MICAH 6:1 - Edisana ñwed Abasi Ibom

¹ MBUFO ekop ndien se Jehovah ɔdɔhɔde, ete, Daha ke enyɔŋ, kpe ikɔ ke iso ikpɔ obot, nyuŋ yak ŋkpri obot ekop uyo fo.

MICAH 6:1 ပူးပေါင်းရင်းမြစ်များ

ŊWED MME PSALM 50:1

ABASI ibom, kpa Jehovah, ɔdɔhɔ, onyuŋ okot ererimbot ɔtɔŋɔde ke edem usiaha-utin tutu osim ke edem emi enye osopde.

ŊWED MME PSALM 50:4

Enye eyefiori okot heaven ke enyɔŋ, ye isɔŋ, ete ikpe ikpe ikɔt imɔ.

ISAIAH 1:2

Mbufo enyɔŋ ekop, isɔŋ nyuŋ kpaŋ utɔŋ: koro Jehovah ɔdɔhɔde: Mbɔk, nnyuŋ ŋkɔ nditɔ, ndien mmɔ emekabare esɔŋ ibuot ye ami.

ISAIAH 3:13

Jehovah adaha ada ndibiere ikɔ, onyuŋ ada ndikpe mme idut.

JEREMIAH 13:15

Mbufo ekop, enyuŋ ekpaŋ utɔŋ: ekuseri iseri: koro Jehovah ɔmɔdɔhɔ.

JEREMIAH 22:29

O isɔŋ! isɔŋ! isɔŋ! kop uyo Jehovah.

EZEKIEL 36:1

NDIEN afo eyen owo tiŋ prophecy nɔ ikpɔ obot Israel, nyuŋ dɔhɔ ete, Ikpɔ obot Israel, mbufo ekop uyo Jehovah:

EZEKIEL 36:8

Edi mbufo, ikpɔ obot Israel, eyesiaha ŋkɔk mbufo, enyuŋ eŋwum mfri mbufo enɔ ikɔt mi Israel: koro mmɔ esaŋade ekpere.

EZEKIEL 37:4

Ndien enye ɔdɔhɔ mi, ete, Tiŋ prophecy baŋa mme ɔkpɔ emi, nyuŋ dɔhɔ mmɔ, ete, Mbufo nsat ɔkpɔ, ekop uyo Jehovah.

EZEKIEL 6:3

Nyuŋ dɔhɔ ete, Mbufo ikpɔ obot Israel ekop uyo Ɔbɔŋ Jehovah, ete, Ntem ke Ɔbɔŋ Jehovah ɔdɔhɔ ikpɔ obot ye ŋkpri, ye mme idim mmɔŋ, ye mme itihere; ete, Sese, ami kpa ami, mmɔŋ nda ofut ntiene mbufo nnyuŋ nsobo ŋkokoŋo ebiet mbufo.

AMOS 3:1

NDITƆ Israel, mbufo ekop uyo emi Jehovah ɔdɔhɔde abaŋa mbufo, abaŋa ofuri oruk owo oro ami ŋkosiode ke isɔŋ Egypt ndɔk, nte,

MICAH 1:2

Mbufo kpukpru owo ekop! O isɔŋ, ye se iyɔhɔde ke esit, mbufo ekpaŋ utɔŋ! ndien yak Ɔbɔŋ Jehovah edi ntiense abaŋa mbufo, kpa Ɔbɔŋ ke edisana temple esie.

MICAH 1:4

Ndien ikpɔ obot eyetara ke idak esie, mme itihere eyenyuŋ esiaha, kpa nte obukpa ɔkwɔk ke enyin ikaŋ, kpa nte mmɔŋ eke eŋwaŋade ke ŋwewere.

MICAH 5:15

Nyenyuŋ nda iyaresit ye ifuresit nsio usiene ye mme idut eke mikopke.

MICAH 6:2

Ikpɔ obot ye ikpɔ itiat emi ererimbot odorode ke esit, mbufo ekop utɔk Jehovah: koro Jehovah ɔtɔhɔde utɔk ye ikɔt esie, onyuŋ anamde ikɔ ye Israel.

LUKE 19:40

Edi Enye ɔbɔrɔ mmɔ ete, Ndɔhɔ mbufo nte, Edieke mme mmɔ emi ekpedopde uyo, mme itiat ekposio mkpo.

DEUTERONOMY 32:1

MBUFO mme enyɔŋ ekpaŋ utɔŋ, ndien nyedɔhɔ; O isɔŋ, nyuŋ kop ikɔ inua mi.

DEUTERONOMY 4:26

mfin emi mmowuk enyɔŋ ye isɔŋ nte edi ntiense ebaŋa mbufo, nte mbufo eyewara ndibiara ke isɔŋ emi mbufo ebede Jordan eka do ndida enye nnyene; mbufo idibigike ke esit anyan ini; edi eyebiara tak-tak.

1 SAMUEL 12:7

Mbufo etuak eda, ndien, man ŋkpe ye mbufo ke iso Jehovah mbaŋa kpukpru edinen ŋkpɔ Jehovah oro enye akanamde mbufo ye mme ete mbufo.

1 SAMUEL 15:16

Ndien Samuel ɔdɔhɔ Saul, ete, Bet kaŋa, nyesian fi se Jehovah ɔkɔdɔhɔde mi ke okoneyo emi. Ndien enye ɔdɔhɔ enye, ete, Tiŋ.