MICAH 3:7 - Edisana ñwed Abasi Ibom

⁷ Ndien but eyenam mbon ŋkukut; mbia-idiɔŋ eyenyuŋ efuk mkpɔk-inua mmɔ: koro ibɔrɔ Abasi mididuhe.

MICAH 3:7 ပူးပေါင်းရင်းမြစ်များ

ŊWED MME PSALM 74:9

Nnyin ikwe mme idiɔŋɔ nnyin; prophet iduhe aba: ndien owo eke ɔfiɔkde adaŋa ini ewe, iduhe ye nnyin.

EXODUS 9:11

Ndien oyo oro iyakke mbia-idiɔŋ eda ke iso Moses: koro oyo anamde mbia-idiɔŋ ye kpukpru nditɔ Egypt.

ISAIAH 44:25

Enye abiat mme idiɔŋɔ mbon nsu, onyuŋ anam mbia-idiɔŋ edama idat; anam mme ɔfiɔk ŋkpɔ owo efiak edem, onyuŋ onim ifiɔk mmɔ ke ndisime:

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

EZEKIEL 24:17

Seme ke ndop-uyo, kunam ntuaŋa mme akpa-mkpa; yara ŋkpɔ fo ke ibuot fo, nyuŋ sine ikpa-ukot ke ukot fo, kunyuŋ ufuk mkpɔk-inua, kunyuŋ uta uyo owo.

EZEKIEL 24:22

Ndien mbufo eyenam kpasuk nte ami nnamde: ekufuk ntaŋ-ebek, ekunyuŋ eta uyo owo.

LEVITICUS 13:45

Ndien yak ewai edisine-ŋkpɔ owo akpa-mfia emi udɔŋɔ oro anamde enye, ibuot esie onyuŋ etie iferi, yak enye onyuŋ ofuk ŋkpɔ ke ebek esie, onyuŋ ofiori ete, Edidehe, edidehe.

AMOS 8:11

Ɔbɔŋ Jehovah ɔdɔhɔ, ete, Sese, ini ke edi, ndien nyedɔŋ akaŋ utom ke isɔŋ, idige akaŋ udia, inyuŋ idige nsat-itɔŋ mmɔŋ, edi eke erikop ikɔ Jehovah:

MICAH 3:4

Ndien mmɔ eyeseme enɔ Jehovah, ndien enye idiyereke mmɔ: enye eyenyuŋ odip mmɔ iso esie ke ini oro, kpa nte mmɔ ediɔkde ndinim ido mmɔ.

MICAH 7:16

Mme idut eyekut mi, ndien but ofuri odudu mmɔ eyenam mmɔ: mmɔ eyeda ubɔk mmɔ edori ke inua, utɔŋ mmɔ eyebakare edi inan.

ZECHARIAH 13:4

Ndien ama ekem ke usen oro, but eyenam kpukpru mme prophet abaŋa ŋkukut mmɔ, ke ini mmɔ etiŋde prophecy; ndien mmɔ idisineke ɔfɔŋ-idem idet man ebiaŋa owo.

1 SAMUEL 14:37

Ndien Saul obup Abasi, ete, Nte nsuhɔre mbine mme Philistine? Nte afo edida mmɔ esin ke ubɔk Israel? Edi enye ibɔrɔke enye ke ini oro.

1 SAMUEL 28:15

Ndien Samuel ɔdɔhɔ Saul, ete, Afo anam didie otimere mi ke edinam mi ndɔk ndi? Ndien Saul ɔbɔrɔ ete, Mmetie ke ata itie ukut: ndien mme Philistine ke eŋwana ekɔŋ ye ami, Abasi ama onyuŋ akabare ɔkpɔŋ mi, inyuŋ ibɔrɔke aba mi ke ubɔk mme prophet, ye ke ndap: mmɔdo ŋkotde fi, man afo eteme mi se ndinamde.

1 SAMUEL 28:6

Ndien adaŋemi Saul obupde Jehovah, Jehovah ibɔrɔke enye ke ndap, ye ke Urim, ye ke mme prophet.

1 SAMUEL 9:9

Ke eyo oko ke Israel, owo ɔdɔhɔ ntem, adaŋemi enye akade ndibup Abasi ŋkpɔ, ete, Edi, nnyin ika ke ɔtɔ owo ŋkukut: koro owo emi ekerede prophet ke emi, akam ekere owo ŋkukut ke eyo oko.