MICAH 2:10 - Edisana ñwed Abasi Ibom

¹⁰ Mbufo edaha ke enyɔŋ eka: koro midige ebiet nduɔk-odudu (mbufo) edi emi: koro enye edehede, eyesobo (mbufo), ndien nsobo oro eyediɔk eti-eti.

MICAH 2:10 ပူးပေါင်းရင်းမြစ်များ

1 NDIDEM 9:7

ndien nyesibe Israel mfep ke iso isɔŋ emi ŋkɔnɔde mmɔ; ndien ama edi ufɔk emi ŋkonimde nnɔ enyiŋ mi, nyemen enye ke iso mi mfep nduɔk; ndien Israel eyedi ŋkpɔ ikwɔ ye ufiet ke otu kpukpru owo;

2 NDIDEM 15:29

Ke eyo Pekah edidem Israel, Tiglath-pileser edidem Assyria edi edida Ijon, ye Abel-beth-maacah, ye Janoah, ye Kedesh, ye Hazor, ye Gilead, ye Galilee, kpa ofuri isɔŋ Naphtali; onyuŋ ataŋ mmɔ ɔnyɔŋ ke Assyria.

2 NDIDEM 17:6

Ke ɔyɔhɔ isua Hoshea usukkiet, edidem Assyria ada Samaria, onyuŋ ataŋ Israel ɔnyɔŋ ke Assyria, okonim mmɔ ke Halah, ye ke Habor, ke mben akpa Gozan, ye ke mme obio nditɔ Media.

2 CHRONICLES 7:20

ndien nyedibere mmɔ mfep ke isɔŋ emi ŋkɔnɔde mmɔ; nyenyuŋ mmen ufɔk emi nnamde nnɔ enyiŋ mi, ke iso mi mfep nduɔk, nnyuŋ nnam enye akabare edi ikwɔ ye ufiet ke otu kpukpru mme idut.

ŊWED MME PSALM 106:38

enyuŋ eduɔk iyip owo eke miduehe isop, kpa iyip nditɔ mmɔ iren ye iban, emi mmɔ ewade enɔ ndem Canaan: ndien isɔŋ abiara ke iyip.

ŊWED MME PSALM 95:11

Emi ŋkɔŋwɔŋɔde ke iyaresit mi mbaŋa, nte ke mmɔ ididukke ke nduɔk-odudu mi.

JEREMIAH 10:18

O andiduŋ ɔkpɔsɔŋ ebiet. Koro ntem ke Jehovah ɔdɔhɔ, ete, Sese, ami nyesin mme andiduŋ isɔŋ ke ŋkpɔ-utop ntop mmɔ ke ini emi, nnyuŋ ntuhɔ mmɔ, man mmɔ ekut.

JEREMIAH 3:2

Menere enyin fo se ikpɔ obot, ndien siak ebiet eke mikotke fi do Afo eketie ke mben ɔkpɔ-usuŋ ɔnɔ mmɔ, kpa nte Abraham ke desert. Omonyuŋ asabare isɔŋ ke use fo ke oburobut ido fo

JEREMIAH 9:19

Koro ekopde uyom ntuaŋa emi otode ke Zion, ete, Enam didie esobo nnyin? but anam nnyin eti-eti, koro nnyin ikpɔŋde isɔŋ, koro iduŋ nnyin emesio nnyin eduɔk.

EZEKIEL 36:17

Eyen owo, ufɔk Israel ekeduŋ ke isɔŋ mmɔ, enyuŋ esabare enye ke usuŋ mmɔ ye ke ido mmɔ: mmese usuŋ mmɔ ke ndek aŋwan emi odude ke esien.

EZEKIEL 36:19

ndien nsuan mmɔ ke otu mme idut, enyuŋ ewari mmɔ ke otu mme obio: ami nnam ikpe ye mmɔ nte ekemde ke usuŋ mmɔ.

DEUTERONOMY 12:9

Koro mbufo mika-isimke kaŋa ke itie nduɔk-odudu, ye ke udeme emi Jehovah Abasi mbufo ɔnɔde mbufo.

DEUTERONOMY 30:18

mmotim ndɔhɔ mbufo mfin emi, nte ke mbufo iditreke nditak, mme usen fo idinyuŋ ibigike ke isɔŋ emi mbufo ebede Jordan eka do ndida enye

DEUTERONOMY 4:26

mfin emi mmowuk enyɔŋ ye isɔŋ nte edi ntiense ebaŋa mbufo, nte mbufo eyewara ndibiara ke isɔŋ emi mbufo ebede Jordan eka do ndida enye nnyene; mbufo idibigike ke esit anyan ini; edi eyebiara tak-tak.