Jehovah ɔdɔhɔ, ete, Ke mme usen oro, ye ke ini oro, eyeyom idiɔk ido Israel, edi ididuhe; eyenyuŋ eyom mme ukwaŋ-ŋkpɔ Judah, edi idikwe: koro nyedahado nnɔ mmɔ eke ndisuhɔde.
Edori urua ata ye duop ebaŋa oruk fo, ye edisana obio fo, eke edinamde ndudue okure, edinyuŋ emade idiɔk ido, enyuŋ esiode isop ukwaŋ-ŋkpɔ efep, eke enyuŋ edade nsinsi edinen iso eduk, enyuŋ enimde seal ke ŋkukut ye prophecy, enyuŋ eyetde Ata Edisana ke aran.
Ndien enye ɔbɔrɔ onyuŋ ɔdɔhɔ mmɔ oro edade enye ke iso, ete, Mbufo esio enye ndek-ndek ɔfɔŋidem oro ke idem. Ndien enye ɔdɔhɔ enye, ete, Sese, mmosio fi idiɔk ido fo ke idem mfep, nyenyuŋ nda edisine-ŋkpɔ ubɔŋ nsine fi ke idem.
ndien Jehovah Abasi fo eyenam fi oto ke itie ufin fo afiak, onyuŋ atua fi mbɔm, onyuŋ ɔtɔŋɔ ntak ataŋ fi ke kpukpru mme idut eke Jehovah Abasi fo akasuande fi ekesin do.
owo eke anamde idiɔk-ŋkpɔ edi eke Satan, koro Satan ananam idiɔk-ŋkpɔ toto ke eritɔŋɔ. Ema esio Eyen Abasi enim ke ntak emi, man Enye akpabiat utom Satan.