MICAH 3:11 - Edisana ñwed Abasi Ibom

¹¹ Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

MICAH 3:11 ပူးပေါင်းရင်းမြစ်များ

MME ŊKE 17:23

Idiɔk owo osio enɔ ke ikpanesit, man oyut usuŋ ikpe.

ISAIAH 1:23

Mbɔŋ fo edi mbon nsɔŋ-ibuot, ye nsaŋa inɔ: kpukpru mmɔ esuk emama enɔ, enyuŋ ebine utip: mmɔ ikpehe ikpe eyen akpa, ikɔ ebe-akpa inyuŋ isimke mmɔ.

ISAIAH 48:2

Koro edade edisana obio esio idem mmɔ enyiŋ, enyuŋ ebuɔtde idem mmɔ ye Abasi Israel; Jehovah mme udim edi enyiŋ esie.

ISAIAH 5:23

eke enamde ikpe asana idiɔk owo ebaŋa enɔ, enyuŋ ebɔde owo utebe-ikpe ndinen owo!

ISAIAH 56:11

Mme ebua emi ŋko ekpum okpum, ifiɔkke uyuhɔ; ndien mme ekpemerɔŋ ŋko ke idem mmɔ ifiɔkke nditim nnam: kpukpru mmɔ emekabare ese usuŋ mmɔ, owo kiet kiet ese udori esiemɔ eke otode ke edem esie.

JEREMIAH 23:17

Mmɔ esuk edɔhɔ ye mmɔ eke esinde mi ke ndek, ete, Jehovah ɔdɔhɔ, ete, Mbufo eyenyene emem; enyuŋ edɔhɔ kpukpru owo eke esaŋade ke itun esit mmɔ, ete, “Baba idiɔk-ŋkpɔ kiet idisimke mbufo.”

JEREMIAH 26:7

Ndien mme oku ye mme prophet ye ofuri mbio-obio ekop nte Jeremiah etiŋde ikɔ emi ke ufɔk Jehovah.

JEREMIAH 5:12

Mmɔ emekaŋ Jehovah, enyuŋ edɔhɔ, ete; “Enye iduhe du; idiɔk-ŋkpɔ idinyuŋ isimke nnyin; nnyin idinyuŋ ikwe ofut ye akaŋ.

JEREMIAH 6:13

Koro kpukpru mmɔ, ɔtɔŋɔde ke ŋkpri, tutu osim ikpɔ, esin enyin; kpukpru mmɔ, ɔtɔŋɔde ke prophet, tutu osim oku,

JEREMIAH 7:4

Mbufo ekubuɔt idem ke ikɔ nsu, ete, temple Jehovah, temple Jehovah, temple Jehovah edi mme mmɔ emi.

JEREMIAH 8:10

Mmɔdo nyeda iban mmɔ nnɔ owo eŋwen, nyemen iŋwaŋ mmɔ nnɔ owo eke edidade mmɔ enyene: koro ŋkpri ye ikpɔ kpukpru kiet kiet enyene isin-enyin, prophet ye oku kpukpru enam abiaŋa.

EZEKIEL 22:12

Ebɔ inyene ke ufɔt fo, ete iduɔk iyip; afo ada udori ye nkɔri, onyuŋ adia mbɔhiduŋ fo ke ŋwo, onyuŋ efre mi. Uyo Ɔbɔŋ Jehovah edi emi.

EZEKIEL 22:27

Mbɔŋ esie ke otu mmɔ ebiet wolf eke ewaide ŋkpɔ, ke eriduɔk iyip, nnyuŋ nsobo ukpɔŋ, man mmɔ edia udori utuk.

EZEKIEL 34:2

tiŋ prophecy, nyuŋ dɔhɔ mmɔ, ete, Ntem ke Ɔbɔŋ Jehovah ɔdɔhɔ mme ɔbɔk erɔŋ, ete: Ɔdɔdiɔk ɔnɔ mme ɔbɔk-erɔŋ Israel emi ebɔkde idem mmɔ. Nte mme ɔbɔk ikpebɔkke ufene?

HOSEA 4:18

Eritie ke itie wine omokure: mmɔ eka ekenam use: mme andikpeme enye esɔŋ ema but eti-eti.

HOSEA 4:8

Mmɔ edia idiɔk ido ikɔt mi, enyuŋ esin esit mmɔ ke mme ukwaŋ-ŋkpɔ mmɔ.

AMOS 5:14

Mbufo eyom eti ŋkpɔ, ekuyom idiɔk, man edu uwem: ndien ntem ke Jehovah Abasi mme udim edidu ye mbufo, kpa nte mbufo ekedɔhɔde.

AMOS 9:10

Kpukpru mme anam-idiɔk ke otu ikɔt mi eyekpaŋa ke ofut, mme mmɔ emi edɔhɔde, ete, Idiɔk-ŋkpɔ emi idisimke nnyin, idinyuŋ isoboke ye nnyin.

MICAH 3:5

Ntem ke Jehovah ɔdɔhɔ abaŋa mme prophet eke esinde ikɔt mi edue, eke edade edet mmɔ edom owo, ndien ekwɔrɔ, ete, Emem; ndien ama edi owo eke misinke mmɔ ŋkpɔ ke inua, mmɔ etim ŋkpɔ ekɔŋ etiene enye;

MICAH 7:3

Ubɔk mbiba edoro ke idiɔk man etim enam: ɔbɔŋ ye ebierikpe ŋko eyom utip: akwa owo onyuŋ etiŋ se idɔŋde ukpɔŋ esie: ntem ke mmɔ ekwaŋa ŋkpɔ.

ZEPHANIAH 3:3

Mbɔŋ esie ke ufɔt esie edi lion mfriori: mme ebierikpe esie edi wolf mbubreyo; mmɔ isuhɔke baba ŋkpɔ kiet inɔ usenubɔk.

ZEPHANIAH 3:4

Mme prophet esie edi mbon ŋkimidem ye mbon mbubik; mme oku eise esabare edisana ŋkpɔ: mmɔ ebiat ibet.

MALACHI 1:10

Anie ke idem otu mbufo edisin itim? Mbufo inyuŋ ibarake ikaŋ ke itie-uwa mi ke ikpikpu. Jehovah mme udim ɔdɔhɔ ete, Mbufo inemke mi esit baba; inuak-udia emi orode mbufo ke ubɔk inyuŋ inemke mi esit.

MALACHI 2:9

Ndien ami ŋko mmonyuŋ nnim mbufo ke se kpukpru owo esede ke ndek ye ke mbukpo, kpa nte mbufo minimke ido mi, edi eteŋe owo enyin ke ewuhɔ.

NUMBERS 16:15

Ndien Moses ayat esit eti-eti, onyuŋ ɔdɔhɔ Jehovah, ete, Kuwɔŋɔre use enɔ mmɔ: ŋkɔbɔhɔ mmɔ baba ass kiet, ŋkonyuŋ ndiɔkke ye baba owo mmɔ kiet.

NUMBERS 22:7

Ekem mbiowo Moab, ye mbiowo Midian ekama ŋkpɔ idiɔŋ ke ubɔk mmɔ eka; ndien mmɔ esim ke ɔtɔ Balaam, eketiŋ ikɔ Balak enɔ enye.

MATTHEW 3:9

ekunyuŋ ekere ndidɔhɔ ke esit mbufo, ete, Ŋkɔm nnyin imenyene Abraham ke ete: koro ndɔhɔ mbufo nte, Abasi emekeme ndinam mme itiat emi edaha eda edi nditɔ Abraham.

1ŊWED TIMOTHY 3:3

Enye ikpe-dige owo mmin, ye owo mfiomo; edi enyene ndidi suŋ-suŋ owo, emi midige owo utɔk, minyuŋ isinke esit ke okuk.

TITUS 1:11

Ana nte ekibi mmɔ inua; koro mmɔ ekpep mme owo se mikemke ke ntak idiɔk udori, enyuŋ ekabare ofuri ufɔk ewuri.

1 PETER 5:2

nnyuŋ ndide ntiense ndutuhɔ Christ, nnyuŋ ndide abuana ke ubɔŋ emi ediya-rarede, nte, Ekpeme udim-erɔŋ Abasi emi odude ke otu mbufo; ese ebaŋa mmɔ ke ima esit nte Abasi oyomde, ekuyak etie nte enyenyik mbufo; ekunam emi ebaŋa mbukpo udori, edi enam ke erinyime esit;

JUDE 1:11

Idifɔnke fɔn inɔ mmɔ! koro mmɔ ekasaŋade ke afaŋ Cain, enyuŋ eduɔkde idem ke nduyo Balaam ke ntak udori, enyuŋ etak ke nsɔŋ-ibuot Korah.

1 SAMUEL 8:3

Edi nditɔ esie isaŋake ke usuŋ esie, edi ewaha etiene udori, enyuŋ ebɔ inyene ekwaŋa ikpe.