MICAH 6:8 - Edisana ñwed Abasi Ibom

⁸ O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

MICAH 6:8 ပူးပေါင်းရင်းမြစ်များ

GENESIS 18:19

enye ke idem? Koro mmemek enye, kpaŋ enye ekpeteme nditɔ esie ye ufɔk esie eke editienede enye, ete ekpeme usuŋ Jehovah, ndinam se ifɔnde inyuŋ inende; kpaŋ Jehovah akpada kpukpru se ɔkɔdɔhɔde abaŋa Abraham ɔsɔk enye.

GENESIS 5:22

Methuselah: Enoch onyuŋ asaŋa ye Abasi, ke enye ama okobon Methuselah, ke isua ikie ita, onyuŋ obon nditɔ-iren ye nditɔ-iban:

2 CHRONICLES 30:11

Edi ndusuk owo emi etode ke Asher, ye ke Manasseh, ye ke Zebulun, esuhɔre idem mmɔ enim, enyuŋ edi ke Jerusalem.

2 CHRONICLES 32:26

Ekem Hezekiah osuk idem abaŋa mmenere esit esie, enye ye mme andiduŋ Jerusalem; ndien iyaresit Jehovah inamke mmɔ ke eyo Hezekiah.

2 CHRONICLES 33:19

Ama edi mkpeubɔk esie ŋko, ye nte Jehovah okopde uyo esie, ye kpukpru mme idiɔk ido esie, ye eridue esie, ye ɔtɔ oro enye ɔkɔbɔpde edikoŋ ebiet ke esit, onyuŋ owukde eto-mkpe, ye edisɔi mbiet, ke ini enye mika-isukke idem; sese, ewet mmɔ esin ke ikɔ mbon-ŋkukut.

2 CHRONICLES 33:23

enye inyuŋ isukke idem esie ke iso Jehovah, nte emi Manasseh ete esie okosukde idem: edi Amon ɔdɔdiɔŋ anam idiɔk aka iso.

2 CHRONICLES 34:27

afo onyuŋ osukde idem fo ke iso Abasi, ke ini afo okokopde ikɔ esie emi abaŋade ebiet emi, ye mme andiduŋ ke esit, onyuŋ osukde idem fo ke iso mi, onyuŋ awaide edisine ŋkpɔ fo, onyuŋ atuade eyet ke iso mi; Jehovah ɔmɔdɔhɔ, ete,

NEHEMIAH 9:13

Afo onyuŋ ɔsuhɔre ke obot Sinai, eketie ke enyɔŋ eneme ye mmɔ, onyuŋ ɔnɔ mmɔ edinen ikpe, ye mbet akpanikɔ, ye nti ewuhɔ ye ido:

ŊWED MME PSALM 101:1

NYEKWƆ ima ye ikpe: nyebre nnɔ fi, O Jehovah. Nyetim nsaŋa ke usuŋ eke ɔfɔnde ama.

ŊWED MME PSALM 112:4

Uŋwana asiaha ke ekim ɔnɔ nti owo: enye ɔfɔn ido, onyuŋ enyene esit mbɔm, onyuŋ enen.

ŊWED MME PSALM 112:9

Enye amatat ubɔk, ɔnɔ mme ubuene ŋkpɔ; edinen ido esie ebigi ke nsinsi; ubɔŋ emenere nduk esie ke enyɔŋ.

ŊWED MME PSALM 37:26

Kpu-kpru ini enye atua owo mbɔm, onyuŋ ɔnɔ ke ebuɔt; ndien ɔfɔn ɔnɔ ubon esie.

ŊWED MME PSALM 73:28

Edi ama edi ami, ɔfɔn mi ndikpere Abasi: mberedem ye Ɔbɔŋ Jehovah, man mbuk kpukpru mme utibe ŋkpɔ fo.

MME ŊKE 21:3

Jehovah ama erinam eti ido ye edinen ikpe akan uwa.

ECCLESIASTES 12:13

Yak nnyin ikop utit ofuri ŋkpɔ emi: bak Abasi, nyuŋ nim mbet esie: koro emi edi eke kpukpru owo.

ISAIAH 56:1

NTEM ke Jehovah ɔdɔhɔ ete, Mbufo enim ikpe, enyuŋ enam se inende: koro erinyaŋa mi emekpere ndidi, edinen ido mi omonyuŋ ekpere ndiyarare.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

ISAIAH 66:2

Ndien Jehovah ɔdɔhɔ, ete, Ubɔk mi akanam kpukpru ŋkpɔ, ndien kpukpru mmɔ emi edu: ndien nyewuk enyin nse owo emi, kpa eyen ukut, emi esit onyuŋ ɔtuhɔde, emi onyuŋ enyekde abaŋa ikɔ mi.

JEREMIAH 22:16

Enye ekebiere ikpe eyen unana ye eyen ubuene; ndien ɔfɔn; nte oro idige ndifiɔk mi? Jehovah ɔdɔhɔ.

JEREMIAH 22:3

ntem ke Jehovah ɔdɔhɔ, ete, Mbufo enam ikpe ye edinen ido, enyuŋ esio owo eke ebumede efep ke ubɔk andituk: ekunyuŋ etuk, ekunyuŋ efik esen owo ye eyen-akpa ye ebe-akpa, ekunyuŋ eduɔk iyip owo eke miduehe, ke ebiet emi.

JEREMIAH 9:23

Ntem ke Jehovah ɔdɔhɔ, ete, Owo eti ibuot okubure mbure ke eti ibuot esie, owo uko okunyuŋ obure mbure ke uko esie, owo inyene okunyuŋ obure mbure ke inyene esie:

ŊWED ESEME 3:26

Ɔfɔn ndidori enyin, nnyuŋ ntie ndop mbet erinyaŋa Jehovah.

EZEKIEL 16:63

man afo eti onyuŋ okut but, okunyuŋ ekeme ndikubɔre inua abaŋa esuene fo, ke ini ami ndidahadedo nnɔ fi ke kpukpru se afo anamde. Emi edi uyo Ɔbɔŋ Jehovah.

EZEKIEL 33:14

Ndien ŋko ke ndɔhɔde idiɔk owo, nte, “Afo udutreke ndikpa”; ndien enye akabare ɔkpɔŋ mme idiɔk ido esie, onyuŋ anam edinen ido ye eti ido;

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

HOSEA 12:6

Afo ndien fiak tiene Abasi fo: nim ima ye ikpe, nyuŋ dori enyin ye Abasi fo kpukpru ini.

HOSEA 6:6

Koro nyomde ima; nyom ifiɔk Abasi ŋkan edifɔp uwa.

LEVITICUS 26:41

ye nte ami ŋko ŋkasaŋade ke ndusuara ye mmɔ, ŋkonyuŋ nda mmɔ nsin ke isɔŋ mme asua mmɔ; edieke edut esit mmɔ ɔsuhɔde ndien mmɔ enyuŋ enem esit ke ufen ukwaŋ-ŋkpɔ mmɔ:

AMOS 5:24

Edi yak ikpe ɔfiɔrɔ nte mmɔŋ, ye edinen ido nte nsinsi akpa.

MICAH 6:9

Uyo Jehovah ofiori okot obio, ndien mbon ifiɔk eyese enyiŋ fo: mbufo ekop eto ye uyo enye emi owukde enye.

ZEPHANIAH 2:3

Mbufo kpukpru suŋ-suŋ mbio isɔŋ emi enamde ikpe esie, eyom Jehovah; mbufo eyom edinen ido, eyom suŋ-suŋ ido: mme mbufo eyedibe ke usen iyaresit Jehovah.

ZECHARIAH 7:9

Ntem ke Jehovah mme udim ɔdɔhɔ, ete, Mbufo ekpe ikpe ke akpanikɔ, yak kiet onyuŋ anam mfɔn ye mbɔm ye eken.

MATTHEW 5:3

Ɔfɔfɔn ɔnɔ mmɔ eke ebuenede ke spirit: koro Obio Ubɔŋ Heaven enyene mmɔ.

MATTHEW 5:7

Ɔfɔfɔn ɔnɔ mmɔ eke etuade owo mbɔm: koro eyetua mmɔ mbɔm.

LUKE 10:42

ŋkpɔ kiet edi se nyomde; koro Mary ememek eti udeme, eke midibɔhɔ enye ifep.

LUKE 11:42

Edi eyedɔdiɔk ɔnɔ mbufo mme Pharisee, koro mbufo esiode ubak ikɔŋ ye etidot ye kpukpru oruk ikɔŋ udia kiet ke itie duop enɔ Abasi, enyuŋ ekaŋade edinen ikpe ye ima Abasi: mbufo ekpanam ŋkpɔ emi, ikponyuŋ itreke ndinam mmɔ eken.

LUKE 12:14

Edi Jesus ete enye, Owo, anie okonim Mi nte ebierikpe ye edeme-udeme ke ufɔt mbufo?

LUKE 6:36

Etua owo mbɔm ndien kpa nte Ete mbufo atuade owo mbɔm, Ekunyuŋ esioŋo owo ndo,

ŊWED MBON ROME 7:16

Edi edieke nnamde se midɔŋke mi ndinam, mmonyime nte ibet ɔfɔn.

ŊWED MBON ROME 9:20

Edi afo edi anie, O owo, emi ɔbɔrɔde adian Abasi ntem? Nte ŋkpɔ eke ebotde ekeme ndidɔhɔ andibot enye ete, Nsinam afo okobotde mi ntem?

1 ŊWED CORINTH 7:16

Abasi okokot mbufo ete editie ke emem. Koro afo ŋwan, anam didie; ofiɔk mme afo edinyaŋa uberi? Afo ebe, onyuŋ anam didie ɔfiɔk mme afo edinyaŋa ŋwan fo?

ŊWED MBON EPHESUS 4:32

enyuŋ efɔn ido ye kiet eken, enyuŋ enyene esit mbɔm, enyuŋ efen kiet eken, kpa nte Abasi okonyuŋ efende mbufo ke Christ.

DEUTERONOMY 27:10

Kop ndien uyo Jehovah Abasi fo, nyuŋ nim mbet esie ye mme ewuhɔ esie emi ami ŋwukde fi mfin emi.

DEUTERONOMY 30:15

Sese, mmada uwem, ye nti ŋkpɔ, ye mkpa, ye idiɔk, nnim fi ke iso mfin emi;

ŊWED MBON COLOSSAE 3:12

Nte mmɔ emi Abasi ekemekde, emi Abasi akanamde mmɔ esana onyuŋ amade, eda ndien esit mbɔm esine, ye mfɔn-ido, ye nsuk-idem, ye ifure-ifure ido, ye ime;

2 ŊWED THESSALONICA 2:16

Ndien Ɔbɔŋ nnyin Jesus Christ, ke Idem Esie, ye Abasi Ete nnyin, emi akamade nnyin, onyuŋ ɔnɔde nnyin nsinsi ndɔŋesit ye eti idori-enyin ke mfɔn,

JAMES 2:20

Edi nte afo, O ndisime owo, eyekam ɔfiɔk ete, erinim ke akpanikɔ eke misaŋake ye erinam ŋkpɔ iŋwumke mfri?

JOSHUA 24:14

Mbufo ebak Jehovah, ndien, enyuŋ enam ŋkpɔ esie ke esit kiet, ye ke akpanikɔ: enyuŋ emen mme abasi emi mme ete mbufo ekenamde ŋkpɔ mmɔ ke edem akpa oko, ye ke Egypt, eduɔk;

1 PETER 3:8

Ke akpatre itie, mbufo kpukpru enyene esit kiet, ekop mbɔm ye kiet eken, etie ima-ima nte nditɔ-ete, enyene mfefere esit, enyuŋ esuhɔre idem.

1 SAMUEL 12:23

Ndien ama edi ami, nsa mi! nduehe Jehovah ke eritre ndikpe enye ubɔk nnɔ mbufo: edi nyeteme mbufo eti ye edinen usuŋ:

1 SAMUEL 15:22

Ndien Samuel ɔdɔhɔ ete, Nte edifɔp uwa ye uwa emem enem Jehovah esit nte edikop uyo Jehovah? Sese ŋkopuyo ɔfɔn akan uwa, mkpaŋutɔŋ onyuŋ ɔfɔn akan ikpɔŋ okukim.