MICAH 5:7 - Edisana ñwed Abasi Ibom

⁷ Ndien nditɔ Jacob eke esukde eyedu ke otu ediwak mme idut, kpa nte mbara eke otode Jehovah, kpa nte edim eke edepde ke ikɔŋ, eke mibetke owo, minyuŋ ibeŋeke nditɔ owo.

MICAH 5:7 ပူးပေါင်းရင်းမြစ်များ

2 SAMUEL 17:12

Ndien nnyin iyesim enye ke ebiet kiet eke enye odude do, iyenyuŋ ifuk enye nte mbara ekeŋede ke isɔŋ: ndien enye ye baba owo kiet ke otu mmɔ emi edude ye enye idinyuŋ ibɔhɔke.

ŊWED MME PSALM 110:3

Ikɔt fo edi enɔ ima-esit ke usen odudu fo, ke edisana mbanaoto ke idibi usiere, afo emenyene mbara uyen fo.

ŊWED MME PSALM 133:3

emi ɔsuhɔrede ke ikpɔ obot Zion: koro do ke Jehovah owuk ŋkpɔ ufɔn, kpa nwem nsinsi.

ŊWED MME PSALM 72:6

Enye eyesuhɔre nte edim ke mbiet eke etemde, nte ŋkeŋe-nkeŋe edim ke ebebit isɔŋ.

MME ŊKE 19:12

Ikpahesit ɔbɔŋ ebiet ŋkuni lion: edi ufɔn esie ebiet mbara ke mbiet.

ISAIAH 32:15

tutu etie ke enyɔŋ eŋwaŋa nnyin spirit ke idem, ndien wilderness eyekabare edi eti iŋwaŋ, eyenyuŋ ebat eti iŋwaŋ ke akai.

ISAIAH 44:3

Koro nyeŋwaŋa mmɔŋ nnɔ owo nsat-itɔŋ, nyewaŋa idim ke edisat isɔŋ; nyeŋwaŋa spirit mi nduɔk nditɔ fo ke idem, nyeŋwaŋa nti ŋkpɔ mi nnɔ ubon fo.

ISAIAH 55:10

Koro kpa nte edim ye snow etode ke enyɔŋ esuhɔre, ndien ifiakke ika do, tutu ebit isɔŋ, enyuŋ enam enye afiari onyuŋ otibe, enyuŋ eda mkpasip enɔ andisuan, eda udia enɔ andidia:

ISAIAH 66:19

Ndien nyenim ŋkpɔ idiɔŋɔ ke otu mmɔ, nnyuŋ nda ndusuk mmɔ emi ebɔhɔde ndɔŋ utom ke otu mme idut, kpa Tarshish, ye Pul, ye Lud, ye mmɔ eke edudide utiga, Tubal ye Javan, kpa mme isuo emi eyomde usuŋ, eke mika-ikopke etop mi, mika-inyuŋ ikwe ubɔŋ mi; ndien mmɔ eyetaŋa ubɔŋ mi ke otu mme idut.

JEREMIAH 14:22

Nte ikpikpu abasi mme idut ekededi odu eke ekemede ndinam edim edep? Nte ikpa-enyɔŋ edinɔ edim mmɔŋ? Nte idige afo edi enye, O Jehovah Abasi nnyin? Nnyin iyebet fi, ndien: koro afo anamde kpukpru ŋkpɔ emi.

EZEKIEL 14:22

Ndien, sese, eyesuhɔ mbon-ubɔhɔ ke esit, eke edidade ewɔŋɔ, nditɔ-iren ye nditɔ-iban, Sese, mmɔ eyewɔŋɔ etiene mbufo: ndien mbufo eyekut usuŋ mmɔ ye ido mmɔ: enyuŋ ekop ndɔŋesit ebaŋa idiɔk-ŋkpɔ emi ndade ntiene Jerusalem, ebaŋa kpukpru se ndade ntiene enye.

EZEKIEL 47:1

NDIEN enye ɔtɔŋɔ ntak ada mi aka ke inua-otop ufɔk; ndien, sese, mmɔŋ oto ke idak asaŋudɔk ufɔk ese edem usiaha-utin: koro iso ufɔk esede edem usiaha-utin; mmɔŋ oro onyuŋ oto ke ŋkaŋ ufɔk nnasia ke edem usuk itie-uwa, ɔsuhɔre.

EZEKIEL 5:5

Ntem ke Jehovah ɔdɔhɔ, ete, Emi edi Jerusalem: mma ndiɔk enye ke ufɔt mme idut, ndien mme obio ekan enye ekuk.

DANIEL 11:32

Ndien enye eyeda nnem-inua abiat mmɔ emi ediɔkde ye ediomi oro. Edi mmɔ eke efiɔkde Abasi mmɔ eyesɔŋ idem enyuŋ enam ŋkpɔ.

HOSEA 14:5

Nyenam ye Israel nte mbara: enye eyesiaha nte lily, onyuŋ omum oruŋ esie nte Lebanon.

HOSEA 6:3

Ndien nnyin iyefiɔk, nnyin iyebine ikɔfiɔk Jehovah: enye iditreke ndiwɔrɔ nte usiere, eyenyuŋ osim nnyin nte edim, nte akpa ye ukperedem edim ebitde isɔŋ.

JOEL 2:32

Ndien ama ekem, kpukpru owo eke esemede ekot enyiŋ Jehovah eyebɔhɔ: ndien mmɔ eke ebɔhɔde eyedu ke obot Zion ye ke Jerusalem, kpa nte Jehovah ɔkɔdɔhɔde, ye ke otu mmɔ eke esukde emi Jehovah okotde.

AMOS 5:15

Mbufo esua idiɔk, enyuŋ ema eti, enyuŋ ewuk edinen ikpe ke inua-otop: mme Jehovah Abasi mme udim eyetua nsuhɔ Joseph mbɔm.

MICAH 2:12

O Jacob, nditreke nditaŋ mbufo kpukpru mbon: nyenam Israel emi esukde esop idem: nyenim mmɔ ɔtɔ kiet nte ŋkpri ufene Bozrah, kpa nte otu ufene ke otu mbiet mmɔ, mmɔ eyenam uyom ebaŋa owo.

MICAH 4:13

O adiaha Zion, daha ke enyɔŋ, nyuŋ bek: koro nyenam nduk fo edi ukwak, nyenyuŋ nnam ikpat ukot fo edi okpoho: ndien afo eyenuak ediwak mme idut: ndien ami nyenim udori mmɔ nnɔ Jehovah, nyenim inyene mmɔ nnɔ Ɔbɔŋ ofuri ererimbot.

MICAH 4:7

Ndien nyenim mbufo ke nsuhɔ, nnyuŋ nda mmɔ eke ekebinde efep esin ke anyan ebiet, nnim ke ɔkpɔsɔŋ obio: ndien Jehovah eyedi edidem mmɔ ke obot Zion ke nsinsi ye ke nsinsi.

MICAH 5:3

Mmɔdo enye eyeyak mmɔ ɔnɔ, tutu ŋwan eke amande aman ama: ndien nditɔ-ete esie eke esukde eyefiak etiene nditɔ Israel.

MICAH 5:8

Ndien nditɔ Jacob eke esukde eyedu ke otu mme idut, ke ufɔt ediwak obio, nte lion ke otu mme unam akai, mme mkparawa lion ke otu mme udim ŋkpri ufene: emi ke ini enye asaŋade ebe, edigi onyuŋ awai, ndien owo eke anyaŋade iduhe.

MICAH 7:18

Anie Abasi ebiet fi, ke efen mme ukwaŋ-ŋkpɔ, ke adahado ke idiɔk ido owo udeme esie emi esuhɔde? Ikɔhɔkede iyaresit esie ke nsinsi: koro enye adatde esit ndifɔn ido.

ZEPHANIAH 3:13

Ubak Israel emi ɔsuhɔde idinamke ukwaŋ-ŋkpɔ, idinyuŋ isuhe nsu: owo idinyuŋ ikwe edeme abiaŋa ke inua mmɔ: koro mmɔ eyedia ŋkpɔ enyuŋ esuhɔre ena, ndien baba owo kiet eke anamde mmɔ ndik ididuhe.

ZECHARIAH 14:8

Ndien ama ekem ke usen oro, mmɔŋ idim eyeto ke Jerusalem; ubak kiet eyeka inyaŋ edem usiaha-utin, ubak eken eyeka inyaŋ edem usop-utin: eyedu ke nda-eyo ye ke tuep.

ZECHARIAH 9:13

Koro ndudide Judah ke idem mi nda Ephraim nsin ke utiga, nnyuŋ ndemere nditɔ fo, O Zion, nte eŋwana ye nditɔ fo, O Greece, nnyuŋ nnim fi ke ofut owo uko.

MATTHEW 28:19

Mbufo eka ekanam kpukpru mme idut edi mbet Mi, enim mmɔ baptism esin ke enyiŋ Ete ye Eyen ye Edisana Spirit:

UTOM MME APOSTLE 11:15

Edi nte ntɔŋɔde nditiŋ ikɔ, Edisana Spirit ɔsuhɔre odoro mmɔ ke idem, kpa nte okodorode nnyin ke akpa.

UTOM MME APOSTLE 13:46

Ndien Paul ye Barnabas edɔhɔ mmɔ uko-uko ete, Ana nte ebem iso etiŋ ikɔ Abasi enɔ mbufo. Sia mbufo esinde ikɔ oro, enyuŋ ebatde ete mmimɔ idotke nsinsi uwem, sese, nnyin ikabare itiene mme Gentile.

UTOM MME APOSTLE 16:9

Ndien Paul okut ŋkukut ke okoneyo; owo Macedonia kiet ke ada ebeŋe enye ete, Be di ke Macedonia, dinyaŋa nnyin.

UTOM MME APOSTLE 9:15

Edi Ɔbɔŋ ete enye, Kam ka: koro enye edi anam-utom eke mmekde, nte akama enyiŋ Mi aka ke iso mme Gentile ye mbɔŋ, ye nditɔ Israel:

ŊWED MBON ROME 10:20

Isaiah onyuŋ enyene uko eti-eti ɔdɔhɔ ete, Mmɔ emi mikoyomke Mi ema ekut mi; Mmayarare idem nnɔ mmɔ emi mikobupke ibaŋa Mi.

ŊWED MBON ROME 11:12

Edi edieke ndudue mmɔ anamde ererimbot okut uwak mfɔn, unana mmɔ onyuŋ akabarede edi uwak mfɔn ɔnɔ mme Gentile, ŋwaŋwaediso ke uyɔhɔ mmɔ edinam mfɔn odu.

ŊWED MBON ROME 9:30

Ididɔhɔ didie ndien? Ite, mme Gentile, emi mikaŋwanake nditiene edinen ido, ema esim edinen ido, kpa edinen ido eke otode ke mbuɔtidem:

1 ŊWED CORINTH 3:6

Ami ŋkɔtɔ, Apollos ɔkɔbɔk ke mmɔŋ; edi ŋkɔri oto Abasi.

DEUTERONOMY 32:2

Item mi eyedep nte edim, uyo mi eyetɔi nte mbara, nte asak-asak edim ke mbiet, ye nte ɔkpɔsɔŋ edim ke ikɔŋ.

JUDGES 6:36

Ndien Gideon ɔdɔhɔ Abasi, ete, Edieke afo edidade ubɔk mi anyaŋa Israel, kpa nte afo ɔkɔdɔhɔde,