MICAH 7:18 - Edisana ñwed Abasi Ibom

¹⁸ Anie Abasi ebiet fi, ke efen mme ukwaŋ-ŋkpɔ, ke adahado ke idiɔk ido owo udeme esie emi esuhɔde? Ikɔhɔkede iyaresit esie ke nsinsi: koro enye adatde esit ndifɔn ido.

MICAH 7:18 ပူးပေါင်းရင်းမြစ်များ

GENESIS 4:7

Afo akpanam eti ŋkpɔ, nte (iso) ikpeneŋekede fi? Edi munamke eti ŋkpɔ, idiɔk ŋkpɔ ke ana ke enyin usuŋ. Enye eyenyuŋ osuk idem ɔnɔ fi, ndien afo eyekan enye.

1 NDIDEM 8:23

O Jehovah Abasi Israel, Abasi eke ebietde fi iduhe du ke enyɔŋ ke heaven, ye ke isɔŋ ke idak, eke onimde ediomi ye mfɔn ɔnɔ ikɔt fo eke esaŋade ke iso fo ke ofuri esit mmɔ:

2 CHRONICLES 30:9

Koro edieke mbufo efiakde edem etiene Jehovah, nditɔ-ete mbufo, ye nditɔ mbufo eyekut mbɔm ke iso mmɔ eke eketaŋde mmɔ efep, enyuŋ efiak ke edem emi: koro Jehovah Abasi mbufo enyenede esit mfɔn ye mbɔm, midinyuŋ ikabakere iso esie ikpɔŋ mbufo, ke mbufo efiakde etiene enye.

2 CHRONICLES 6:21

kop ndien mkpeubɔk owo fo, ye eke ikɔt fo Israel, eke mmɔ edikpede ese ebiet emi: tie ke ebiet-iduŋ fo ke enyɔŋ kop; ndien ke ini afo okopde, dahado.

NEHEMIAH 9:17

inyuŋ inyimeke ndikop, inyuŋ itihe utibe ŋkpɔ fo oro afo akanamde ke otu mmɔ, edi esɔŋ obot itɔŋ mmɔ, enyuŋ esɔŋ ibuot, enim etubom, ete ifiak ke itie ufin mmimɔ. Edi afo edi Abasi eridahado, ye mfɔn, ye mbɔm, ye anyan ime, ye akwa ima, ndien ukpɔŋke mmɔ.

ŊWED MME PSALM 103:13

Kpa nte ete atuade nditɔ esie mbɔm, ntre ke Jehovah atua mmɔ eke ebakde enye mbɔm.

ŊWED MME PSALM 130:4

Koro eridahado enyenede fi, man eteŋe fi.

ŊWED MME PSALM 35:10

Kpukpru mme ɔkpɔ mi eyedɔhɔ, ete, Jehovah, anie ebiet fi, emi osiode owo ukut ke ubɔk owo eke ɔsɔŋde akan enye? (Ke osio) owo ukut ye ubuene ke ubɔk owo eke obumede enye?

ŊWED MME PSALM 65:3

Ikɔ isop esɔŋɔ ekan mi: afo eyesio isop ndudue nnyin efep.

ŊWED MME PSALM 65:4

Ɔfɔfɔn ɔnɔ owo eke afo edimekde, onyuŋ anamde asaŋa ekpere fi, man enye oduŋ ke okure fo: nnyin iyeyuhɔ ufɔn ufɔk fo, ye eke edisana temple fo.

ŊWED MME PSALM 71:19

Ndien O Abasi, eti ido fo osim ke enyɔŋ, afo emi anamde ikpɔ ŋkpɔ: O Abasi, anie ebiet fi?

ŊWED MME PSALM 86:15

Edi afo, O Ɔbɔŋ, edi Abasi esit mbɔm ye eke mfɔnido; usɔpke iyaresit, edi awak mfɔn ye akpanikɔ.

ŊWED MME PSALM 86:5

Koro afo, Ɔbɔŋ, ɔmɔfɔn, omonyuŋ ama ndidahado; omonyuŋ awak ima ye kpukpru mmɔ eke esemede enɔ fi.

ŊWED MME PSALM 89:6

Koro anie ke ikpa-enyɔŋ ekem ye Jehovah? Anie ke otu nditɔ ikpɔ owo ebiet Jehovah?

ŊWED MME PSALM 89:8

O Jehovah, Abasi mme udim, anie ɔsɔŋɔ nte afo, Jehovah?

EXODUS 15:11

Anie, ke otu mme abasi ebiet fi O Jehovah? Anie ebiet fi, emi okponde ubɔŋ ke edisana ido, emi eteŋede ke itoro, anamde mme utibe ŋkpɔ?

EXODUS 34:9

Enye onyuŋ ɔdɔhɔ ete, Mbɔk, edieke afo enende iso ye ami, O Ɔbɔŋ, mbɔk, yak Ɔbɔŋ mi asaŋa ke otu nnyin; koro mmɔ edide mbon nsɔŋibuot; nyuŋ fen ukwaŋ-ŋkpɔ nnyin, ye idiɔk ido nnyin, nyuŋ da nnyin nim ke udeme fo.

ISAIAH 1:18

Jehovah ɔdɔhɔ ete, Mbufo edi ndien, nnyin ikpe ikɔ: mme idiɔk ido mbufo ekpetie nte iduot, eyefia nte snow; ekpeyibe nte crimson, eyekabare nte idet erɔŋ.

ISAIAH 33:24

Ndien andiduŋ ididɔhɔke ite, ndɔdɔŋɔ: efen mme idiɔk ido mmɔ eke eduŋde ke esit.

ISAIAH 38:17

Sese, ata idot amakabare edi emem ye ami: ndien afo amama ukpɔŋ mi osio ke obube nditaha; koro afo ɔmɔduɔk kpukpru mme idiɔk ido mi ke edem fo.

ISAIAH 40:18

Ndien mbufo edidomo Abasi ye anie? Enyuŋ eda nso idomo edomo enye?

ISAIAH 40:25

Mbufo edida anie ndien edomo mi? Ami ndinyuŋ ndi ukem ye anie? Emi edi uyo Edisana Abasi.

ISAIAH 43:25

Ami, ami ndi andisɔhi mme idiɔk ido fo mfep mbaŋa idem mi, ndinyuŋ ntihi mme ukwaŋ-ŋkpɔ fo.

ISAIAH 44:22

Mma nsɔhi mme ukwaŋ-ŋkpɔ fo nte idiɔk enyɔŋ mfep, nsɔhi mme idiɔk ido fo nte obubit enyɔŋ: fiak tiene mi: koro mfakde fi.

ISAIAH 55:7

yak idiɔk owo ɔkpɔŋ usuŋ esie, yak oburobut owo ɔkpɔŋ ekikere esie: onyuŋ afiak etiene Jehovah: ndien enye eyetua enye mbɔm; etiene Abasi nnyin, koro Enye eyewak ndidahado.

ISAIAH 57:10

Afo enyene utom ke uwak isaŋ fo; udɔhɔke, ete, ɔwɔrɔ ikpikpu. Omokut uwem ubɔk fo; oro iyakke idem efere fi.

ISAIAH 57:16

Koro mmeditɔhɔke utɔk ke nsinsi, ndinyuŋ nyatke esit tutu amama: koro spirit eyekpa ke iso mi, kpa mme ukpɔŋ emi ami ŋkanamde.

ISAIAH 62:5

Koro kpa nte akparawa ɔdɔde eyen-aŋwan, kpa ntre ke nditɔ-iren fo edidɔ fi: ndien kpa nte ɔdɔ-ŋwan adatde esit abaŋa ŋwan ndɔ, kpa ntre ke Abasi fo edidat esit abaŋa fi.

ISAIAH 64:9

Kuyat esit ukaha, O Jehovah, kunyuŋ uti idiɔk ido ke nsinsi: sese, mbɔk, se, nnyin kpukpru idi ikɔt fo.

ISAIAH 65:19

Ndien Jerusalem eyenem mi esit, ikɔt mi eyenyuŋ edat mi: ndien idikopke aba uyo eyet ye uyo eseme ke esit.

JEREMIAH 3:12

Ka kɔkwɔrɔ ikɔ emi se edem edere, nyuŋ dɔhɔ, ete, Jehovah ɔdɔhɔ, ete, O Israel ama-mfiak-edem, fiak edem; ndibɔpke iso mi nse mbufo: koro ami ndide ima, ŋkɔhɔkede ke nsinsi; uyo Jehovah edi emi.

JEREMIAH 3:5

Nte enye edikɔkɔhɔre ke nsinsi? Nte enye edinim iyaresit tutu amama? Sese, afo ɔmɔdɔhɔ, omonyuŋ anam mme idiɔk ŋkpɔ adaŋa nte ekemede.

JEREMIAH 31:20

Nte Ephraim edi edima eyen mi? Nte enye edi eyenɔwɔŋ eke enemde owo esit? Koro adaŋa ini nte ndɔhɔde mbaŋa enye, ntreke nditi enye kaŋa: oro esin nsia oyomo mi abaŋa enye; nditreke nditua enye mbɔm: Jehovah ɔdɔhɔ.

JEREMIAH 31:34

Ndien kiet idikpepke aba mbɔhiduŋ esie, ye kiet eyen-ete esie, ite, Mbufo efiɔk Jehovah: koro kpukpru mmɔ, ŋkpri ye ikpɔ, eyefiɔk mi, Jehovah ɔdɔhɔ: koro nyefen mme idiɔk ido mmɔ, ndinyuŋ ntihi aba mme oburobut ido mmɔ.

JEREMIAH 32:41

Ndien nyedat esit mbaŋa mmɔ ndifɔn ye mmɔ, nnyuŋ ntɔ mmɔ ke isɔŋ emi ke akpanikɔ, ye ke ofuri esit mi, ye ke ofuri ukpɔŋ mi.

JEREMIAH 33:8

Ndien nyesio mmɔ kpukpru mme idiɔk ido mmɔ eke mmɔ ekenamde ye ami ke idem mfep nnam mmɔ esana; nnyuŋ mfen kpukpru mme ukwaŋ-ŋkpɔ mmɔ emi mmɔ ekenamde ye ami, ye emi mmɔ ekeduede ye ami.

JEREMIAH 38:8

ndien Ebed-melech oto ke ufɔk edidem, aka ɔkɔdɔhɔ edidem, ete,

JEREMIAH 50:20

Jehovah ɔdɔhɔ, ete, Ke mme usen oro, ye ke ini oro, eyeyom idiɔk ido Israel, edi ididuhe; eyenyuŋ eyom mme ukwaŋ-ŋkpɔ Judah, edi idikwe: koro nyedahado nnɔ mmɔ eke ndisuhɔde.

JEREMIAH 9:24

edi yak owo eke oburede, obure ke ŋkpɔ emi, ke eritim mfiɔk mi, koro ami Jehovah nnamde mfɔnido, ye ikpe, ye edinen ido ke ererimbot: koro ŋkpɔ emi enemde mi esit: uyo Jehovah edi emi.

EZEKIEL 18:23

Ɔbɔŋ Jehovah ɔdɔhɔ ete, Nte mkpa idiɔk owo enem mi esit baba? Nte erikabare eke enye akabarede ɔkpɔŋ usuŋ esie, odu uwem, inemke mi esit?

EZEKIEL 33:11

Dɔhɔ mmɔ, ete, Ɔbɔŋ Jehovah ɔdɔhɔ, ete, Ma uwem mi, mkpa idiɔk owo inemke mi esit, edi idiɔk owo akam akabare ɔkpɔŋ usuŋ esie, ndien odu uwem: mbufo, O ufɔk Israel, ekabare, ekabare; koro nsinam mbufo ekpekpaŋa?

EZEKIEL 33:16

Iditihi idiɔk ido esie emi enye akanamde baba kiet inɔ enye: enye ama anam edinen ido ye eti ido; iditreke ndidu uwem.

DANIEL 9:9

Ɔbɔŋ Abasi nnyin emenyene esit mbɔm ye eridahado, koro nnyin isɔŋde ibuot ye enye;

HOSEA 14:2

Mbufo emen ikɔ mbufo efiak etiene Jehovah: edɔhɔ enye, ete, Men kpukpru idiɔk-ŋkpɔ fep, nyuŋ da eti: ndien nnyin iyenɔ fi uwa mkpɔk-inua nnyin.

HOSEA 14:5

Nyenam ye Israel nte mbara: enye eyesiaha nte lily, onyuŋ omum oruŋ esie nte Lebanon.

JOEL 2:32

Ndien ama ekem, kpukpru owo eke esemede ekot enyiŋ Jehovah eyebɔhɔ: ndien mmɔ eke ebɔhɔde eyedu ke obot Zion ye ke Jerusalem, kpa nte Jehovah ɔkɔdɔhɔde, ye ke otu mmɔ eke esukde emi Jehovah okotde.

AMOS 1:11

Ntem ke Jehovah ɔdɔhɔ, ete, Idiɔk ido Edom ita ye inaŋ iyakke mi ŋkabare enye (ufen) mfep; koro enye akadade ofut ebine eyen-ete esie, onyuŋ ɔduɔk mbɔm, iyaresit esie onyuŋ osuk awai ke nsinsi, enye onyuŋ ɔkɔhɔde ifuresit esie ke nsinsi.

AMOS 7:8

Ndien Jehovah obup mi, ete, Afo okut nso ŋkpɔ, Amos? Ndien mbɔrɔ, nte, Uruk ŋket. Ndien Ɔbɔŋ ɔdɔhɔ, ete, Sese, mmɔŋ nsin uruk ŋket ke otu ikɔt mi Israel: ndinyuŋ mbehe aba mmɔ.

AMOS 8:2

Ndien enye ɔdɔhɔ ete, Afo okut nso ŋkpɔ, Amos? Ndien mbɔrɔ nte, Edidat mfri ke akpan. Ndien Jehovah ɔdɔhɔ mi, ete, Utit omosim ikɔt mi Israel; ndiyɔhɔ aba mmɔ.

JONAH 4:2

O Jehovah, mbɔk, nte emi idige uyo mi ke ŋkodude ke edem nnyin? Oro ekesin mi mfehe ŋka ke Tarshish ke akpa: koro mfiɔkde nte afo edi Abasi mbɔm ye mfɔn, usɔpke iyaresit, edi okpon ima, onyuŋ akabare esit ke idiɔk-ŋkpɔ.

MICAH 2:12

O Jacob, nditreke nditaŋ mbufo kpukpru mbon: nyenam Israel emi esukde esop idem: nyenim mmɔ ɔtɔ kiet nte ŋkpri ufene Bozrah, kpa nte otu ufene ke otu mbiet mmɔ, mmɔ eyenam uyom ebaŋa owo.

MICAH 4:7

Ndien nyenim mbufo ke nsuhɔ, nnyuŋ nda mmɔ eke ekebinde efep esin ke anyan ebiet, nnim ke ɔkpɔsɔŋ obio: ndien Jehovah eyedi edidem mmɔ ke obot Zion ke nsinsi ye ke nsinsi.

MICAH 5:3

Mmɔdo enye eyeyak mmɔ ɔnɔ, tutu ŋwan eke amande aman ama: ndien nditɔ-ete esie eke esukde eyefiak etiene nditɔ Israel.

MICAH 7:14

Da esaŋ fo bɔk ikɔt fo, kpa ufene emi afo enyenede, emi eduŋde ikpɔŋ ke akai ke ufɔt Carmel: mmɔ eyeta mbiet ke Bashan ye ke Gilead, kpa nte eyo oko.

ZEPHANIAH 3:17

Jehovah Abasi fo odu ke ufɔt fo, ɔmɔsɔŋ; enye eyenyaŋa, eyedat esit abaŋa fi ke idara; enye eyedop uyo ke ima esie, eyebre abaŋa fi ke ikwɔ.

NUMBERS 23:21

Enye isehe idiɔk ke Jacob, inyuŋ ikwe ŋkwaŋa ke Israel: Jehovah Abasi esie odu ye enye, mkpo edidem onyuŋ odu ke otu mmɔ.

LUKE 15:32

Edi odot nnyin ndidara nnyuŋ nnem esit, koro eyen-eka fo emi ama akpa, onyuŋ odu uwem: ama osop, ndien ikut enye.

LUKE 24:47

enyuŋ enyene nditɔŋɔ ke Jerusalem ŋkwɔrɔ erikabare esit ye erifen mme idiɔk-ŋkpɔ ke enyiŋ Esie nnɔ kpukpru mme idut.

ŊWED MBON ROME 11:4

Edi uyo Abasi ɔbɔrɔ enye didie? Mma nsuhɔ nnɔ Idem Mi thousand owo itiaba emi mikɔtɔŋɔke edɔŋ inɔ Baal.

DEUTERONOMY 33:26

O Jeshurun, baba kiet eke ebietde Abasi iduhe; enye odoro ke enyɔŋ anyaŋa fo, onyuŋ ada ubɔŋ esie odoro ke ikpa-enyɔŋ.

JAMES 2:13

Koro ikpe minyeneke mbɔm ye owo emi mikatuaha owo mbɔm; edi mbɔm obure mbure akan ikpe.

JUDGES 10:16

Mmɔ enyuŋ esioŋo isen abasi ke otu mmɔ efep, enyuŋ enam ŋkpɔ Jehovah: ndien mbɔm ukut Israel anam enye ukpɔŋ.