NAHUM 1:3 - Edisana ñwed Abasi Ibom

³ Jehovah isɔpke iyaresit, enye onyuŋ okpon odudu, edi enye idiyakke mme edue-isop ebɔhɔ: usuŋ Jehovah odu ke idio ye ke oyobio, obubit enyɔŋ onyuŋ edi obu ukot esie.

NAHUM 1:3 ပူးပေါင်းရင်းမြစ်များ

2 SAMUEL 22:10

Ndien enye onuk ikpa-enyɔŋ, ɔsuhɔre; ɔkpɔsɔŋ ekim onyuŋ odu enye ke idak ukot.

NEHEMIAH 9:17

inyuŋ inyimeke ndikop, inyuŋ itihe utibe ŋkpɔ fo oro afo akanamde ke otu mmɔ, edi esɔŋ obot itɔŋ mmɔ, enyuŋ esɔŋ ibuot, enim etubom, ete ifiak ke itie ufin mmimɔ. Edi afo edi Abasi eridahado, ye mfɔn, ye mbɔm, ye anyan ime, ye akwa ima, ndien ukpɔŋke mmɔ.

ŊWED JOB 10:14

Ŋkpedue, afo ekpekpeme mi, ukponyuŋ uyakke mi mbɔhɔ ufen mi.

ŊWED JOB 38:1

NDIEN Jehovah etie ke oyobio ɔbɔrɔ Job, ete,

ŊWED JOB 9:4

Anie ɔsɔŋ ibuot ye enye, ndien okut ifure?

ŊWED MME PSALM 103:8

Jehovah emenyene esit mbɔm ye mfɔnido, isɔpke iyaresit, ndien awak ima.

ŊWED MME PSALM 104:3

ɔkɔŋ ubet esie ke mmɔŋ: ada obubit enyɔŋ onim ke chariot esie: odoro ke mba ofum asaŋa:

ŊWED MME PSALM 145:8

Jehovah enyene esit ufɔn ye mbɔm: isɔpke iyaresit, edi okpon ima.

ŊWED MME PSALM 147:5

Ɔbɔŋ nnyin omokpon, omonyuŋ ɔsɔŋ odudu: ifiɔk esie akan nte owo obukde.

ŊWED MME PSALM 50:3

Abasi nnyin eyedi, idinyuŋ idopke uyo: ikaŋ eyebem enye iso ata, oyobio onyuŋ ofime ɔkpɔsɔŋ akan enye okuk.

ŊWED MME PSALM 62:11

Abasi ɔdɔhɔ ini kiet; mmaŋkop emi utim ikaba, ete ke Abasi emenyene odudu;

ŊWED MME PSALM 66:3

Edɔhɔ Abasi, ete, Se afo anamde enyene ndik adaŋa didie! Akwa odudu fo esin mme asua fo enem inua enɔ fi.

ISAIAH 19:1

UYO Abasi emi abaŋa Egypt. Sese, Jehovah ke odoro ke obubit enyɔŋ, awara oduk ke Egypt: ndien mme ibɔk Egypt enyek idem ke iso esie, esit Egypt onyuŋ akpa enye ke idem.

ISAIAH 29:6

Ndien obuma, ye unyek-isɔŋ, ye akwa uyom, ye idio, ye oyobio, ye edemikaŋ eke etade, eyeto Jehovah mme udim, edinam fi.

ISAIAH 66:15

Koro, sese, Jehovah eyedi ke ikaŋ, mme chariot esie eyenyuŋ edi nte oyobio ndikabare iyaresit edi ifiopesit, nnyuŋ ŋkabare nduari esie edi edemikaŋ.

JEREMIAH 4:13

Sese, enye eyedɔk nte mbubit enyɔŋ, mme chariot esie eyenyuŋ ebiet oyobio: horse esie esɔp ukot nte ntrukpom.

DANIEL 7:13

Ŋkut ke ŋkukut okoneyo, ndien, sese, owo eke ebietde eyen owo asaŋa ke obubit enyɔŋ edi, enye osim Andisɔŋɔ usen, enyuŋ eda enye edi enye ke iso.

HOSEA 8:7

Koro mmɔ eketɔde ofum ke isɔŋ, ndien mmɔ eyedɔk oyobio: etak iduhe ke esit: mbuŋwum esie idinamke ndom-uyo; ama anam, isen owo eyemen enye esin ke idibi.

JOEL 2:13

ndien mbufo ewai esit mbufo, ekuwai edisine-ŋkpɔ mbufo, enyuŋ efiak edem etiene Jehovah Abasi mbufo: koro enye enyenede mfɔn ye mbɔm, isɔpke iyaresit, onyuŋ awak ima, onyuŋ atua mkpɔfiɔk ke idiɔk ŋkpɔ.

JONAH 4:2

O Jehovah, mbɔk, nte emi idige uyo mi ke ŋkodude ke edem nnyin? Oro ekesin mi mfehe ŋka ke Tarshish ke akpa: koro mfiɔkde nte afo edi Abasi mbɔm ye mfɔn, usɔpke iyaresit, edi okpon ima, onyuŋ akabare esit ke idiɔk-ŋkpɔ.

ZECHARIAH 9:14

Ndien eyekut Jehovah ke enyɔŋ mmɔ, ndien idaŋ esie eyewɔrɔ nte obuma: ndien ɔbɔŋ Jehovah eyefuri ukorowo, onyuŋ asaŋa ke oyobio Teman.

NUMBERS 14:18

kpa nte afo ɔkɔdɔhɔde ete, Jehovah isɔpke iyaresit, edi awak ima, ke efen mme ukwaŋ-ŋkpɔ ye ndudue, edi idiyakke mbon isop ebɔhɔ; ada usiene ukwaŋ-ŋkpɔ mme ete osio ye nditɔ, tutu osim ɔyɔhɔ emana ita ye inaŋ.

MATTHEW 26:64

Jesus ɔbɔrɔ enye ete, Edi ntre; edi ndɔhɔ mbufo nte ɔtɔŋɔde ke emi mbufo eyekut nte Eyen Owo etiede ke ubɔk nnasia Odudu, onyuŋ odorode ke obubit enyɔŋ edi.

JAMES 1:19

Mbufo efiɔk emi, ndima nditɔ-ete mi. Edi yak kpukpru owo esɔp ndikop ikɔ, ekusɔp nditiŋ ikɔ, ekusɔp ndiyat esit;

ERIYARARE 1:7

Sese, Enye ɔmɔŋ asaŋa ke obubit enyɔŋ edi; kpukpru enyin eyenyuŋ ekut Enye, ye mmɔ emi ekekimde Enye; ndien kpukpru mme idut isɔŋ eyeseme Enye. Yak edi ntre, Amen.