MICAH 6:9 - Edisana ñwed Abasi Ibom

⁹ Uyo Jehovah ofiori okot obio, ndien mbon ifiɔk eyese enyiŋ fo: mbufo ekop eto ye uyo enye emi owukde enye.

MICAH 6:9 ပူးပေါင်းရင်းမြစ်များ

2 SAMUEL 21:1

NDIEN akaŋ odu ke ini David ke ofuri isua ita, ke isua, ke isua; ndien David oyom iso Jehovah. Ndien Jehovah ɔdɔhɔ ete, Oto Saul ye ufɔk iyip esie, koro enye okowotde mme Gibeonite.

ŊWED JOB 10:2

Nyedɔhɔ Abasi, nte, Kunam ikpe obiom mi; sian mi se afo ɔtɔhɔde ye ami abaŋa.

ŊWED JOB 23:14

Koro enye eyenam se ekenimde enɔ mi osu: ndien ediwak oruk ŋkpɔ emi edu ye enye.

ŊWED JOB 5:17

Sese, ɔfɔfɔn ɔnɔ owo eke Abasi ɔtunɔde: kusin ndien item Ata Ɔkpɔsɔŋ:

ŊWED MME PSALM 107:43

Owo ekededi eke enyenede ibuot eyetiŋ enyin ke ŋkpɔ emi, eyenyuŋ ekere ima Jehovah.

ŊWED MME PSALM 48:10

Kpa nte enyiŋ fo etiede, O Abasi, kpa ntre ke itoro fo etie tutu osim ke utit ererimbot: eti ido ɔmɔyɔhɔ fi ke ubɔk nnasia.

ŊWED MME PSALM 83:18

Ndien owo eyefiɔk ete ke afo emi enyiŋ fo ikpɔŋ ekerede Jehovah, edi Ata Edikoŋ ke ofuri ererimbot.

ŊWED MME PSALM 9:16

enye ekpe ikpe; utom ubɔk idiɔk owo esike owo ke idem esie. Higgaion. Selah.

MME ŊKE 22:3

Ɔniɔŋ owo okut idiɔk-ŋkpɔ, ndien odibe: edi mme ɔkɔi ebe eka iso, ndien eda ufen.

ISAIAH 26:11

Jehovah, afo ememenere ubɔk fo; mmɔ ikwe enye; mmɔ eyekut, enyuŋ etimere ke ufup emi afo ofibede ɔnɔ ikɔt fo; idem ikaŋ eyeta mme asua fo.

ISAIAH 27:10

Koro obio ibibene edide ndobo, iduŋ eke ewɔrɔde enyuŋ ekpɔŋde nte wilderness: do ke eyen enaŋ edita mbiet, do ke enye edinyuŋ ɔsuhɔre ana, onyuŋ ata ŋkɔk esie ama.

ISAIAH 30:27

Sese, enyiŋ Jehovah ke oto ke anyan ebiet edi, iyaresit esie ke asak, edemikaŋ onyuŋ odobi: ifuresit ɔyɔhɔ enye ke mkpɔk-inua, edeme esie onyuŋ ebiet ikaŋ eke asakde.

ISAIAH 66:6

Uyom ndutime oto ke obio! uyo oto ke temple! uyo Jehovah emi osiode usiene ye mme asua esie.

ISAIAH 9:13

Edi mbio emi ikabakede ibine enye emi akamiade mmɔ, inyuŋ itieneke Jehovah mme udim.

JEREMIAH 26:18

Micaiah Morashtite eketiŋ prophecy ke eyo Hezekiah edidem Judah, onyun ɔdɔhɔ ofuri mbio Judah, ete, Ntem ke Jehovah mme udim ɔdɔhɔ, ete, Ke eyefuŋ Zion nte iŋwaŋ, Jerusalem eyenyuŋ akabare edi ndon, obot ufɔk eyenyuŋ akabare edi ibombom akai.

JEREMIAH 26:6

ndien nyenam ufɔk emi ebiet Shiloh, nyenyuŋ nnim obio emi ke ŋkpɔ isuŋi nnɔ kpukpru mme idut ererimbot.

JEREMIAH 47:7

Afo edinam didie ana suŋ, ke ini Jehovah otobode enye abaŋa Ashkelon ye mben inyaŋ? Do ke enye ɔdɔŋ enye utom.

EZEKIEL 7:9

Enyin mi idinyuŋ ituaha fi mbɔm, ndinyuŋ nyakke: nyenɔ fi nte ekemde ye usuŋ fo; ŋkpɔ mbubiam fo eye-nyuŋ edu ke ufɔt fo; ndien mbufo eyefiɔk ete ke edi ami Jehovah mmia.

HOSEA 13:16

Samaria eyesio isop; koro enye ɔsɔŋde ibuot ye Abasi esie: mmɔ eyeduɔŋɔ ke ofut. Eyesuok abak-inua mmɔ mbai-mbai, enyuŋ esiak iban mmɔ eke eyomode idibi.

HOSEA 14:9

Anie owo enyene ibuot, man enye otim ese ŋkpɔ emi? Anie owo edi ɔniɔŋ, man enye ɔfiɔk mmɔ? Koro mme usuŋ Jehovah enende; ndinen owo eyenyuŋ esaŋa mmɔ ke esit: ndien mmɔ eke eduede eyeduɔŋɔ ke esit.

AMOS 2:5

Ndien nyekim ikaŋ ke Judah, eke editade ikpɔ ufɔk Jerusalem.

AMOS 6:1

OSUK ɔdɔdiɔk ɔnɔ mmɔ emi etiede ke ifure ke Zion, enyuŋ ebuɔtde idem mmɔ ke obot Samaria, akpan owo ke otu mme etubom mme idut, emi ufɔk Israel etienede mmɔ!

MICAH 3:12

Mmɔdo eyefuŋ Zion nte iŋwaŋ ebaŋa mbufo, Jerusalem eyenyuŋ akabare edi ibombom ŋko, obot ufɔk emi eyenyuŋ akabare edi ŋkokoŋo ebiet akai.

MICAH 6:10

Nte inyene idiɔk ido esuk ena ke ufɔk idiɔk owo, ye ekpri ephah, ata idiɔk-ŋkpɔ?

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

ZEPHANIAH 3:2

Enye ikopke uyo: ibɔhɔ item: ibuɔtke idem esie ye Jehovah; isaŋake ikpere Abasi esie.

ERIYARARE 3:19

Ami nsasua nnɔ kpukpru mmɔ emi mmade, nnyuŋ ntunɔ mmɔ; nyene ifiopesit ndien, nyuŋ kabare esit.