owo kiet eke anyaŋade idinyuŋ iduhe.

JEREMIAH 2:15

Nsinam ndien enye akabarede edi ŋkpɔ mbume? Mkparawa lion ke ekuni enye, emenere uyo mmɔ, enyuŋ enim isɔŋ esie ke ŋkpɔ nsobo: mme obio esie emenyuŋ eta ikaŋ, enana owo eke oduŋde.

JEREMIAH 4:7

Lion oto ke mfuhɔ ikɔt esie ɔdɔk, andisobo mme idut onyuŋ otibi isaŋ; oto ke ebiet esie, ete inim isɔŋ fo ke nsobo; mme mbio fo eyebiara, ndien baba owo kiet eke oduŋde ididuhe.

JEREMIAH 50:17

Israel edi erɔŋ eke esuanade: mme lion emebin enye efep: edidem Assyria ama ebem iso adia enye; ndien ke emi Nebucha-drezzar edidem Babylon emi etiene edem obuŋ enye ɔkpɔ.

JEREMIAH 50:44

Sese, enye eyeto ke iseri Jordan nte lion, ɔdɔk aka ke iduŋ ata ɔkpɔsɔŋ: koro nyeyip enyin nnam enye oto ke esit efehe, ndien anie edi edimek owo eke ndinimde ke etubom esie? Koro anie ebiet mi? Anie edinyuŋ odori ini ɔnɔ mi? Anie owo onyuŋ edi ɔbɔk ufene eke edidade mi ke iso?

EZEKIEL 32:2

Eyen owo, men ikwɔ eseme baŋa Pharaoh edidem Egypt, nyuŋ dɔhɔ enye, ete, Afo ekebiet akparawa lion mme idut, afo onyuŋ edi ofiom ke akwa mmɔŋ, onyuŋ oto ke mme akpa mmɔŋ fo obumere ɔwɔrɔ, onyuŋ etimere mmɔŋ ke ukot fo, onyuŋ anam mmɔŋ mmɔ edehe.

JOEL 2:6

Iso mmɔ esin mme idut enyek idem kpukpru iso enyuŋ ekabare kpai.

MICAH 5:6

ndien mmɔ eyedia isɔŋ Assyria ke ofut, ye isɔŋ Nimrod ke inua-otop esie: ndien enye eyenyaŋa nnyin osio Assyria ke ubɔk ke adaŋemi enye odukde ke isɔŋ nnyin, ke enye onyuŋ edigide ŋkpɔ ke esit adaŋa nnyin.

NAHUM 2:12

Ayara lion awai se ikemde ye nditɔ esie, onyuŋ efik unam itɔŋ ɔnɔ iban esie; onyuŋ esin se enye awaide ke ndudu esie, ye se enye omumde ke nna esie ɔyɔhɔ.

NAHUM 3:1

ƆDƆDIƆK ɔnɔ obio afai! nsu ye mbume eyɔhɔ enye kpukpru; enye idopke ndiwai;

ZEPHANIAH 3:3

Mbɔŋ esie ke ufɔt esie edi lion mfriori: mme ebierikpe esie edi wolf mbubreyo; mmɔ isuhɔke baba ŋkpɔ kiet inɔ usenubɔk.

NUMBERS 23:24

Sese mbon emi edaha ke enyɔŋ nte lion, enyuŋ emen idem nte abak lion: enye idisuhɔkede ina, tutu ata se awaide, onyuŋ ɔŋwɔŋ iyip ŋkpɔ eke enye owotde.