MICAH 6:12 - Edisana ñwed Abasi Ibom

¹² Koro afai ɔyɔhɔde mbɔŋ esie ke idem, mme andiduŋ enye enyuŋ esu nsu; edeme mmɔ onyuŋ abiaŋa ke inua mmɔ.

MICAH 6:12 ပူးပေါင်းရင်းမြစ်များ

ŊWED MME PSALM 120:2

O Jehovah, nyaŋa ukpɔŋ mi sio ke mkpɔk-inua nsu, ye ke edeme abiaŋa.

ŊWED MME PSALM 35:20

Koro mmɔ mitiŋke ikɔ emem: edi ekere ikɔ nsu etuk suŋ-suŋ owo ke obio.

ŊWED MME PSALM 78:36

Ndien mmɔ ebiaŋa enye ke inua mmɔ, enyuŋ esu nsu enɔ enye ke edeme mmɔ.

ISAIAH 1:23

Mbɔŋ fo edi mbon nsɔŋ-ibuot, ye nsaŋa inɔ: kpukpru mmɔ esuk emama enɔ, enyuŋ ebine utip: mmɔ ikpehe ikpe eyen akpa, ikɔ ebe-akpa inyuŋ isimke mmɔ.

ISAIAH 3:8

Koro Jerusalem ke ofofum, Judah onyuŋ ɔduɔ: koro edeme mmɔ ye ido mmɔ eduede Jehovah, enyuŋ eyatde enyin ubɔŋ esie.

ISAIAH 5:7

koro ufɔk Israel edide iŋwaŋ-vine Jehovah mme udim, mbio Judah enyuŋ edi mkpuk ŋkpɔ emi enemde enye: ndien enye onim enyin ke ikpe, edi, sese, afai; onim enyin ke se inende, edi, sese, eseme.

JEREMIAH 9:8

Edeme mmɔ edi idaŋ afai; enye ɔdɔhɔ nsu: owo eyeda inua-inua eneme ye mbɔhiduŋ esie ufan-ufan, ndien enye anam ŋkari esie ke esit esie.

HOSEA 7:1

KE adaŋemi ndade ikɔt mi emi mmɔ eketaŋde efep, nnyɔŋ ndi; ke ini nnamde idiɔk okure Israel, ndien eyeyarare idiɔk ido Ephraim ye mme ukwaŋ-ŋkpɔ Samaria: koro mmɔ enamde abiaŋa; inɔ onyuŋ oduk edi, udim owo ewo ke mme efak.

HOSEA 7:13

Ɔdɔdiɔk ɔnɔ mmɔ, koro mmɔ efeŋede ekpɔŋ mi: nsobo ɔsɔp mmɔ, koro mmɔ enamde idiɔk ye ami: edi ami ŋkonyuŋ mfak mmɔ, ndien mmɔ esu nsu ebaŋa mi.

AMOS 2:4

Ntem ke Jehovah ɔdɔhɔ ete, Idiɔk ido Judah ita ye inaŋ iyakke mi ŋkabare enye (ufen) mfep: koro mmɔ esinde mbet Jehovah ke ndek, ndien minimke mme ewuhɔ esie; nsu mmɔ eke mme ete mmɔ eketienede esin mmɔ ediyo.

AMOS 6:4

eke enade ke bed oduk-enin, enyuŋ enyanarede ena ke mkpana mmɔ, enyuŋ etade nditɔ-erɔŋ eke etode ke ŋkpri ufene, ye nditɔ-enaŋ eke etode ke ebiet ŋkuhɔ;

ZEPHANIAH 1:9

Nyenyuŋ nda ufen nnɔ kpukpru owo eke efrɔde ke asaŋudɔk ke usen oro, eke edade afai ye abiaŋa eyɔhɔ ke ufɔk mme ete mmɔ.

ZEPHANIAH 3:3

Mbɔŋ esie ke ufɔt esie edi lion mfriori: mme ebierikpe esie edi wolf mbubreyo; mmɔ isuhɔke baba ŋkpɔ kiet inɔ usenubɔk.

UTOM MME APOSTLE 24:9

Mme Jew enyuŋ edian uyo edori enye ikɔ, ete, se etiŋde edi ntre.

ŊWED MBON ROME 3:13

Odudu itɔŋ mmɔ edi ana-iŋwaŋ udi: mmɔ eda edeme mmɔ ebiaŋa abiaŋa Ifɔt ibɔm odu mmɔ ke idak mkpɔk-inua: