NAHUM 1:12 - Edisana ñwed Abasi Ibom

¹² Ntem ke Jehovah ɔdɔhɔ, ete, Okposuk edi nte mmɔ edide mfuri-mfuri, enyuŋ ewakde ntem, ntem ke edisibe mmɔ efep ŋko, ndien enye eyetak. Okposuk edi nte ŋkotukde fi, nditukke aba fi.

NAHUM 1:12 ပူးပေါင်းရင်းမြစ်များ

2 NDIDEM 19:35

Edikem ke okoneyo oro angel Jehovah ɔwɔrɔ, okowot tɔsin, tɔsin owo ke itie ikie ye anaŋ ye ition ke nna-ekɔŋ Assyria: ndien adaŋemi mmɔ ebakde edemere ke usenubɔk, sese, kpukpru mmɔ edi okpo.

2 NDIDEM 19:37

Ekem ke ini enye ɔbɔŋde akam ke ufɔk Nisroch abasi esie, Adrammelech ye Sharezer nditɔ esie ewot enye ke ofut; ndien mmɔ ebɔhɔ eka isɔŋ Ararat. Ndien Esar-haddon eyen esie ada ubɔŋ ke itie esie.

EXODUS 12:12

Koro nyesaŋa ke ufɔt isɔŋ Egypt ke okoneyo emi mbe, nyenyuŋ ŋwot kpukpru akpan ke isɔŋ Egypt, ntɔŋɔ ye owo nsim ufene; nnyuŋ mmia kpukpru mme abasi Egypt ufen; ami ndi Jehovah.

ISAIAH 10:16

Mmɔdo Ɔbɔŋ, Ɔbɔŋ mme udim, eyenɔ ndiɔk-idem esɔk mbon ubom mmɔ; ndien eyesak ke idak ubɔŋ mmɔ nte ikaŋ asakde.

ISAIAH 17:14

Ke ini mbubreyo; ndien, sese akpakop ndik; ke eyo mika-isiereke kaŋa, enye iduhe. Emi edi udeme mmɔ eke ebumede nnyin, ye afia mmɔ eke ewode ŋwo ye nnyin.

ISAIAH 30:19

Koro mbio ke Zion eyeduŋ ke Jerusalem: afo udutuaha eyet: enye eyetua fi mbɔm ke uyo eseme fo; ke ini enye okopde, enye eyebɔrɔ fi.

ISAIAH 31:8

Ndien Assyria eyeduɔ ke ofut, idige eke owo; ofut Enye mi midige owo eyenyuŋ adia enye; ndien enye eyefehe mbak ofut, mbon-ekɔŋ esie eyenyuŋ ekabare etomo utomo.

ISAIAH 37:36

Ndien angel Jehovah ɔwɔrɔ okowot tɔsin owo itie ikie ye anaŋ, ye tɔsin owo ition, ke nna-ekɔŋ Assyria; ndien ke mmɔ ebakde edemere ke usenubɔk, sese, kpukpru mmɔ edi okpo-okpo.

ISAIAH 51:22

ye eke Abasi fo, enye eyekpe ikɔ ikɔt esie, ete, Sese, mmosio fi cup ufum ke ubɔk, nsio bowl kpa cup ifuresit mi; afo udumanake uŋwɔŋ aba enye:

ISAIAH 7:20

Ke usen oro Ɔbɔŋ eyekpe akaraŋ kiet ke edem akpa oko, kpa Assyria, ada okporo ibuot, ye idet ukot: enye eyenyuŋ akwat ntaŋebek efep.

ISAIAH 8:8

ndien enye eyebe oduk ke Judah: eyetɔ onyuŋ asaŋa ebe, eyesim ke itɔŋ; ndien eritara mba esie eyedi se iyɔhɔde ubom isɔŋ fo, O Immanuel.

DANIEL 11:10

Ndien nditɔ esie eyedemere, enyuŋ ebon ediwak otu mbon-ekɔŋ: ndien owo kiet iditreke ndidi, nnyuŋ nyɔhɔ nte mmɔŋ, nnyuŋ nsaŋa mbe. Ndien enye eyefiak edem, onyuŋ emen idem tutu osim ke ɔkpɔsɔŋ ebiet esie.

JOEL 2:19

Ndien Jehovah eyebɔrɔ, onyuŋ ɔdɔhɔ ikɔt esie, ete, Sese, ami nyeda ibokpot nnɔ esɔk mbufo, ye obufa wine, ye aran, ndien mbufo eyeyuhɔ ke esit: ndinyuŋ nnimke aba mbufo ke ŋkpɔ but ke otu mme idut.

NAHUM 1:15

Sese, ukot enye emi adade eti mbuk edi, emi ɔkwɔrɔde emem, edu ke ikpɔ obot! O Judah, nim ederi fo, sio mme akaŋa fo: koro oburobut owo miditɔŋɔke aba ntak isaŋa fi ke esit: emesibe enye efep ema.

ERIYARARE 7:16

Mmɔ idikopke aba biɔŋ, idinyuŋ ikopke aba nsatitɔŋ;