MICAH 7:2 - Edisana ñwed Abasi Ibom

² Owo eke amade Abasi atak ke isɔŋ: baba owo kiet eke enende ke otu owo iduhe: kpukpru mmɔ edibe eyom iyip, kiet ada iyire ebine eken.

MICAH 7:2 ပူးပေါင်းရင်းမြစ်များ

ŊWED MME PSALM 10:9

Enye ana ke ndibe, nte lion ke ebiet nna esie; odibe ebet, ete imum ubuene: enye omum ubuene ke ini odudide enye esin ke iyire esie.

ŊWED MME PSALM 12:1

O JEHOVAH, nyaŋa; koro mbon ima fo ekurede: koro mbon akpanikɔ etrede ke otu nditɔ owo.

ŊWED MME PSALM 12:2

Mmɔ esu nsu enɔ mbɔhiduŋ mmɔ; eda nnem-inua ke esit iba etiŋ ikɔ.

ŊWED MME PSALM 57:6

Mmɔ ekɔbi iyire enɔ ikpat mi; owo onuk ukpɔŋ mi; mmɔ etibi obube enim mi ke iso, mmɔ ke idem mmɔ emeduɔŋɔ ke esit. [Selah.]

MME ŊKE 1:11

Ekpedɔhɔ fi, ete, “Tiene nnyin, yak idibe ibet iyip, itie ibet owo eke minyeneke se eduede, ndien edi ikpikpu.

MME ŊKE 12:6

Uyo mme idiɔk owo edi ndedibe mbet iyip: edi inua mbon edinen ido eyenyaŋa mmɔ.

ISAIAH 3:5

Ndien kpukpru owo eyesɔŋ ido kiet ye kiet, owo ŋko ye mbɔhɔ-iduŋ esie: mmɔ eyenam iseri-iseri, eyenɔwɔŋ eyenam ye ebio-owo, obukpo owo eyenam ye ɔbɔŋ.

ISAIAH 57:1

EDINEN owo atak, ndien baba owo kiet ikereke ke esit esie: enyuŋ etaŋ mbon ima efep, ke ini baba owo kiet mifiɔkke, ite, ke etaŋ edinen owo efep ebak idiɔk-ŋkpɔ.

ISAIAH 59:7

Ukot mmɔ efeŋe enam se idiɔkde; enyuŋ ewara ndiduɔk iyip owo eke miduehe: ekikere mmɔ edi ekikere ibak; nsobo ye nwure edu ke ɔkpɔ-usuŋ mmɔ.

ISAIAH 9:19

Iyaresit Jehovah esin isɔŋ okim, mbio-obio enyuŋ ebiet udia ikaŋ: kiet iyakke kiet ɔbɔhɔ.

JEREMIAH 16:16

Jehovah ɔdɔhɔ, ete, Sese, nyedɔŋ ekekot ediwak mme ɔkɔ-iyak, ndien mmɔ eyekɔ mmɔ; ndien ke ini oro ebede, nyedɔŋ ekekot ediwak ata-utop, ndien mmɔ eyebine mmɔ ke enyɔŋ kpukpru ikpɔ obot, ye ke enyɔŋ kpukpru ŋkpri obot, ye ke nsiaha ikpɔ itiat, efep.

JEREMIAH 5:16

Odibe-idaŋ mmɔ ebiet anaiŋwaŋ udi, kpukpru mmɔ edi mbon uko.

JEREMIAH 5:26

Koro mmɔ ekutde mme idiɔk owo ke otu ikɔt mi: owo odibe nte ata-ikɔt ɔnuhɔde; mmɔ ekɔk afia, emum owo.

JEREMIAH 8:6

Ŋkakpaŋ utɔŋ ŋkop, mmɔ idɔhɔke se inende: baba owo kiet ituaha mkpɔfiɔk ke idiɔk ido esie, ete, Ŋkanam nso? Kpukpru mmɔ ekabare eduk ke mbuba mmɔ, kpa nte horse obumerede oduk ke ekɔŋ.

ŊWED ESEME 4:18

Mmɔ ebine ikpat nnyin, ndien nnyin ikemeke ndisaŋa ke aŋwa nnyin: utit nnyin emekpere, mme usen nnyin emeyɔhɔ: koro utit nnyin emedi.

EZEKIEL 22:12

Ebɔ inyene ke ufɔt fo, ete iduɔk iyip; afo ada udori ye nkɔri, onyuŋ adia mbɔhiduŋ fo ke ŋwo, onyuŋ efre mi. Uyo Ɔbɔŋ Jehovah edi emi.

EZEKIEL 24:6

Mmɔdo ntem ke Ɔbɔŋ Jehovah ɔdɔhɔ ete, Osuk ɔdɔdiɔk ɔnɔ obio iyip, eso emi mbukpeŋ odude enye ke esit, emi mbukpeŋ esie minyuŋ inyimeke ndiwɔrɔ enye ke esit! Sio enye ke ubak ke ubak; mbufo ekusin afia ebaŋa enye.

HOSEA 5:1

MBUFO mme oku ekop ikɔ emi; ufɔk Israel, mbufo enyuŋ etiŋ enyin: ufɔk edidem, mbufo enyuŋ ekpaŋ utɔŋ: koro ikpe otipde mbufo, koro mbufo ekedide afia ke Mizpah, ye iyire emi ekɔbide ke Tabor.

HOSEA 6:9

Mme oku ŋko ebiet udim owo eke edibede ebet owo; mmɔ ewot owo ke usuŋ Shechem; ŋkɔm mmɔ enam ata oburobut ido.

MICAH 2:8

Ndien tutuko ikɔt mi edaha eda nte usua; mmɔ esioŋo ekura ekɔrɔ ye ɔfɔŋ-idem ke idem mmɔ eke esaŋade ke ndue-idem ebe, nte mmɔ eke etode ke ekɔŋ efiak edi.

MICAH 3:10

Mmɔ eda iyip ebɔp Zion, eda se ikwaŋ-ade ebɔp Jerusalem.

MICAH 3:2

Emi esuade eti ŋkpɔ, enyuŋ emade idiɔk-ŋkpɔ; emi eyararede mmɔ ikpɔk ke idem, ye obuk mmɔ ke ɔkpɔ mmɔ efep;

ZECHARIAH 11:6

Koro mmendituaha aba mme andiduŋ isɔŋ emi mbɔm, Jehovah ɔdɔhɔ: ndien, sese, ami nyeda kpukpru owo kiet kiet nsin mbɔhiduŋ mmɔ ke ubɔk, ye ke ubɔk edidem mmɔ: ndien mmɔ eyesuan obio, ami ndinyuŋ nsioho owo ke ubɔk mmɔ.

UTOM MME APOSTLE 24:9

Mme Jew enyuŋ edian uyo edori enye ikɔ, ete, se etiŋde edi ntre.

1 SAMUEL 24:11

Ndien ŋko, ete mi, se utɔŋ ekura fo ke ubɔk mi: koro ŋkesibede utɔŋ ekura fo mfep, ndien mme-ŋwotke fi, da oro fiɔk, nyuŋ se, ete ke idiɔk ido ye ukwaŋ-ŋkpɔ iduhe mi ke ubɔk, ŋkonyuŋ nduehe fi baba ŋkpɔ kiet; edi afo ke osuk ebine ndibɔ mi uwem.

1 SAMUEL 26:20

Kuyak ndien iyip mi ɔduɔ ke isɔŋ ke iso Jehovah: koro edidem Israel ɔmɔwɔrɔ ndiyom idaŋ ebua kiet kpa nte owo ebinede nduduɔk ke ikpɔ obot.