MICAH 3:12 - Edisana ñwed Abasi Ibom

¹² Mmɔdo eyefuŋ Zion nte iŋwaŋ ebaŋa mbufo, Jerusalem eyenyuŋ akabare edi ibombom ŋko, obot ufɔk emi eyenyuŋ akabare edi ŋkokoŋo ebiet akai.

MICAH 3:12 ပူးပေါင်းရင်းမြစ်များ

ŊWED MME PSALM 107:34

onyuŋ anam eti isɔŋ akabare edi inuŋ-inuŋ, ke abaŋa mme idiɔk ido mmɔ emi eduŋde ke esit.

ŊWED MME PSALM 79:1

O ABASI, mme idut emeduk ke udeme fo; mmɔ emebiat edisana temple fo; emenim Jerusalem ke ibombom.

ISAIAH 32:14

Koro emedaha ke ufɔk edidem; emekpɔŋ iwok obio; Ophel ye tower edi ebiet obube ke nsinsi, idaresit mme ass ikɔt, mbiet mme otu ufene:

JEREMIAH 17:3

O akwa obot mi ke iŋwaŋ, nyeda inyene fo ye kpukpru ŋkpɔ-uto fo nnɔ ke ŋkpɔ mbume, ŋkokoŋo ebiet fo eyedu ke idiɔk ŋkpɔ ke ofuri adaŋa fo.

JEREMIAH 22:5

Ndien mbufo minyimeke ndikop ikɔ emi, Jehovah ɔdɔhɔ, ete, Mmotomo idem mi, nte, Ufɔk mi iditreke ndikabare ndi ndon.

JEREMIAH 22:6

Koro ntem ke Jehovah ɔdɔhɔ abaŋa ufɔk edidem Judah, ete, Mbat fi nte Gilead, kpa ibuot Lebanon: edi nyakabare fi edi wilderness, kpa obio eke owo miduŋke.

JEREMIAH 26:18

Micaiah Morashtite eketiŋ prophecy ke eyo Hezekiah edidem Judah, onyun ɔdɔhɔ ofuri mbio Judah, ete, Ntem ke Jehovah mme udim ɔdɔhɔ, ete, Ke eyefuŋ Zion nte iŋwaŋ, Jerusalem eyenyuŋ akabare edi ndon, obot ufɔk eyenyuŋ akabare edi ibombom akai.

JEREMIAH 35:17

mmɔdo ntem ke Jehovah Abasi mme udim Abasi Israel ɔdɔhɔ, ete, Sese, ami mmɔŋ nda ofuri idiɔk ŋkpɔ emi ŋkɔdɔhɔde mbaŋa mmɔ, ntiene Judah ye kpukpru mme andiduŋ Jerusalem: koro mma ndɔhɔ ye mmɔ, ndien mmɔ ikopke: mma nnyuŋ ŋkot mmɔ, ndien mmɔ iyereke.

JEREMIAH 44:2

Ntem ke Jehovah mme udim Abasi Israel ɔdɔhɔ, ete, Mbufo emekut ofuri idiɔk-ŋkpɔ oro ŋkadade ntiene Jerusalem, ye kpukpru mme obio Judah; ndien, sese, mmɔ ebiara mfin, baba owo kiet eke oduŋde mmɔ ke esit inyuŋ iduhe,

JEREMIAH 52:13

ndien ɔfɔp ufɔk Jehovah ye ufɔk edidem; onyuŋ ɔfɔp kpukpru mme ufɔk Jerusalem, ye kpukpru ikpɔ ufɔk ke ikaŋ.

JEREMIAH 9:10

Nyemen eyet ye ntuaŋa mbaŋa ikpɔ obot, nyemen eseme mbaŋa mbiet wilderness koro esobode mmɔ, owo minyuŋ isaŋake ke esit ibe: ndien mmɔ ikopke uyo ufene; mme inuen enyɔŋ ye mme unam isɔŋ emefeŋe; emedaŋa!

JEREMIAH 9:11

Ndien nyenim Jerusalem ke ibombom, ye ke nna mme jackal; nyenyuŋ nnim mme obio Judah; ke ndobo, enana owo eke eduŋde.

ŊWED ESEME 5:18

Mme fox esaŋa ke enyɔŋ obot Zion, koro enye osobode.

MICAH 1:6

Ndien nyenim Samaria nte ibombom ke ikɔt, ye ke ebiet eke etɔde iŋwaŋ-vine: nyenyuŋ ŋŋwaŋa mme itiat esie nsin ke ebedeŋ, nnyuŋ mfuhɔre ebiet emi enye adade ke esit.

MATTHEW 24:2

Edi Enye ɔbɔrɔ mmɔ ete, Nte mbufo ikwe kpukpru ŋkpɔ emi? Ke akpanikɔ ke ndɔhɔ mbufo, Idikpɔŋke itiat kiet ke enyɔŋ itiat efen eke mididorokere enye iduɔk.