MICAH 7:11 - Edisana ñwed Abasi Ibom

¹¹ Ke usen eke edidiɔŋde ibibene fo, ke usen oro ke edinam adaŋa (fo) okpon.

MICAH 7:11 ပူးပေါင်းရင်းမြစ်များ

NEHEMIAH 2:17

Ndien ndɔhɔ mmɔ, nte, Mbufo emekut idiɔk itie emi nnyin itiede ke esit, nte Jerusalem anade ndon, nte mme itim esie enyuŋ etade ikaŋ: mbufo edi, nnyin idiɔŋ ibibene Jerusalem, man nnyin ikudi aba ŋkpɔ but.

NEHEMIAH 2:8

ye ŋwed kiet eke ndade nsɔk Asaph andikpeme akai emi enyenede edidem, ete enye ɔnɔ mi eto ke eke obubɔk usuŋ edikoŋ ufɔk temple, ye ke eke ibibene obio, ye ke eke ufɔk eke ami ndiduŋde ke esit. Ndien edidem ɔnɔ mi oto edifɔn ubɔk Abasi mi emi odude ye ami.

NEHEMIAH 4:3

Tobiah Ammonite onyuŋ odu enye ke ŋkaŋ, ndien enye ɔdɔhɔ ete, Kpasuk se mmɔ ebɔpde, jackal ama ɔdɔk, ekeme ndiwuri ibibene itiat mmɔ.

NEHEMIAH 4:6

Ntem ke nnyin idiɔŋ ibibene; inyuŋ idian ofuri ibibene tutu osim ke ufɔt esie; koro esit kpukpru owo odude ke utom.

ISAIAH 54:11

Eyen ukut, ɔbɔŋ oyobio, ukopke ndɔŋesit, sese, ami nyenim mme itiat fo ke antimony, nnyuŋ ntɔŋɔ ndibɔp fi ke mme sapphire.

ISAIAH 54:2

Ŋwaŋade ebiet tent fo, yak mmɔ enyuŋ eneŋere ikpehe iduŋ fo ekɔŋ: kufat ubɔk, nam uruk fo ɔniɔŋ, nyuŋ nam ɔkpɔhɔ fo esɔŋɔ:

ISAIAH 58:12

Ndien eyewɔrɔ ke ɔtɔ fo ebɔp ŋkani ndon: afo eyediɔŋ ŋwure, ediwak emana; ndien eyekot fi, ete, Andidiɔŋ ŋwure, Anditɔŋɔ ntak nnam ɔkpɔ-usuŋ man eduŋ.

ISAIAH 61:4

Ndien mmɔ eyebɔp ŋwure ebiet eset, eneŋere akani nsobo, eyenyuŋ ediɔŋ mme obio eke ebiarade, mme nsobo ediwak emana.

DANIEL 9:25

Fiɔk, ndien, nyuŋ tim nim ke ibuot, ete, ke ɔtɔŋɔde ke ini emi uyo ɔwɔrɔde, ete etɔŋɔ ntak ediɔŋ enyuŋ ebɔp Jerusalem, tutu osim ke ini Messiah Ɔbɔŋ, eyedi urua itiaba ye urua ata ye iba: eyetɔŋɔ ntak ediɔŋ aŋwa ye ukpe, kpa ke ini nnanenyin.