NAHUM 1:10 - Edisana ñwed Abasi Ibom

¹⁰ Koro ke ini mmɔ esuk ebebari nte ikɔt ŋkukim, enyuŋ eŋwɔŋ wine ekpa, eyeta mmɔ nte etak nnyanyaŋa eke asatde ama.

NAHUM 1:10 ပူးပေါင်းရင်းမြစ်များ

2 SAMUEL 13:28

Ekem Absalom eteme mkparawa esie, ete, Mbufo ese ini eke wine edidukde Amnon idem, ndien adaŋemi ndɔhɔde mbufo, nte, Mbufo etɔ Amnon: ewot enye, ndien, ekufehe ndik: nte idige ami nteme mbufo: mbufo esɔŋ ubɔk, enyuŋ edi mbon uko.

ŊWED MME PSALM 118:12

Mmɔ ekan mi ekuk nte ɔkwɔk; enime nte ikaŋ ke ikɔt: nditreke ndida enyiŋ Jehovah ŋkpeŋe mmɔ.

ŊWED MME PSALM 68:2

Afo eyesuan mmɔ kpa nte nsuŋikaŋ asuanade: kpa nte mbukpa ɔkwɔk atarade ke iso ikaŋ, eyesobo mme idiɔk owo ke iso Abasi.

EXODUS 15:7

Afo omonyuŋ ada akwa ubom ubɔn fo abiat mmɔ emi eŋwanade ye afo: afo ɔdɔŋ iyaresit fo utom: enye atak mmɔ nte etak nnyanyaŋa.

EXODUS 5:12

Ndien kpukpru owo esuana ke ofuri isɔŋ Egypt, etetaŋ mbio ibokpot ke ibuot nnyanyaŋa.

ISAIAH 27:4

Ifuresit iduhe mi ke idem: akpap ye ŋkukim ekpekam eyi ke ekɔŋ ye ami, ŋkpobumere nduk ke esit, mfɔp mmɔ ini kiet.

ISAIAH 47:14

Sese, mmɔ ebiet etak nnyanyaŋa; ikaŋ amata mmɔ, mmɔ idikemeke ndisio idem mmɔ ke ubɔk edemikaŋ: ebok ikaŋ eke owo ewebede iduhe, ikaŋ eke owo etiede enye ke iso iduhe.

ISAIAH 5:24

Mmɔdo nte edemikaŋ atade etak nnyanyaŋa, ye nte edisak mbiet ɔduɔde, kpa ntre oruŋ mmɔ edibiet mbumbu eto, ikɔŋ mmɔ eyenyuŋ ɔdɔk nte obu: koro mmɔ emende ibet Jehovah mme udim eduɔk, enyuŋ esinde uyo Edisana Abasi Israel ke ndek.

ISAIAH 56:12

“Mbufo edi! nyeda wine ndi, ndien nnyin iyeŋwɔŋ mmin ikpa; ndien mkpɔŋ eyetie kpa nte mfin, akamba, awak akaha.”

ISAIAH 9:18

Koro idiɔk ido asakde nte ikaŋ: enye ata akpap ye ikɔt ŋkukim, onyuŋ obubere ke mfuhɔ akai, ndien mmɔ edɔk ke enyɔŋ, nte nsuŋikaŋ eke emenerede.

JEREMIAH 51:39

Ke ini mmɔ efiopde nyenim udia mmɔ, nnyuŋ nnam mmɔ eŋwɔŋ mmin ekpa, man mmɔ ebre mbre, ndien ede nsinsi idap, ekunyuŋ edemere: ke edi Jehovah ɔdɔhɔ.

JEREMIAH 51:57

Ndien nyenam mbɔŋ mmɔ, ye mme ɔfiɔkŋkpɔ owo mmɔ, ye mme etubom mmɔ, ye ikpɔ owo mmɔ, ye mbon uko mmɔ eŋwɔŋ ekpa: ndien mmɔ eyede nsinsi idap, idinyuŋ idemekede; emi edi uyo edidem, Jehovah mme udim edi enyiŋ esie.

MICAH 7:4

Mmɔ eke efɔnde ke otu mmɔ ebiet ŋkukim: mmɔ eke enede ediɔk ekan ɔkɔ akpap: usen mbon ukpeme fo ye eke ufen fo ke edi: ke emi ke ndutime mmɔ edidi.

NAHUM 3:11

Afo ŋko eyeŋwɔŋ mmin akpa, onyuŋ onimi: afo ŋko eyenyuŋ oyom ebiet ifure abak usua.

MALACHI 4:1

KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

1 SAMUEL 25:36

Ndien Abigail aka ke ebiet Nabal; ndien, sese, enye ke onim akamba udia ke ufɔk esie, ebiet udia edidem; esit ke onyuŋ adat Nabal, enye onyuŋ akpa wine eti-eti: ndien ŋwan itiŋke baba ikɔ kiet inɔ enye, ekpekpri, okpokpon, tutu eyo esiere.