NAHUM 2:10 - Edisana ñwed Abasi Ibom

¹⁰ Enye etie ukpɔk ye ikpikpu, ye ubɔk-ubɔk: ndien esit atara; edɔŋ enyuŋ enyek: ɔkpɔsɔŋ ubiak onyuŋ odu ke kpukpru isin; iso kpukpru mmɔ enyuŋ ekabare kpai.

NAHUM 2:10 ပူးပေါင်းရင်းမြစ်များ

GENESIS 1:2

Ndien isɔŋ edi ikpikpu, ye ukpɔk; ekim onyuŋ odu ke enyɔŋ inyaŋ. Spirit Abasi onyuŋ ɔkubɔ ke enyɔŋ mmɔŋ.

ŊWED MME PSALM 22:14

Eŋwaŋa mi nte mmɔŋ; kpukpru mme ɔkpɔ mi efebede ŋko; esit mi atara nte mbukpa ɔkwɔk ke ufɔt nsia mi.

ISAIAH 14:23

Uyo Jehovah edi emi. Nyenyuŋ nnim enye ke se ebiɔŋ adade enyene, ye ke mkpɔdiɔhɔ-mmɔŋ: nnyuŋ nda ifiet nsobo ŋkpɔri enye mfep. Uyo Jehovah mme udim edi emi.

ISAIAH 21:3

Oro esin ata ndik ɔyɔhɔ mi ke isin: ubiak omum mi, nte ubiak aŋwan uman: se ŋkopde anam idem esiŋede mi; se ŋkutde esin mi ndutime.

ISAIAH 24:1

SESE, Jehovah aŋwaŋa ŋkpɔ ke isɔŋ efep, anam enye edi ukpɔk, onyuŋ okubi iso esie, onyuŋ asuan mme andiduŋ enye.

JEREMIAH 30:6

Mbufo ebup ndien, enyuŋ ese, mme eren owo aman eyen? Nnam didie ŋkut kpukpru mbon uko nte etɔde ubɔk ke isin, ebiet aŋwan uman, kpukpru iso enyuŋ ekabare akpai?

JEREMIAH 49:23

Eke Damascus. But anam Hamath ye Arpad: koro mmɔ ekopde idiɔk etop: mmɔ eyemere: ndutime mmɔdo ke inyaŋ ibom; enye ikemeke ndina suŋ.

JEREMIAH 51:62

Afo, O Jehovah, ɔdɔhɔ ikɔ otuk ebiet emi, ete iyesibe enye ifep, tutu owo eke oduŋde ke esit iduhe, edide owo onyuŋ edide ufene; koro enye eyedi nsinsi ndon.

JEREMIAH 8:21

Mmowure mbaŋa ŋwure adiaha ikɔt mi: mmakabare mbire; mkpa-idem omomum mi akama.

EZEKIEL 21:7

Ndien edikem, ke ini mmɔ edɔhɔde ye afo, ete, Nsinam afo omumde? dɔhɔ ndien ete, Ke abaŋa etop: koro enye ɔmɔŋ edi; ndien kpukpru esit eyetara, kpukpru ubɔk eyenyuŋ emem, kpukpru spirit eyenyuŋ ekpa, kpukpru edɔŋ eyenyuŋ esaŋa nte mmɔŋ: sese, ke edi, eyenyuŋ odu; emi edi uyo Ɔbɔŋ Jehovah.

EZEKIEL 31:15

Ntem ke Ɔbɔŋ Jehovah ɔdɔhɔ ete, Ke usen oro enye ɔkɔsuhɔrede ke obube, ami nsin etua eyet; ŋkofuk inyaŋ mbaŋa enye, nnyuŋ ŋkpaŋ mme akpa mmɔŋ esie, enyuŋ ekɔbi ikpɔ mmɔŋ: nnyuŋ nsin Lebanon eseme enye, kpukpru eto ikɔt enyuŋ ekpa idem ebaŋa enye.

DANIEL 5:6

Ndien iso edidem akabare kpai, ekikere esie enyuŋ etimere enye, ŋkek isin esie enyuŋ emem: edɔŋ esie kiet onyuŋ atuak eken.

JOEL 2:6

Iso mmɔ esin mme idut enyek idem kpukpru iso enyuŋ ekabare kpai.

NAHUM 2:2

Koro Jehovah amada ubɔŋ Jacob afiak edi, kpa nte ubɔŋ Israel: koro mbon-ŋwo ebumede mmɔ fap-fap, enyuŋ ebiatde ŋkɔk mmɔ.

NAHUM 3:7

Ndien ama ekem kpukpru owo eke edikutde fi, eyefeŋe ekpɔŋ fi, enyuŋ edɔhɔ, ete, Nineveh omosobo: anie editua enye mbɔm? Ke ebiet ewe ke ndiyom owo eke edidɔŋde fi esit?

ZEPHANIAH 3:6

Mmosibe mme idut mfep: mme tower mmɔ emewure; mmabiat mme efak mmɔ, ndien owo eke asaŋade ebe iduhe: emesobo mme obio emi, ndien owo eke oduŋde iduhe.

JOSHUA 2:11

Ndien ke adaŋemi nnyin ikekopde, nsia eyemere nnyin, mbufo inyuŋ iyakke aba owo ndomo kiet enyene uko; koro edi Jehovah Abasi mbufo edi Abasi ke ata enyɔŋ, ye isɔŋ ke idak.

JOSHUA 7:5

Nditɔ Ai enyuŋ ewot mmɔ osim adaŋa owo edip ye efurekiet: ndien ebine mmɔ, ɔtɔŋɔde ke inua-otop obio tutu osim ke Shebarim, enyuŋ ewot mmɔ ke usuhɔre: mmɔdo esit ɔduɔde kpukpru owo, onyuŋ akabarede emem nte mmɔŋ.