MICAH 6:5 - Edisana ñwed Abasi Ibom

⁵ O ikɔt mi, mbɔk, mbufo eti se Balak edidem Moab okodiomide, ye se Balaam eyen Beor ɔkɔbɔrɔde enye, ɔtɔŋɔde ke Shittim tutu osim ke Gilgal: man mbufo efiɔk edinen ido Jehovah.

MICAH 6:5 ပူးပေါင်းရင်းမြစ်များ

ŊWED MME PSALM 111:4

Enye anam owo eti mme utibe ŋkpɔ esiemɔ: Jehovah ɔfɔn ido, onyuŋ enyene esit mbɔm.

ŊWED MME PSALM 143:11

O Jehovah, nam itɔŋ uwem ɔsɔŋ mi, baŋa enyiŋ fo: da edinen ido fo sio ukpɔŋ mi ke nnan-enyin.

ŊWED MME PSALM 36:10

Dɔdiɔŋ ma mmɔ eke efiɔkde fi; nyuŋ nam se inende ye mbon esit kiet.

ŊWED MME PSALM 71:19

Ndien O Abasi, eti ido fo osim ke enyɔŋ, afo emi anamde ikpɔ ŋkpɔ: O Abasi, anie ebiet fi?

ISAIAH 1:27

Eyeda ikpe efak Zion, enyuŋ eda eti ido efak nditɔ esie emi ekabarede.

NUMBERS 22:41

Edikem eyo esiere, ndien Balak ada Balaam ɔdɔk ke edikoŋ ebiet Baal, man enye ada do otim okut utit mbio oro.

NUMBERS 23:27

Ndien Balak ɔdɔhɔ Balaam, ete, Mbɔk, kam di, nyeda fi ŋka ebiet efen; ndusuk eyenen ke iso Abasi nte afo osuŋi mmɔ do ɔnɔ mi.

NUMBERS 25:1

NDIEN Israel etie ke Shittim, ndien mmɔ etɔŋɔ ndise use ye nditɔ Moab iban.

NUMBERS 25:2

Ndien mmɔ (iban oro) ekekot mmɔ edi ke ebiet uwa ndem mmɔ: ndien mmɔ edia ŋkpɔ, enyuŋ enuhɔ enɔ ndem mmɔ.

NUMBERS 31:16

Sese, edi mme mmɔ emi ekesin nditɔ Israel edue Jehovah ke ikɔ Peor, ke uyo Balaam, ndien idiɔk udɔŋɔ oro otibe ke otu mbio esop Jehovah.

NUMBERS 31:8

Mmɔ enyuŋ ewot mbɔŋ Midian, ekɔrɔ ye mmɔ (efen) emi mmɔ ekewotde; Evi, ye Rekem, ye Zur, ye Hur, ye Reba, mbɔŋ Midian ition: mmɔ enyuŋ ewot Balaam eyen Beor ke ofut.

NUMBERS 33:49

Ndien mmɔ edaŋa ke mben Jordan, etɔŋɔ ke Beth-jeshimoth tutu esim ke Abelshittim, ke una-isɔŋ Moab.

ŊWED MBON EPHESUS 2:11

Mmɔdo mbufo eti ete, mbufo ekedi mme Gentile ke obukidem ke eyo oko, emi mmɔ emi ekerede mme ana-mbobi-mbobi obukidem, emi edade ubɔk enim—ekokotde mbufo mme anana-mbobi;

DEUTERONOMY 16:3

Kuta uyo eke leaven esinede udian ye enye; ke ofuri usen itiaba da uyo eke leaven miduhe, kpa uyo ukut, ta ye enye: koro afo ekefehede itɔk ke isɔŋ Egypt ɔwɔrɔ: man afo eti usen oro afo okotode ke isɔŋ Egypt, ke kpukpru usen uwem fo.

DEUTERONOMY 23:6

Kuyom emem mmɔ, ye se ifɔnde ye mmɔ, ofuri ini fo tutu amama.

DEUTERONOMY 8:18

Edi ti Jehovah Abasi fo: koro edi enye ɔnɔ fi odudu erikɔ inyene, man enye anam ediomi esie emi enye ɔkɔŋwɔŋɔde ɔnɔ mme usɔ ɔsɔŋɔ ada, kpa nte edide mfin emi.

DEUTERONOMY 8:2

Nyuŋ ti ofuri usuŋ emi Jehovah Abasi fo akadade fi asaŋa ke ofuri isua aba emi ke wilderness, man enye anam fi osuk idem, onyuŋ odomo fi ete, ifiɔk se idude fi ke esit, mme afo eyetiŋ enyin ke mme ewuhɔ imɔ, mme udutiŋke.

DEUTERONOMY 9:7

Ti, kufre nte afo akayatde Jehovah Abasi fo esit ke wilderness: ɔtɔŋɔde ke usen emi afo otode ke isɔŋ Egypt, tutu mbufo edisim ebiet emi, mbufo emesɔŋ ibuot ye Jehovah.

JOSHUA 2:1

NDIEN Joshua eyen Nun etie ke Shittim ɔdɔŋ owo iba uyep ndibe-ndibe, ete, Mbufo eka ekese isɔŋ oro ye Jericho. Ndien mmɔ eka ekeduk ke ufɔk akpara kiet ekere Rahab, ekedaŋ do.

JOSHUA 3:1

EKEM Joshua abak edemere ke usenubɔk; ndien mmɔ edaŋa ke Shittim edi ke Jordan, enye ye kpukpru nditɔ Israel, ndien mmɔ edaŋ do ke mikaibehe kaŋa.

JOSHUA 4:19

Ndien mbio oro eto ke Jordan edɔk ke ɔyɔhɔ usen akpa ɔfiɔŋ duop, ndien mmɔ eka ekena ke Gilgal, ke edem usiaha-utin Jericho.

2 PETER 2:15

Mmɔ ekpɔŋ edinen usuŋ ediyo ebine afaŋ Balaam eyen Beor, emi akamade utip ukwaŋido;

1 JOHN 1:9

Edieke nnyin iyararede mme idiɔk-ŋkpɔ nnyin, Enye edi anam-akpanikɔ onyuŋ enen, ete ifen mme idiɔk-ŋkpɔ nnyin, inyuŋ iyet nnyin isana ke kpukpru mme ukwaŋkpɔ.

JUDE 1:11

Idifɔnke fɔn inɔ mmɔ! koro mmɔ ekasaŋade ke afaŋ Cain, enyuŋ eduɔkde idem ke nduyo Balaam ke ntak udori, enyuŋ etak ke nsɔŋ-ibuot Korah.

ERIYARARE 2:14

Edi mmenyene ndusuk ŋkpɔ eke ndade mbiom fi, ete, emenyene ndusuk owo do eke emumde ukpep-ŋkpɔ Balaam ekama, emi ekekpepde Balak ndinim ŋkpɔ-iduɔ ke iso nditɔ Israel, ete edia se ekewade enɔ ndem, enyuŋ enam use:

JUDGES 11:25

Nte afo ɔfɔn ndien akan Balak eyen Zippor, edidem Moab? Nte enye ama ɔtɔhɔ ye Israel, mme aŋwana ekɔŋ ye mmɔ?

JUDGES 5:11

Do ke editoro edinen ido Jehovah, edinen ido ikpɔ owo esie ke Israel. Ndien ikɔt Jehovah esuhɔre eka ke mme inua-otop.

1 SAMUEL 12:7

Mbufo etuak eda, ndien, man ŋkpe ye mbufo ke iso Jehovah mbaŋa kpukpru edinen ŋkpɔ Jehovah oro enye akanamde mbufo ye mme ete mbufo.