MICAH 3:2 - Edisana ñwed Abasi Ibom

² Emi esuade eti ŋkpɔ, enyuŋ emade idiɔk-ŋkpɔ; emi eyararede mmɔ ikpɔk ke idem, ye obuk mmɔ ke ɔkpɔ mmɔ efep;

MICAH 3:2 ပူးပေါင်းရင်းမြစ်များ

1 NDIDEM 21:20

Ndien Ahab ɔdɔhɔ Elijah, ete, Nte afo omokut mi, O usua mi? Ndien enye ete, Mmokut: koro afo amanyam idem fo ndinam idiɔk ke iso Jehovah.

2 CHRONICLES 19:2

Ndien Jehu eyen Hanani, okut-ŋkukut, ɔwɔrɔ okosobo ye enye, onyuŋ ɔdɔhɔ edidem Jehoshaphat, ete, Nte ɔfɔn fi ndiŋwam mme idiɔk owo, nnyuŋ mma mmɔ eke esuade Jehovah? Emi esin Jehovah ɔtɔhɔ utɔk ye afo.

ŊWED MME PSALM 15:4

Enye ese oburobut owo ke ndek, edi okpono mmɔ eke ebakde Jehovah. Enye ɔŋwɔŋɔ se itukde idem esie, ndien ikpuhɔkede.

ŊWED MME PSALM 53:4

Nte mme anam-idiɔk ifiɔkke ŋkpɔ, mmɔ emi ediade ikɔt mi nte ediade udia, ndien misemeke inɔ Abasi?

MME ŊKE 28:4

Mmɔ eke ekpɔŋde ibet etoro mme idiɔk owo: edi mmɔ eke enimde ibet etɔhɔ ye mmɔ.

ISAIAH 3:15

Nsinam mbufo enuakde ikɔt mi, enyuŋ etukde mme ubuene iso?” Ntem ke Ɔbɔŋ Jehovah mme udim ɔdɔhɔ.

ISAIAH 5:20

Ifɔnke fɔn inɔ mmɔ eke edɔhɔde ebaŋa idiɔk, ete, Eti, ebaŋa eti, ete, Idiɔk: eke, enimde ekim ke uŋwana, enim uŋwana ke ekim; eke enimde idot ke iniŋe, enim iniŋe ke idot!

ISAIAH 57:12

Nyebuk eti ido fo, ye ŋkpɔ eke afo anamde: ndien mmɔ ididodoke fi baba.

EZEKIEL 11:7

Mmɔdo ntem ke Ɔbɔŋ Jehovah ɔdɔhɔ, ete, Mme mmɔ emi mbufo ekewotde, emi mbufo edade enim ke ufɔt esie, kpa mmɔ edi unam, ndien enye (obio) onyuŋ edi eso: ndien owo eyesioŋo mbufo ke esit efep.

EZEKIEL 22:27

Mbɔŋ esie ke otu mmɔ ebiet wolf eke ewaide ŋkpɔ, ke eriduɔk iyip, nnyuŋ nsobo ukpɔŋ, man mmɔ edia udori utuk.

EZEKIEL 24:4

taŋ ŋwa esie sin ke esit, kpukpru nti ŋwa, ukot, ye afara; da ata nti ɔkpɔ yɔhɔ ke esit.

EZEKIEL 34:3

Mbufo edia mmɔŋ eba enyuŋ esine idet ke idem, ewot mmɔ eke ekponide; edi ibɔkke ufene.

AMOS 4:1

MBUFO ekop uyo mi, O enaŋ Bashan emi edude ke akwa obot Samaria, emi etukde mbon unana, enyuŋ enuakde mme ubuene, emi edɔhɔde ɔbɔŋ mmɔ, ete, Da di, man nnyin iŋwɔŋ.

AMOS 5:15

Mbufo esua idiɔk, enyuŋ ema eti, enyuŋ ewuk edinen ikpe ke inua-otop: mme Jehovah Abasi mme udim eyetua nsuhɔ Joseph mbɔm.

MICAH 2:8

Ndien tutuko ikɔt mi edaha eda nte usua; mmɔ esioŋo ekura ekɔrɔ ye ɔfɔŋ-idem ke idem mmɔ eke esaŋade ke ndue-idem ebe, nte mmɔ eke etode ke ekɔŋ efiak edi.

MICAH 7:2

Owo eke amade Abasi atak ke isɔŋ: baba owo kiet eke enende ke otu owo iduhe: kpukpru mmɔ edibe eyom iyip, kiet ada iyire ebine eken.

MICAH 7:3

Ubɔk mbiba edoro ke idiɔk man etim enam: ɔbɔŋ ye ebierikpe ŋko eyom utip: akwa owo onyuŋ etiŋ se idɔŋde ukpɔŋ esie: ntem ke mmɔ ekwaŋa ŋkpɔ.

ZEPHANIAH 3:3

Mbɔŋ esie ke ufɔt esie edi lion mfriori: mme ebierikpe esie edi wolf mbubreyo; mmɔ isuhɔke baba ŋkpɔ kiet inɔ usenubɔk.

LUKE 19:14

Edi mbio-obio esie esua enye, enyuŋ edɔŋ mme isuŋutom etiene enye ke edem, ete, Nnyin iyomke owo emi akara nnyin.

JOHN 18:40

Mmɔ etɔŋɔ ntak efiori ete, Nnyin iyomke owo emi; iyom Barabbas. Ndien Barabbas edi owo ŋwo.

JOHN 7:7

Ererimbot ikemeke ndisua mbufo; edi asua Mi, koro Ami nditiŋde ikɔ-ntiense ndian enye nte, se enye anamde ɔdiɔk.

ŊWED MBON ROME 1:32

Okposuk edi nte mmɔ efiɔkde ewuhɔ Abasi, ete mme andinam oruk ŋkpɔ emi edot mkpa, mmɔ enam mme ido emi ke idem mmɔ, enyuŋ edara mmɔ emi enamde.

ŊWED MBON ROME 12:9

Eyak ima okusaŋa ke mbubik. Esua se idiɔkde; eyire se ifɔnde.

2 ŊWED TIMOTHY 3:3

enana ima uduot owo; enyuŋ ebiat uŋwɔŋɔ; ema ebiari, eyak idiɔk itɔŋ akan mmɔ ubɔk, etie obom-obom, enyuŋ esua se ifɔnde;