MICAH 4:4 - Edisana ñwed Abasi Ibom

⁴ Ndien kpu-kpru mmɔ eyetie ke idak vine mmɔ ye ke idak fig mmɔ; ndien baba owo kiet eke edinamde mmɔ ndik ididuhe: koro edi inua Jehovah mme udim ɔdɔhɔ.

MICAH 4:4 ပူးပေါင်းရင်းမြစ်များ

1 NDIDEM 4:25

Ndien Judah ye Israel eduŋ ke ifure, kpukpru owo ke idak vine mmɔ ye eto fig mmɔ, ɔtɔŋɔde ke Dan tutu osim ke Beer-sheba, ke ofuri eyo Solomon.

1 NDIDEM 5:5

Ndien, sese, mmaduak ndibɔp ufɔk nnɔ enyiŋ Jehovah Abasi mi, kpa nte Jehovah ɔkɔdɔhɔde David ete mi, ete, Eyen fo emi ndidoride ke ebekpo fo ke ibuot fo, enye eyebɔp ufɔk oro ɔnɔ enyiŋ mi.

ŊWED JOB 11:19

Ndien afo eyesuhɔre ana, ndien baba owo kiet eke esinde fi ndik ididuhe; ndien ediwak owo eyekpe fi ubɔk.

ŊWED MME PSALM 72:3

Ikpɔ ye ŋkpri obot eyeŋwum ifure enɔ mbio-obio, ke edinen ido.

MME ŊKE 3:25

Kufehe baba ndik eke abuatde buat, kunyuŋ ufehe oyobio mme idiɔk owo, ke ini enye edidide.

ISAIAH 1:20

edi ema esin, enyuŋ esɔŋ ibuot, ofut eyedia mbufo: koro edi inua Jehovah ɔdɔhɔ.

ISAIAH 17:2

Mmɔ emekpɔŋ mme obio Aroer, mmɔ eyedi ke eke otu ufene, ndien mmɔ esuhɔre ena, ndien baba owo kiet idinamke mmɔ ndik.

ISAIAH 22:25

Uyo Jehovah mme udim edi emi: Ke usen oro eyedibere ntok eke ekekɔŋde esin ke ɔkpɔsɔŋ ebiet, enyuŋ esiak enye eduɔk ke isɔŋ; enyuŋ esibe mbiomo eke ɔkɔŋɔde ke esit efep: koro Jehovah ɔdɔhɔde.

ISAIAH 26:16

O Jehovah, mmɔ ebine fi ke ini ukut, esioro uyo mkpe-ubɔk: ufen fo odoro mmɔ.

ISAIAH 32:17

Ndien se edinen ido anamde edi emem; utip eti ido onyuŋ edi nduɔk-odudu ye ifure ke nsinsi.

ISAIAH 36:16

Mbufo ekukop uyo Hezekiah: koro ntem ke edidem Assyria ɔdɔhɔ, ete, Mbufo enam emem ye ami, enyuŋ ewɔŋɔ etiene mi: mbufo kpukpru enyuŋ edia vine mbufo, ye eto fig mbufo, enyuŋ eŋwɔŋ mmɔŋ ke obube mbufo:

ISAIAH 40:5

ndien ubɔŋ Jehovah eyeyarare, kpukpru owo ɔtɔ kiet eyenyuŋ ekut enye: koro uyo Jehovah ɔdɔhɔde.

ISAIAH 54:14

Eti ido eyenam fi ɔsɔŋɔ ada: nyomo-nsia eyeyom usuŋ ye afo: koro afo mududikheke; afo eyeyom usuŋ ke akpakop ndik: koro enye midisaŋake ikpere fi. Sese, mmɔ eyesop idem, edi itoho ye ami.

ISAIAH 58:14

ndien Jehovah eyedat fi esit; ami nyenyuŋ nnam fi odoro ke edikoŋ ebiet isɔŋ, nnyuŋ nnɔ fi akpa Jacob usɔ adia: koro inua Jehovah ɔdɔhɔde.

JEREMIAH 23:4

Ndien nyedori mme ɔbɔk eke edibɔkde mmɔ, ndien mmɔ idifeheke aba ndik, idem idinyuŋ ikpaha aba mmɔ, mmɔ idinyuŋ isopke: ke edi Jehovah ɔdɔhɔ.

JEREMIAH 30:10

Jehovah onyuŋ ɔdɔhɔ, ete, Afo owo mi Jacob, kufehe ndik; Israel, kunyuŋ ukpa idem: koro sese, ami nyenyaŋa fi nsio ke anyan idut, nnyuŋ nsio ubon fo ke isɔŋ oro etaŋde mmɔ eka; ndien Jacob eyefiak, onyuŋ etie suŋ ke ifure, baba owo kiet idinyuŋ inamke enye edikhe.

EZEKIEL 34:25

Nyenyuŋ nnam ediomi emem nnɔ mmɔ, nnyuŋ nnam mme idiɔk unam etre ke isɔŋ: ndien mmɔ eyeduŋ ke wilderness ke ifure, enyuŋ ede idap ke akai.

EZEKIEL 34:28

Ndien mmɔ ididige aba se mme idut ebumede, mme unam ikɔt idinyuŋ itaha aba mmɔ; ndien mmɔ eyeduŋ ke ifure, baba ŋkpɔ kiet idinyuŋ inamke mmɔ ndik.

EZEKIEL 38:11

Nyedɔk ke isɔŋ obio iŋwaŋ; nyesim mmɔ eke etiede ke ifure, emi eduŋde ke ndueidem, kpukpru mmɔ eduŋ enana ibibene, eto usuŋ ye itim inyuŋ iduhe,

EZEKIEL 39:26

ndien mmɔ eyebiom but mmɔ ye ofuri mme ukwaŋ-ŋkpɔ mmɔ emi enamde ye ami, ke ini mmɔ eduŋde ke isɔŋ mmɔ ke ifure, ndien baba owo kiet eke anamde mmɔ edikhe ididuhe.

LEVITICUS 26:6

Nyenyuŋ nnam isɔŋ ofure, mbufo eyenyuŋ esuhɔre ena, ndien baba ndutime ididuhe: nyenyuŋ nnam mme idiɔk unam etre ke isɔŋ; ndien ofut idisaŋake ke isɔŋ mbufo ibe.

MICAH 5:3

Mmɔdo enye eyeyak mmɔ ɔnɔ, tutu ŋwan eke amande aman ama: ndien nditɔ-ete esie eke esukde eyefiak etiene nditɔ Israel.

ZEPHANIAH 3:13

Ubak Israel emi ɔsuhɔde idinamke ukwaŋ-ŋkpɔ, idinyuŋ isuhe nsu: owo idinyuŋ ikwe edeme abiaŋa ke inua mmɔ: koro mmɔ eyedia ŋkpɔ enyuŋ esuhɔre ena, ndien baba owo kiet eke anamde mmɔ ndik ididuhe.

ZECHARIAH 3:10

Jehovah mme udim ɔdɔhɔ, ete, Ke usen oro mbufo kpukpru eyekot mbɔhiduŋ mbufo ke idak vine ye ke idak eto fig.