MICAH 4:10 - Edisana ñwed Abasi Ibom

¹⁰ Kop ubiak, nyuŋ man eyen, O adiaha Zion, kpa nte ŋwan uman: koro afo eyeto ke obio ɔwɔrɔ ke idahemi, eyenyuŋ oduŋ ke iŋwaŋ, onyuŋ osim Babylon: eyenyaŋa fi do: do ke Jehovah edifak fi osio mme asua fo ke ubɔk.

MICAH 4:10 ပူးပေါင်းရင်းမြစ်များ

2 NDIDEM 20:18

Mmɔ eyenyuŋ eda nditɔ fo eke editode fi ke idem, eke afo edibonde; ndien mmɔ eyedi eunuch ke ebiet edidem Babylon.

2 NDIDEM 25:4

Ekem ebuŋ obio, kpukpru mbon-ekɔŋ enyuŋ efeŋe ke okoneyo ke usuŋ inua-otop ke ufɔt ibibene mbiba emi ekperede iŋwaŋ-esa edidem: (koro mme Chaldean enyuŋ ekan obio ekuk:) ndien (edidem) efehe aka usuŋ una-isɔŋ.

2 CHRONICLES 33:11

Ekem Jehovah ada mme etubom udim-ekɔŋ edidem Assyria edi etiene mmɔ, ndien mmɔ emum Manasseh ke uwem, enyuŋ ekɔbi enye ufat-ubɔk ndien eda enye enyɔŋ ke Babylon.

2 CHRONICLES 36:20

Ndien enye ataŋ mmɔ eke ofut ɔsuhɔde, ɔnyɔŋ ke Babylon; ndien mmɔ edi ikɔt esie, ye eke nditɔ esie, tutu edidem Persia ada ubɔŋ:

2 CHRONICLES 36:23

Ntem ke Cyrus edidem Persia ɔdɔhɔ, ete, Jehovah Abasi enyɔŋ ɔmɔnɔ mi kpukpru mme idut ererimbot: enye omonyuŋ owuk mi, ete ndiɔŋ ufɔk nnɔ imɔ ke Jerusalem, emi odude ke Judah. Anie owo ikɔt esie kpukpru odu ke otu mbufo? Yak Jehovah Abasi esie odu ye enye, yak enye onyuŋ ɔdɔk.

ŊWED MME PSALM 106:10

Ndien enye anyaŋa mmɔ osio andisua ke ubɔk, onyuŋ afak mmɔ osio ke ubɔk owo utɔk.

ISAIAH 43:14

Ntem ke Jehovah, andifak mbufo, Edisana Abasi Israel, ɔdɔhɔ ete, Ŋkɔdɔŋ utom ke Babylon mbaŋa mbufo, nnyuŋ nsuhɔre mbon itɔk kpukpru mmɔ; ye mme Chaldean, mkpo mmɔ odu ke ubom mmɔ.

ISAIAH 45:13

Ami ndemere enye nsin ke edinen ido, nyenyuŋ nneŋere kpukpru usuŋ esie: enye eyebɔp obio mi, onyuŋ asana ikɔt mi emi eketaŋde efep, ayak, idige ke utip inyuŋ idige ke enɔ.

ISAIAH 48:20

Mbufo eto ke Babylon ewɔŋɔ, ebɔhɔ ke otu mme Chaldean, esio mkpo idara, etiŋ emi, ebuk enye, ekwɔrɔ enye tutu osim ke utit ererimbot; mbufo edɔhɔ, ete, Jehovah amafak owo esie Jacob.

JEREMIAH 13:4

da ubɔp-isin emi afo akadade, emi ɔbɔbɔde fi ke isin, nyuŋ daha ke enyɔŋ ka ke Euphrates, nyuŋ dip enye do ke usiaha itiat kiet.

JEREMIAH 15:21

Uyo Jehovah edi emi. Ndien nyesio fi ke ubɔk mme idiɔk owo mfep, nnyuŋ mfak fi nsio ke ubɔk mbon ndik.

JEREMIAH 29:20

Mbufo ekop ndien uyo Jehovah, kpukpru mbufo mbon ntaŋ-mfep emi ŋkebinde mfep ke Jerusalem eka Babylon:

JEREMIAH 4:31

Koro ŋkopde uyo ebiet aŋwan uman, ubiak ebiet eke ŋwan eke amande akpan eyen, uyo adiaha zion, enye eŋwek, anyan ekaubɔk esie; ete, “Mbɔm mi ndien: koro mme owot-owo esinde ukpɔŋ akpa mi.”

JEREMIAH 48:41

Eda mme obio, emum mkpɔsɔŋ ebiet, ndien esit mbon uko Moab ke usen oro eyebiet esit aŋwan uman.

JEREMIAH 52:27

Ndien edidem Babylon ɔtɔ mmɔ owot ke Riblah, ke isɔŋ Hamath; onyuŋ ataŋ Judah ke isɔŋ mmɔ efep.

HOSEA 1:10

Edi ibat nditɔ Israel eyetie nte ntan-inyaŋ emi owo mikemeke ndidomo, minyuŋ ikemeke ndibat: ndien ama ekem ke ebiet emi ekedɔhɔde mmɔ, ete, Lo-ammi (mbufo idige ikɔt mi) ke eyɔdɔhɔ mmɔ, ete, Nditɔ Abasi uwem.

HOSEA 13:13

Ubiak aŋwan uman omotuk enye: enye edi eyen eke ananade ibuot; koro ekemde ke ini, idibigike: nditɔ ke eyom ndiwɔrɔ.

HOSEA 2:14

Mmɔdo, sese, ami nyetap enye, nnyuŋ nda enye ndi ke wilderness, nnyuŋ ndɔhɔ mfɔn-mfɔn ye enye.

MICAH 5:2

Ndien afo Beth-lehem Ephrathah, emekpri ke otu mme tɔsin Judah, edi owo eyeto fi ke esit ɔnɔ mi, eke edidide andikara ke Israel; enye emi eriwɔrɔ esie okodude tutuko, kpa ke eyo eset.

MICAH 5:3

Mmɔdo enye eyeyak mmɔ ɔnɔ, tutu ŋwan eke amande aman ama: ndien nditɔ-ete esie eke esukde eyefiak etiene nditɔ Israel.

ERIYARARE 12:14

Edi enɔ ŋwan oro mba iba eke akamba ntrukpom, man enye efe ɔnyɔŋ ke ebiet iduŋ esie ke desert; do ke ebɔk enye ke ini ye ke mme ini ye ke ubak ini, uruk-ikɔt okunyuŋ okut enye.