MICAH 6:14 - Edisana ñwed Abasi Ibom

¹⁴ Afo eyedia ŋkpɔ, edi uyuhɔke; esit eyenyuŋ ɔduɔ fi: afo ekpemen ŋkpɔ efep, udunimke mmɔ ke ifure; ndien nyeda se afo anyaŋade nyak nnɔ ofut.

MICAH 6:14 ပူးပေါင်းရင်းမြစ်များ

ISAIAH 30:6

Mbiomo mme unam edem usuk: ke isɔŋ ndutuhɔ ye nnan-eyin, uman lion ye abak lion, ibɔm ye ɔkpɔtɔ itiat eto do, mmɔ ebiom inyene mmɔ ke afara nditɔ ass, ebiom ŋkpɔ-uto mmɔ ke ekuŋ camel, esɔk idut eke mikemeke ndidoro mmɔ.

ISAIAH 65:13

Mmɔdo, ntem ke Ɔbɔŋ Jehovah ɔdɔhɔ, ete, Sese, ikɔt mi eyedia ŋkpɔ, edi biɔŋ eyedɔŋ mbufo: sese, ikɔt mi eyeŋwɔŋ, edi itɔŋ eyesat mbufo: sese, ikɔt mi eyedat esit, edi but eyenam mbufo: sese,

ISAIAH 9:20

Ndien enye awai ŋkpɔ eke edude ke ubɔk nnasia, edi osuk etie biɔŋ; onyuŋ adia se idude ke ubɔk ufien, edi iyuhɔke: kpukpru mmɔ eta idem ubɔk mmɔ.

JEREMIAH 48:44

Owo eke efeghede abak ndik eyeduŋ ke obube; ndien owo eke otode ke obube ɔdɔk eyemum ke afia: koro nyeda isua ufen mmɔ ntiene enye kpa Moab; uyo Jehovah edi emi.

EZEKIEL 5:12

Ɔyɔhɔ ubak mbufo ita eyekpaŋa ke udɔŋɔ, eyenyuŋ ekpa idem ke akaŋ ke otu mbufo; ɔyɔhɔ ubak ita eyenyuŋ ekpaŋa ke ofut ekan mbufo ekuk; nyenyuŋ nsuan ɔyɔhɔ ubak ita nsin ke kpukpru mme ofum, nnyuŋ nsio ofut mbine mmɔ.

HOSEA 4:10

Ndien mmɔ eyedia, edi idiyuhɔke: mmɔ eyenam use, edi iditɔtke: koro mmɔ etrede ndikere Jehovah.

LEVITICUS 26:26

Ke adaŋemi ami mbuŋde esaŋ uyo nnɔ mbufo, iban duop eyesaŋ uyo mbufo ke usaŋ-uyo kiet, enyuŋ edomo uyo enɔ mbufo: ndien mbufo eyeta, edi idiyuhɔke.

HAGGAI 1:6

Mbufo etetɔ ediwak ŋkpɔ ke isɔŋ, ndien ekut esisit; edia ŋkpɔ, edi ikemke: eŋwɔŋ, edi iyuhɔke; esine ŋkpɔ ke idem, edi ikopke ufiop; anam-utom ke utip onyuŋ esin utip ke ekpat eke otibede ndudu.

HAGGAI 2:16

toto ke mme usen oro, owo aka ke ebok ebek edip, ndien duop edu do: aka ke ebiet-udigi-wine ndikoi abaŋ aba ye duop, ndien edip edu.