MICAH 4:2 - Edisana ñwed Abasi Ibom

² Ndien ediwak mme idut eyeka ekedɔhɔ, ete, Edi, nnyin idɔk ke obot Jehovah, ye ke ufɔk Abasi Jacob; ndien Enye eyeda usuŋ esie ekpep nnyin, nnyin iyenyuŋ isaŋa ke ɔkpɔ-usuŋ esie: koro ewuhɔ eyeto ke Zion, uyo Jehovah eyenyuŋ oto ke Jerusalem.

MICAH 4:2 ပူးပေါင်းရင်းမြစ်များ

ŊWED MME PSALM 110:2

Jehovah eyetie ke Zion ɔnɔ esaŋ odudu fo esɔk fi: da ubɔŋ ke otu mme asua fo.

ŊWED MME PSALM 119:1

ƆFƆFƆN ɔnɔ mmɔ eke usuŋ mmɔ ɔfɔnde ama, eke esaŋade ke ŋwed ido Jehovah.

ŊWED MME PSALM 119:171

Mkpɔk-inua mi eyeŋwaŋa itoro; koro afo edikpepde mi mme ewuhɔ fo.

ŊWED MME PSALM 122:1

MMƆ eke edɔhɔde mi, ete, “Nnyin iyeka ke ufɔk Jehovah,” edat mi esit.

ŊWED MME PSALM 25:12

Edi anie owo abak Jehovah? Enye eyeteme enye usuŋ eke emekde.

ISAIAH 2:3

Ndien ediwak obio eyeka ekedɔhɔ, ete, Mbufo edi, nnyin idɔk ke obot Jehovah, ke ufɔk Abasi Jacob; ndien enye eyekpep nnyin ido esiemɔ, nnyin iyenyuŋ isaŋa ke usuŋ esie: koro mme ewuhɔ eyeto ke Zion, uyo Jehovah eyenyuŋ oto ke Jerusalem.

ISAIAH 54:13

Jehovah eyenyuŋ eteme kpukpru nditɔ fo; ndien emem nditɔ fo okpon.

ISAIAH 56:7

nyeda mmɔ ndi ke edisana obot mi, nnyuŋ nnam mmɔ edat esit ke ufɔk akam mi: ndifɔp uwa mmɔ ye mme uwa emem mmɔ eyedi ŋkpɔ inem ke itie-uwa mi; koro ufɔk mi eyekere, ete, Ufɔk akam kpukpru mme idut.

JEREMIAH 31:6

koro usen eyedi eke mbon-ukpeme ke ikpɔ obot Ephraim edikotde, ete, Mbufo edaha ke enyɔŋ, nnyin idɔk ke Zion, ika ɔtɔ Jehovah Abasi nnyin.

JEREMIAH 42:3

man Jehovah Abasi fo owut nnyin usuŋ eke nnyin idisaŋade ke esit, ye ŋkpɔ eke nnyin idinamde.

HOSEA 6:3

Ndien nnyin iyefiɔk, nnyin iyebine ikɔfiɔk Jehovah: enye iditreke ndiwɔrɔ nte usiere, eyenyuŋ osim nnyin nte edim, nte akpa ye ukperedem edim ebitde isɔŋ.

ZECHARIAH 14:16

Ndien ama ekem kpukpru mbio kpukpru mme idut eke esuhɔde eke ekedide ekɔŋ ye Jerusalem, eyedɔk kpukpru isua ndituak ibuot nnɔ edidem, kpa Jehovah mme udim, nnyuŋ nnim usɔrɔ mme ataya.

ZECHARIAH 2:11

Ndien ediwak mme idut eyedian idem mmɔ ye Jehovah ke usen oro, eyenyuŋ edi ikɔt mi; ndien ami nyeduŋ ke ufɔt fo, ndien afo eyefiɔk ete ke Jehovah ɔmɔdɔŋ mi utom ke ɔtɔ fo.

ZECHARIAH 9:10

Ndien nyesibe chariot mfep ke Ephraim, nsibe horse mfep ke Jerusalem, eyenyuŋ esibe utiga ekɔŋ efep: ndien enye eyetaŋa emem ɔnɔ mme idut, onyuŋ ada ubɔŋ ɔtɔŋɔde ke inyaŋ kiet tutu osim inyaŋ eken, onyuŋ ɔtɔŋɔde ke akpa tutu osim ke mme utit ererimbot.

MARK 16:20

Ndien mmɔ ewɔŋɔ ekekwɔrɔ ikɔ ke kpukpru ebiet, Ɔbɔŋ onyuŋ anam utom ye mmɔ, onyuŋ ada mme idiɔŋɔ eke esaŋade ye erikwɔrɔ ɔsɔŋɔ ikɔ mmɔ.

LUKE 24:47

enyuŋ enyene nditɔŋɔ ke Jerusalem ŋkwɔrɔ erikabare esit ye erifen mme idiɔk-ŋkpɔ ke enyiŋ Esie nnɔ kpukpru mme idut.

JOHN 6:45

Ema ewet ke mme prophet ete, Abasi eyekpep mmɔ kpukpru ŋkpɔ; kpukpru owo eke ekopde uyo Ete enyuŋ ebɔde ukpep-ŋkpɔ etiene Mi.

JOHN 7:17

Edieke owo onyimede ndinam se Enye amade, owo oro eyefiɔk abaŋa se ŋkpepde, mme oto Abasi, mme Ami ntiŋ ikɔ oto Idem Mi.

UTOM MME APOSTLE 1:8

Edi mbufo eyebɔ odudu, ke Edisana Spirit ama edi edidoro mbufo ke idem: mbufo eyenyuŋ edi mme ntiense Mi ke Jerusalem, ye ke ofuri Judaea ye Samaria, tutu osim utit ererimbot.

UTOM MME APOSTLE 13:42

Nte mmɔ ewɔŋɔde, mmɔ ebeŋe ete etiŋ ikɔ emi ɔnɔ mme imɔ ke sabbath eŋwen.

ŊWED MBON ROME 15:19

mbe se Christ akadade mi anam, ke ikɔ ye utom, ke odudu mme idiɔŋɔ ye mme utibe-ŋkpɔ ye ke odudu edisana Spirit, man mme Gentile esuk ibuot. Ntem ke mma ntɔŋɔ ke Jerusalem ŋkwɔrɔ gospel Christ ɔyɔhɔ-ɔyɔhɔ tutu ŋkanare ŋkosim Illyricum.

DEUTERONOMY 6:1

NDIEN mme mmɔ emi edi mbet, ye mme ewuhɔ, ye mme item, emi Jehovah Abasi mbufo okowukde ete ŋkpep mbufo, kpaŋ mbufo ekpenam mmɔ ke isɔŋ emi mbufo eyomde ndibe ŋka do ŋkada enye nnyene: