NAHUM 1:5 - Edisana ñwed Abasi Ibom

⁵ Ikpɔ obot enyek ebak enye, ŋkpri obot enyuŋ etara: iso esie esin isɔŋ ofut, ye ekondo ye kpukpru mme andiduŋ ke esit.

NAHUM 1:5 ပူးပေါင်းရင်းမြစ်များ

2 SAMUEL 22:8

Ndien isɔŋ aduai onyuŋ enyek; se enyɔŋ eberede ke esit onyuŋ otut onyuŋ aduai, koro enye ayatde esit.

ŊWED JOB 26:11

Obubɔk ikpa-enyɔŋ enyek: nduari esie onyuŋ esin mmɔ ekpa idem:

ŊWED JOB 9:5

Emi emende ikpɔ obot efep, ndien mmɔ ifiɔkke: emi oyutde mmɔ akabare onim ke iyaresit esie;

ŊWED MME PSALM 104:32

Enye owuk enyin ese isɔŋ, ndien isɔŋ enyek: otuk ikpɔ obot, ndien mmɔ ewɔrɔ nsuŋ-ikaŋ.

ŊWED MME PSALM 114:4

Ikpɔ obot enek nte okukim, ŋkpri obot, nte nditɔ ufene.

ŊWED MME PSALM 114:6

Nso ŋkpɔ akanam mbufo, ikpɔ obot, eke esinde mbufo enek nte okukim? Ye ŋkpri obot nte nditɔ ufene?

ŊWED MME PSALM 18:7

Ndien isɔŋ aduai onyuŋ enyek; se ikpɔ obot edade ke esit etimere onyuŋ aduai, koro esit ayatde Enye.

ŊWED MME PSALM 18:8

Nsuŋikaŋ oto Enye ke ibuo ɔdɔk, ikaŋ onyuŋ ɔwɔrɔ enye ke inua, ata ŋkpɔ;

ŊWED MME PSALM 46:6

Mme idut eyomo, mme obio esehere: enye emenere uyo esie, isɔŋ eyetara.

ŊWED MME PSALM 68:8

Isɔŋ enyek, ikpa-enyɔŋ ŋko ɔtɔi ke iso Abasi: Sinai oro (enyek) ke iso Abasi, Abasi Israel.

ŊWED MME PSALM 98:7

Yak inyaŋ ye se iyɔhɔde ke esit ekpot; ye ererimbot ŋko, ye mme andiduŋ enye.

EXODUS 19:18

Ndien ofuri obot Sinai edi nsuŋikaŋ-nsuŋikaŋ; oto koro Jehovah etiede ke ikaŋ ɔsuhɔre ke esit: nsuŋikaŋ esie onyuŋ ɔwɔrɔ ɔdɔk nte nsuŋikaŋ furnace, ofuri obot onyuŋ enyek eti-eti.

ISAIAH 24:1

SESE, Jehovah aŋwaŋa ŋkpɔ ke isɔŋ efep, anam enye edi ukpɔk, onyuŋ okubi iso esie, onyuŋ asuan mme andiduŋ enye.

ISAIAH 24:20

Ererimbot eteteŋ nte owo mmin, onyuŋ ofofum nte hammock; isop esie onyuŋ odobi enye ke edem; ndien enye ɔduɔ, idinyuŋ idahake aba ke enyɔŋ.

ISAIAH 5:25

Oro esin Jehovah obumerede iyaresit ye ikɔt esie, onyuŋ anyan ubɔk esie odori mmɔ ke idem, onyuŋ ɔtɔ mmɔ: ndien ikpɔ obot enyek idem, mme okpo mmɔ enyuŋ ena nte ifum ke efak. Ofuri ŋkpɔ emi isinke iyaresit esie afiak edem, edi enye osuk anyanyan ubɔk esiemɔ.

JEREMIAH 10:10

Edi Jehovah edi Abasi akpanikɔ, Abasi uwem, ye nsinsi Edidem: iyaresit esie enyeŋe ererimbot, mme idut inyuŋ ikemeke ndida ifuresit esie.

JEREMIAH 4:24

Nse ikpɔ obot, ndien sese, mmɔ enyek, kpukpru ŋkpri obot enyuŋ efefum.

EZEKIEL 38:20

ndien iyak ke mmɔŋ, ye iunen enyɔŋ, ye unam ikɔt, ye kpukpru mme andinyɔni emi enyɔnide ke isɔŋ, ye kpukpru owo emi edude ke iso ererimbot, eyenyek idem ke iso mi; ndien ikpɔ obot ewure; ŋkokoŋo itiat enyuŋ eduɔŋɔ, kpukpru ibibene enyuŋ eduɔŋɔ ke isɔŋ.

JOEL 2:10

Isɔŋ enyek ke iso mmɔ; enyɔŋ onyuŋ etimere: utin ye ɔfiɔŋ ebire, ntantafiɔŋ enyuŋ enimi uyama mmɔ.

AMOS 9:5

Onyuŋ edi Ɔbɔŋ Jehovah mme udim otuk isɔŋ, ndien enye atara; ndien kpukpru mme andiduŋ ke esit etuaŋa: enye onyuŋ ɔyɔhɔ ofuri ebiet nte akpa mmɔŋ, onyuŋ ɔsuhɔre nte akpa Egypt.

MICAH 1:4

Ndien ikpɔ obot eyetara ke idak esie, mme itihere eyenyuŋ esiaha, kpa nte obukpa ɔkwɔk ke enyin ikaŋ, kpa nte mmɔŋ eke eŋwaŋade ke ŋwewere.

HABAKKUK 3:10

Ikpɔ obot ekut fi, emiaŋa; akwa edim mmɔŋ asaŋa ebe: inyaŋ ibom osioro uyo esie, emenere ubɔk esie ke enyɔŋ.

ZECHARIAH 4:7

Afo akamba obot edi nso ŋkpɔ? Afo eyekabare edi una-isɔŋ ke iso Zerubbabel: ndien enye eyesio itiat ibuot ke mkpo idara, ete, Ufɔn, ufɔn enyene enye.

MALACHI 4:1

KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

MATTHEW 27:51

Ndien sese, ukara temple asiaha mbak iba, ɔtɔŋɔde ke enyɔŋ osim ke isɔŋ; isɔŋ onyuŋ enyek;

MATTHEW 28:2

Ndien sese, akwa unyek -isɔŋ odu: koro angel Jehovah okoto ke Heaven ɔsuhɔre edi edikpat itiat osio, onyuŋ etie ke esit.

ERIYARARE 20:11

Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.

ERIYARARE 6:14

Ndien emen ikpa-enyɔŋ efep nte emi efutde ikpa-ŋwed; enyuŋ emen kpukpru ikpɔ obot ye isuo efep ke itie mmɔ.

JUDGES 5:5

Ikpɔ obot enyek ke iso Jehovah, kpa Sinai oro ke iso Jehovah Abasi Israel.