NAHUM 1:2 - Edisana ñwed Abasi Ibom

² Jehovah edi Abasi ufup ye usiene: Jehovah osio usiene onyuŋ ɔyɔhɔ ifuresit. Jehovah osio usiene ye mme asua esie, onyuŋ ɔkɔhɔrɔ mbon utɔk esie.

NAHUM 1:2 ပူးပေါင်းရင်းမြစ်များ

ŊWED JOB 20:23

Ama ekem enye (Abasi) eyedɔŋ ikaŋ iyaresit esie, ete ɔyuhɔ enye idibi, onyuŋ anam edep enye ke idem, nte udia esie.

ŊWED MME PSALM 94:1

ABASI usiene, Jehovah; Abasi usiene, Yama!

EXODUS 20:5

kunuhɔ unɔ mmɔ, kunyuŋ unam ŋkpɔ mmɔ: koro ami Jehovah Abasi fo ndi Abasi ufup, nda ukwaŋkpɔ mme ete ndori nditɔ ke idem, ndori ɔyɔhɔ emana mmɔ eke esuade mi ita ye inaŋ;

EXODUS 34:14

kunyuŋ utuak ibuot unɔ abasi efen baba kiet: koro Jehovah, emi enyiŋ esie ekerede Ufup, edi Abasi ufup:

EXODUS 34:7

awak ima ye akpanikɔ, onim ima ɔnɔ ediwak tɔsin, efen mme ukwaŋ-ŋkpɔ, ye ndudue, ye idiɔk ido, edi iyakke mbon-isop ebɔhɔ; ada usiene mme ukwaŋkpɔ mme ete, osio ye nditɔ, ye nditɔ nditɔ, tutu osim ɔyɔhɔ emana ita ye inaŋ.

ISAIAH 42:13

Jehovah eyewɔrɔ nte owo uko, eyedemere ufup nte owo ekɔŋ: enye eyefiori, eyefiori akamba; eyesɔŋɔ idem akan mme asua esiemɔ.

ISAIAH 51:17

Demere, demere, daha ke enyɔŋ, Jerusalem, emi ɔkɔbɔde Jehovah cup iyaresit esie ke ubɔk ɔŋwɔŋ; afo ɔkɔŋwɔŋ bowl, kpa cup ufum, ɔkɔrɔde.

ISAIAH 51:20

Idem akpa nditɔ fo: mmɔ ena ke ibuot kpukpru mme efak, ebiet enaŋ ikɔt ke iyire: eyuhɔ ifuresit Jehovah, nduari Abasi fo.

ISAIAH 66:15

Koro, sese, Jehovah eyedi ke ikaŋ, mme chariot esie eyenyuŋ edi nte oyobio ndikabare iyaresit edi ifiopesit, nnyuŋ ŋkabare nduari esie edi edemikaŋ.

JEREMIAH 25:15

Koro ntem ke Jehovah Abasi Israel ɔdɔhɔ mi, ete, Bɔ mi cup wine ifuresit emi ke ubɔk, nyuŋ da enye nɔ kpukpru mme idut oro ami ŋkɔdɔŋde fi utom ke otu mmɔ, ete eŋwɔŋ.

JEREMIAH 28:8

mme prophet oro ekebemde mi ye afo iso ke eyo oko, ekenyuŋ etiŋde prophecy enɔ ediwak mme idut ye ikpɔ obio, etiŋ ebaŋa ekɔŋ, ye idiɔk-ŋkpɔ, ye udɔŋɔ.

JEREMIAH 3:5

Nte enye edikɔkɔhɔre ke nsinsi? Nte enye edinim iyaresit tutu amama? Sese, afo ɔmɔdɔhɔ, omonyuŋ anam mme idiɔk ŋkpɔ adaŋa nte ekemede.

JEREMIAH 36:7

Mme mmɔ eyesuhɔre idem mmɔ eseme ke iso Jehovah, kpukpru mmɔ enyuŋ efiak edem ekpɔŋ idiɔk usuŋ mmɔ: koro iyaresit ye ifuresit emi Jehovah ɔkɔdɔhɔde abaŋa mbio-obio emi ekponde.

JEREMIAH 4:4

O mbio Judah, ye mme andiduŋ Jerusalem, mbufo ena mbobi enɔ Jehovah, enyuŋ esibe esit mbufo edut efep: mbak ifiopesit mi ediwɔrɔ nte ikaŋ, onyuŋ ata, ndien baba owo kiet eke onimede iduhe, abaŋa mme idiɔk ido mbufo.

JEREMIAH 50:15

Mbufo efiori ekan enye ekuk: enye ɔkɔŋɔ mfaŋ; se enye eberede ke esit ɔmɔduɔ, ibibene esie emewure: koro edide usiene Jehovah; mbufo esio usiene ye enye; enam ye enye kpa nte enye akanamde.

ŊWED ESEME 4:11

Jehovah ama ama ifuresit esie; amaŋwaŋa ikaŋ iyaresit esie. Enye omonyuŋ okim ikaŋ ke Zion, emi atade tutu osim ke isɔŋ esie.

EZEKIEL 36:6

Tiŋ ndien prophecy baŋa isɔŋ Israel, nyuŋ dɔhɔ ikpɔ ye ŋkpri obot, ye mme udiɔŋ mmɔŋ, ye mme ebedeŋ, ete, Ntem ke Ɔbɔŋ Jehovah ɔdɔhɔ, ete, Sese, ami mmada ufup mi ye ifuresit mi ndɔhɔ: koro mbufo ekebiomde esuene mme idut:

EZEKIEL 38:18

Ɔbɔŋ Jehovah ɔdɔhɔ ete, Ama ekem, ndien, ke usen oro, ke usen eke Gog edidide ekɔŋ ke isɔŋ Israel, ifuresit eyeduk mi ke ibuo.

EZEKIEL 38:19

Nyenyuŋ nda ufup mi, nda ikaŋ ifuresit mi ndɔhɔ, nte, Akamba unyek-isɔŋ iditreke ke isɔŋ Israel;

EZEKIEL 39:25

Mmɔdo ntem ke Ɔbɔŋ Jehovah ɔdɔhɔ ete, Ke emi ke ndida nditɔ Jacob emi eketaŋde efep, mfiak ndi, nnyuŋ ntua ofuri ufɔk Israel mbɔm, nnyuŋ mfibe ufup mbaŋa edisana enyiŋ mi;

EZEKIEL 5:13

Ndien iyaresit mi eyekure, nyenyuŋ nda ifuresit mi ndori mmɔ ke idem, ndien ŋkop ndɔŋ-esit: ndien mmɔ eyefiɔk, ete, ke ami Jehovah ndɔhɔ ke ufup mi, ke ini mmade ifuresit mi ye mmɔ.

EZEKIEL 6:12

owo eke oyomde usuŋ eyekpa ke idiɔk udɔŋɔ; owo eke ekperede eyenyuŋ ɔduɔ ke ofut: ndien owo eke ɔsuhɔde, eke owo enyuŋ ekande enye ekuk, eyekpa biɔŋ: ntem ke ami ndima iyaresit mi ke idem mmɔ.

EZEKIEL 8:18

Ndien ami ŋko nyenam ke ifuresit: enyin mi idinyeneke mbɔm, ndinyuŋ nyakke: ndien mmɔ eyefiori mi ɔkpɔsɔŋ uyo ke utɔŋ, edi ndikopke uyo mmɔ.

JOEL 2:18

Ndien Jehovah eyefibe ufup abaŋa isɔŋ esie, onyuŋ atua ikɔt esie mbɔm.

LEVITICUS 26:28

ndien ami nyesaŋa ke ifuresit ye mbufo; ami ŋko nyemia mbufo utim ikatiaba mbaŋa mme idiɔk ido mbufo.

MICAH 5:15

Nyenyuŋ nda iyaresit ye ifuresit nsio usiene ye mme idut eke mikopke.

MICAH 7:18

Anie Abasi ebiet fi, ke efen mme ukwaŋ-ŋkpɔ, ke adahado ke idiɔk ido owo udeme esie emi esuhɔde? Ikɔhɔkede iyaresit esie ke nsinsi: koro enye adatde esit ndifɔn ido.

ZECHARIAH 1:14

Ndien angel oro enemede ye ami ɔdɔhɔ mi, ete, Fiori ete, Ntem ke Jehovah mme udim ɔdɔhɔ ete, Mmofibe akamba ufup mbaŋa Jerusalem ye Zion.

ZECHARIAH 8:2

Ŋkofibe akamba ufup nnɔ Zion, ŋkonyuŋ nda akamba ifiopesit mfibe ufup nnɔ enye.

NUMBERS 25:11

eyen Aaron oku, omosuk mi iyaresit ye nditɔ Israel, ke ufup emi enye okofibede ke otu mmɔ ɔnɔ mi, ndien ami ntre ndisobo nditɔ Israel ke ufup mi.

ŊWED MBON ROME 12:19

Ekusio usiene enɔ idem mbufo, ndima mme ufan mi, edi ebɔk idem ke usuŋ enɔ iyaresit Abasi: koro ewet ete, Jehovah ete, Usiene enyene Mi, Ami nyesio usiene.

ŊWED MBON ROME 13:4

koro enye edide anam-utom Abasi, man ŋkpɔ ɔfɔn ye afo. Edi edieke afo anamde se idiɔkde, fehe ndik; koro enye ikamake ofut ke ikpikpu: koro enye edi anam-utom Abasi, andisio usiene ndiyarare iyaresit ye enye emi anamde idiɔk.

DEUTERONOMY 4:24

Koro Jehovah Abasi fo edide edisak ikaŋ ye Abasi ufup.

DEUTERONOMY 7:10

onyuŋ osiode usiene ye mme asua enye ke iso esie, ke ndisobo mmɔ: enye idinamke ubigi ye owo eke asuade enye, eyesio usiene ɔnɔ enye ke iso esie.

MME HEBREW 10:30

Koro nnyin imɔfiɔk Enye emi ɔdɔhɔde ete, Usiene edi okim, nyesio usiene; onyuŋ ɔdɔhɔde ŋko ete, Jehovah eyekpe ikpe ikɔt Esie.

JOSHUA 24:19

Ndien Joshua ɔdɔhɔ kpukpru owo, ete, Mbufo ikwe nte enamde ŋkpɔ enɔ Jehovah: koro enye edide edisana Abasi; enye edi Abasi ufup; enye idifenke mme ukwaŋ-ŋkpɔ mbufo ye mme idiɔk ido mbufo.

2 PETER 2:9

Ɔbɔŋ ɔmɔfiɔk ndinyaŋa mmɔ emi eteŋede Enye nsio ke idomo, ndinyuŋ mmum mme idiɔk owo nnim ke itie ufen, tutu osim usen ikpe;