MICAH 1:8 - Edisana ñwed Abasi Ibom

⁸ Nyeseme nnyuŋ ntua mbaŋa ŋkpɔ emi, nyesioŋo ŋkpɔ ke idem nsaŋa iferi: nyeseme eseme nte jackal, nnyuŋ ntua nte ostrich.

MICAH 1:8 ပူးပေါင်းရင်းမြစ်များ

2 NDIDEM 18:13

Ekem ke ɔyɔhɔ isua edidem Hezekiah duopenaŋ, Sennacherib edidem Assyria ɔdɔk edi ekɔŋ ye kpukpru obio Judah emi enyenede ibibene, onyuŋ ada mmɔ.

ESTHER 4:1

EKEM ke ini Mordecai edifiɔkde kpukpru se enamde, Mordecai awai edisine-ŋkpɔ esie, onyuŋ esine ɔfɔŋ-ikpo ye ntɔŋ ke idem, ndien ɔwɔrɔ aka ke ufɔt obio, onyuŋ, eseme akamba ye edidoro eseme:

ŊWED JOB 30:29

Ŋkabare ndi eyen-eka jackal, nnyuŋ ndi nsaŋa mme ostrich.

ŊWED MME PSALM 102:6

Mbiet ikpaŋ ke ikɔt, ntie nte ikurikut ke ŋwure.

ISAIAH 13:21

Edi mme unam ikɔt eyesuhɔre ena do; ikurikut eyeyɔhɔ ke mme ufɔk mmɔ; nditɔ-iban mme ostrich eyenyuŋ eduŋ do, odusu ebot eyenyuŋ enek do.

ISAIAH 13:22

Ndien mme wolf eyetuaŋa ke ikpɔ ufɔk esie; mme jackal eyetuaŋa ke mme temple inemesit: ndien ini esie emekpere ndidi, usen esie idinyuŋ ibigike.

ISAIAH 16:9

Oro esin ndituade vine Sibmah ke ntua eyet Jazer. Heshbon ye Elealeh, nyebit mbufo ke mmɔŋ eyet mi: koro mkpo (ekɔŋ) ɔmɔduɔ ke mfri eto fo, ye ke ukpeŋe ibokpot fo.

ISAIAH 21:3

Oro esin ata ndik ɔyɔhɔ mi ke isin: ubiak omum mi, nte ubiak aŋwan uman: se ŋkopde anam idem esiŋede mi; se ŋkutde esin mi ndutime.

ISAIAH 22:4

Mmɔdo ndɔhɔde, nte, Mbufo ekabare ekuse mi; yak ntua ndot-ndot eyet, mbufo ekuŋwana ndidɔŋ mi esit mbaŋa nsobo eke esobode adiaha mbio-obio nnyin.

ISAIAH 32:11

Mbufo iban unana ekikere enyek idem: iban ndue-idem, mbufo etimere; esioŋo ŋkpɔ ke idem, etie iferi, ebɔbɔ ŋkpɔ ke isin.

JEREMIAH 4:19

Nsia mi! nsia mi! ɔwɔŋ esit mi abiak mi; esit mi eseme ɔnɔ mi; ndidopke uyo, koro, O ukpɔŋ mi, ŋkopke uyo ukorowo ye mkpo ekɔŋ.

JEREMIAH 9:1

IBUOT mi akpakam edi mmɔŋ! enyin mi ekpekam enyuŋ edi idim mmɔŋeyet! ndien ŋkpatua ke uwemeyo ye ke okoneyo mbaŋa nditɔ adiaha ikɔt mi emi ekewotde.

JEREMIAH 9:10

Nyemen eyet ye ntuaŋa mbaŋa ikpɔ obot, nyemen eseme mbaŋa mbiet wilderness koro esobode mmɔ, owo minyuŋ isaŋake ke esit ibe: ndien mmɔ ikopke uyo ufene; mme inuen enyɔŋ ye mme unam isɔŋ emefeŋe; emedaŋa!

JEREMIAH 9:19

Koro ekopde uyom ntuaŋa emi otode ke Zion, ete, Enam didie esobo nnyin? but anam nnyin eti-eti, koro nnyin ikpɔŋde isɔŋ, koro iduŋ nnyin emesio nnyin eduɔk.

EZEKIEL 32:18

Eyen owo, tua baŋa akwa otu owo Egypt, nyuŋ nam mmɔ, kpa enye, ye nditɔ-iban mkpɔsɔŋ mme idut esuhɔre ke idak isɔŋ, ye mme mmɔ emi esuhɔrede ke obube.

MICAH 2:4

Ke usen oro owo eyetop ŋke abaŋa mbufo, onyuŋ eseme ata eseme mbɔm, ɔdɔhɔ ete, Nnyin imabiara kpukpru: enye ɔkpuhɔre udeme ikɔt nnyin: enye anam didie adaha ɔkpɔŋ mi? onyuŋ edeme iŋwaŋ nnyin ɔnɔ owo nsɔŋ ibuot.

1 SAMUEL 19:24

Enye onyuŋ osio ɔfɔŋ-idem esie ŋko, onyuŋ anam prophecy ŋko-ŋko ke iso Samuel, onyuŋ ɔduɔ ke isɔŋ ana iferi ke ofuri uwemeyo oro, ye ke ofuri okoneyo oro. Mmɔdo edɔhɔde ete, Emi-e? Saul onyuŋ odu ke otu mme prophet?