MICAH 7:16 - Edisana ñwed Abasi Ibom

¹⁶ Mme idut eyekut mi, ndien but ofuri odudu mmɔ eyenam mmɔ: mmɔ eyeda ubɔk mmɔ edori ke inua, utɔŋ mmɔ eyebakare edi inan.

MICAH 7:16 ပူးပေါင်းရင်းမြစ်များ

ŊWED JOB 21:5

Mbufo ese mi, eyak idem onyuŋ akpa mbufo, mbufo enyuŋ edori ubɔk edian ke inua.

ŊWED JOB 40:4

Sese, mmedehe; ndibɔrɔ fi didie? nda ubɔk mi ŋkubi inua mi.

ŊWED MME PSALM 126:2

Ke ini oro imam ɔyɔhɔ nyin ke inua, ikwɔ onyuŋ ɔyɔhɔ nnyin ke edeme: ndien mmɔ edɔhɔ ke otu mme idut, ete, Jehovah amanam ikpɔ ŋkpɔ ye mme mmɔ emi.

MME ŊKE 30:32

Edieke afo anamde ebiɔ ke eritaŋ idem fo: edieke afo onyuŋ ekerede idiɔk, fuk ubɔk ke inua.

ISAIAH 26:11

Jehovah, afo ememenere ubɔk fo; mmɔ ikwe enye; mmɔ eyekut, enyuŋ etimere ke ufup emi afo ofibede ɔnɔ ikɔt fo; idem ikaŋ eyeta mme asua fo.

ISAIAH 52:15

kpa ntre ke enye edisime ediwak mme idut; ndidem eyekubi inua enɔ enye: koro emekut se miketiŋke inɔ mmɔ, emenyuŋ enim ibuot ke se mmɔ mikokopke.

ISAIAH 66:18

Ndien ami (ŋkpɔ emi mmɔ enamde enyuŋ ekerede!) Ini emedi ndibon kpukpru mme idut ye usem; ndien mmɔ eyedi edise ubɔŋ mi.

EZEKIEL 38:23

Ami nyenyuŋ nnim idem mi ke akwa ye ke edisana, nnyuŋ nnam mmɔ efiɔk mi ke enyin ediwak mme idut. Ndien mmɔ eyefiɔk ete ke ami ndi Jehovah.

MICAH 3:7

Ndien but eyenam mbon ŋkukut; mbia-idiɔŋ eyenyuŋ efuk mkpɔk-inua mmɔ: koro ibɔrɔ Abasi mididuhe.

MICAH 5:8

Ndien nditɔ Jacob eke esukde eyedu ke otu mme idut, ke ufɔt ediwak obio, nte lion ke otu mme unam akai, mme mkparawa lion ke otu mme udim ŋkpri ufene: emi ke ini enye asaŋade ebe, edigi onyuŋ awai, ndien owo eke anyaŋade iduhe.

HAGGAI 2:22

ndien nyeyut ebekpo mme idut ŋkabare nnim; nyenyuŋ nsobo odudu mbɔŋ mme idut; nyenyuŋ nyut chariot ye mmɔ eke edorode ke esit ŋkabare nnim; ndien mme horse ye mmɔ eke edorode mmɔ eyesuhɔre, kpukpru owo ke ofut eyen ete mmɔ.

ZECHARIAH 12:9

Ndien ama ekem ke usen oro, nyeyom ndisobo kpukpru mme idut eke edide ndiŋwana ekɔŋ ye Jerusalem.

ŊWED MBON ROME 3:19

Edi nnyin imɔfiɔk ite se ededi eke ibet etiŋde, ke etiŋ ɔnɔ mmɔ emi edude ke idak ibet; man inua ɔkibɔ kpukpru owo, ofuri ererimbot enyuŋ esine ke idak ubiom-ikpe Abasi:

ERIYARARE 11:18

Mme idut ekeyat esit ndien iyaresit Fo ama edi. Ndien ekem ini nte ekpede ikpe mme akpa-mkpa, enyuŋ enɔde ikɔt Fo mme prophet utip mmɔ, enyuŋ enɔde nti owo eke mmɔ ye mmɔ emi eteŋede enyiŋ Fo, ŋkpri ye ikpɔ; nte enyuŋ esobode mmɔ emi esobode isɔŋ.