MICAH 3:6 - Edisana ñwed Abasi Ibom

⁶ mmɔdo mbufo eyenyene okoneyo eke ŋkukut mididuhe; eyenyuŋ okim ye mbufo, ndien idiɔŋ ididuhe; utin eyenyuŋ oduk ikɔt ɔkpɔŋ mme prophet, uwemeyo eyenyuŋ ebire ye mmɔ.

MICAH 3:6 ပူးပေါင်းရင်းမြစ်များ

ŊWED MME PSALM 74:9

Nnyin ikwe mme idiɔŋɔ nnyin; prophet iduhe aba: ndien owo eke ɔfiɔkde adaŋa ini ewe, iduhe ye nnyin.

ISAIAH 29:10

Koro Jehovah amaŋwaŋa mbufo spirit idap ke idem, onyuŋ ɔbɔp mbufo enyin; enye ofuk mme prophet, ye mbuot mbufo, mbon ŋkukut.

ISAIAH 59:10

Nnyin ifefiɔŋɔ ibibene nte nnan, ifiɔŋɔ nte mme anana enyin: ituak ukot iduɔ ke ufɔt uwemeyo, kpa nte ke mfuŋ-mfuŋ mbubreyo; ke ata ekim kpa nte mme akpaŋa mkpa.

JEREMIAH 13:16

Mbufo enɔ Jehovah Abasi ubɔŋ, ke ebiet mika-ikimke kaŋa, ke ukot mbufo mika-ituahake ke obot okoneyo, ndien mbufo edori enyin ebet uŋwana, edi enye eyenam enye edi mfut mkpa, onyuŋ esin enye okim eti-eti.

JEREMIAH 15:9

Ŋwan eke amande itiaba akpa mba; ɔduɔk ukpɔŋ esie; utin esie omosop ke uwemeyo osuk odude: but ye ndutime enam enye: ndien nyeda mmɔ eke esuhɔde nnɔ ofut ke iso mme asua mmɔ. Emi edi uyo Jehovah.

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

EZEKIEL 13:9

Ndien ubɔk mi eyedoro ke idem mme prophet eni ekutde nsu enyuŋ ebrede mfa abiaŋa: mmɔ ididuhe ke odu ikɔt mi, idinyuŋ iwetke mmɔ isin ke ŋwed ufɔk Israel, mmɔ idinyuŋ isimke isɔŋ Israel; ndien mbufo eyefiɔk ete ke ami ndi Ɔbɔŋ Jehovah.

EZEKIEL 7:26

Idiɔk eyetiene idiɔk; etop eyenyuŋ ɔkɔrɔ ke etop; ndien mmɔ eyeyom ŋkukut prophet: ewuhɔ oku eyenyuŋ atak, ye item mbio-owo.

AMOS 8:11

Ɔbɔŋ Jehovah ɔdɔhɔ, ete, Sese, ini ke edi, ndien nyedɔŋ akaŋ utom ke isɔŋ, idige akaŋ udia, inyuŋ idige nsat-itɔŋ mmɔŋ, edi eke erikop ikɔ Jehovah:

MICAH 2:6

Mbufo ekutiŋ ikɔ. Ete, eyetiŋ; mitiŋke ntem, esuene iditreke.