MICAH 1:6 - Edisana ñwed Abasi Ibom

⁶ Ndien nyenim Samaria nte ibombom ke ikɔt, ye ke ebiet eke etɔde iŋwaŋ-vine: nyenyuŋ ŋŋwaŋa mme itiat esie nsin ke ebedeŋ, nnyuŋ mfuhɔre ebiet emi enye adade ke esit.

MICAH 1:6 ပူးပေါင်းရင်းမြစ်များ

2 SAMUEL 17:13

Ndien edieke mmɔ esopde ke obio, ofuri Israel eyetebe idut ke obio oro, nnyin iyenyuŋ idudi enye isin ke akpa, ndien baba ekpri itiat kiet idi suhɔke do.

2 NDIDEM 18:10

Ekem mmɔ eda enye ke utit isua ita, ke ɔyɔhɔ isua Hezekiah itiokiet, oro edi ɔyɔhɔ isua Hoshea edidem Israel usukkiet, mmɔ eda Samaria.

2 NDIDEM 18:9

Edikem ke ɔyɔhɔ isua edidem Hezekiah inaŋ, oro edi ɔyɔhɔ isua Hoshea eyen Elah edidem Israel itiaba, Shalmaneser edidem Assyria ɔdɔk edi ke Samaria edikan enye okuk.

2 NDIDEM 19:25

Nte afo ukokopke ete ke ŋkanam enye ke eyo oko, ŋkonyuŋ mbot enye ke ini eset? Ke emi ke nnam enye osu, ndien afo eyedi se idisobode, inam obio ibibene ekabare edi ndon.

ISAIAH 17:1

UYO Abasi emi abaŋa Damascus. Sese, Damascus amakabare, idige aba obio, edi ibombom ŋwure.

ISAIAH 25:12

Enye onyuŋ ɔduɔk ɔkpɔsɔŋ ye ŋkokoŋo ibibene fo, ɔsuhɔre adian ke isɔŋ kpa ntan-isɔŋ.

ISAIAH 25:2

Koro afo amakabare obio onim ke ibom-bom; onim obio ibibene ke ŋwure: onim akwa ufɔk isen owo, ete okudi aba obio; ididiɔŋke enye ke nsinsi.

JEREMIAH 31:5

Afo eyetɔŋɔ ntak ɔtɔ iŋwaŋ-vine ke ikpɔ obot Samaria: mme anditɔ eyetɔ, enyuŋ edia mfri:

JEREMIAH 51:25

Jehovah ɔdɔhɔ, ete, Sese, ami nnam ikɔ ye afo, O obot eke abiatde, eke abiatde ofuri ekondo: ndien nyenyan ubɔk ntuk fi, nnyuŋ ŋkpat fi ke edikoŋ itiat mfep, nnyuŋ nnim fi ke obot eke asakde ikaŋ.

JEREMIAH 51:37

Ndien Babylon eyekabare edi ibombom ibombom, ye iduŋ mme dragon, ye ŋkpɔ mkpa-idem, ye ŋkpɔ nsi, eke baba owo kiet eke oduŋde miduhe.

JEREMIAH 9:11

Ndien nyenim Jerusalem ke ibombom, ye ke nna mme jackal; nyenyuŋ nnim mme obio Judah; ke ndobo, enana owo eke eduŋde.

ŊWED ESEME 4:1

GOLD anam didie akabare ebire! ata eti gold anam didie ɔkpuhɔre! Mme itiat edisana ebiet emeduɔŋɔ ke ibuot kpukpru mme efak.

EZEKIEL 13:14

Ndien nyebiat ibibene emi mbufo eyetde ndom, nnyuŋ ŋwuri enye tutu osim isɔŋ, ndien nyeyarare ɔtɔ emi enye odorode ke esit, ndien enye eyeduɔ, mbufo eyenyuŋ etak ke esit: ndien mbufo eyefiɔk ete ke ami ndi Jehovah.

HOSEA 13:16

Samaria eyesio isop; koro enye ɔsɔŋde ibuot ye Abasi esie: mmɔ eyeduɔŋɔ ke ofut. Eyesuok abak-inua mmɔ mbai-mbai, enyuŋ esiak iban mmɔ eke eyomode idibi.

AMOS 5:11

Mmɔdo, koro mbufo edigide mbon unana, enyuŋ ebɔde mmɔ utomo ibokpot: mbufo ebɔp ufɔk ke ndisɔi itiat, edi ididuŋke ke esit; enyuŋ etɔ edifɔn iŋwaŋ-vine, edi idiŋwɔŋke wine mmɔ.

AMOS 6:8

Ɔbɔŋ Jehovah otomo idem esie, ete, Ntem ke Jehovah Abasi mme udim ɔdɔhɔ, ete, Ami nse iseri Jacob ke mbubiam, nnyuŋ nsua ikpɔ ufɔk esie: ndien nyeda obio ye se iyɔhɔde ke esit nyak nnɔ.

MICAH 3:12

Mmɔdo eyefuŋ Zion nte iŋwaŋ ebaŋa mbufo, Jerusalem eyenyuŋ akabare edi ibombom ŋko, obot ufɔk emi eyenyuŋ akabare edi ŋkokoŋo ebiet akai.

HABAKKUK 3:13

Afo ɔkɔwɔrɔ ndinyaŋa ikɔt fo, ndinyaŋa mme mmɔ emi afo eyetde aran; afo akasuan ibuot emi otode ke ufɔk idiɔk owo; ke ayarare isɔŋ ibibene tutu osim itɔŋ owo. [Selah].

MATTHEW 24:2

Edi Enye ɔbɔrɔ mmɔ ete, Nte mbufo ikwe kpukpru ŋkpɔ emi? Ke akpanikɔ ke ndɔhɔ mbufo, Idikpɔŋke itiat kiet ke enyɔŋ itiat efen eke mididorokere enye iduɔk.