MICAH 1:5 - Edisana ñwed Abasi Ibom

⁵ Ofuri ŋkpɔ emi oto ke idiɔk ido Jacob, ye ke ndudue ufɔk Israel. Nsidi ndudue Jacob? Nte idige Samaria? Nsidi ŋkokoŋo ebiet Judah? Nte idige Jerusalem?

MICAH 1:5 ပူးပေါင်းရင်းမြစ်များ

1 NDIDEM 11:7

Ndien Solomon anam edikoŋ ebiet ɔnɔ Chemosh, mbubiam-ŋkpɔ Moab, onyuŋ anam ɔnɔ Molech, mbubian-ŋkpɔ nditɔ Ammon, ke akamba obot emi asakde iso ese Jerusalem.

1 NDIDEM 13:32

koro ikɔ oro enye okofioride ke uyo Jehovah, okot itie-uwa emi odude ke Bethel, ye kpukpru mme ufɔk edikoŋ ebiet emi edude ke mme obio Samaria, miditreke ndisu.

1 NDIDEM 16:24

Ndien enye edep obot Samaria ye Shemer ke talent silver iba, onyuŋ ɔbɔp (obio) ke obot oro, onyuŋ ada enyiŋ Shemer, andinyene obot, osio obio oro enye ɔkɔbɔpde, okot ete Samaria.

2 CHRONICLES 34:3

Ekem ke ɔyɔhɔ isua ubɔŋ esie itiaita, ke edide kaŋa eyenɔwɔŋ, enye ɔtɔŋɔ nditiene Abasi David ete esie: ndien osim ke ɔyɔhɔ isua duopeba, enye ɔtɔŋɔ ndisioŋo mme edikoŋ ebiet, ye mme eto-mkpe, ye mme edisɔi mbiet, ye mme editara mbiet infep, onyuŋ anam Judah ye Jerusalem esana.

2 CHRONICLES 34:4

Ndien mmɔ ewuri itie-uwa Baalim ke iso esie, onyuŋ asiak mme ibɔk eke edorode ke enyɔŋ mmɔ, enye onyuŋ obom mme eto-mkpe, ye edisɔi mbiet, ye editara mbiet, mbai-mbai, onyuŋ anuak emem, onyuŋ asuan ke mme udi mmɔ emi ewade uwa enɔ mmɔ.

ISAIAH 7:9

Ndien Samaria edi ibuot Ephraim, eyen Remaliah onyuŋ edi ibuot Samaria. Ke mbufo mibuɔtke idem, ŋkɔm idiberike mbufo.

JEREMIAH 2:17

Nte afo unamke emi unɔ idem fo, koro afo ɔkɔkpɔŋde Jehovah Abasi fo, ke ini eke enye adade fi usuŋ?

JEREMIAH 2:19

Idiɔk ido fo eyetunɔ fi, mfiak-edem fo eyenyuŋ ɔnɔ fi ufen: fiɔk ndien, nyuŋ se ete ke ɔmɔdiɔk, ke onyuŋ odoro, koro afo ɔkɔkpɔŋde Jehovah Abasi fo, koro ndik mi minyuŋ iduhe fi ke idem. Emi edi uyo Ɔbɔŋ Jehovah mme udim.

JEREMIAH 23:13

Ŋkokut oburobut ŋkpɔ ke mme prophet Samaria; mmɔ eda Baal etiŋ prophecy, enyuŋ esin ikɔt mi Israel edue:

JEREMIAH 23:14

ndien ŋkut ata ŋkpɔ ndidien ke mme prophet Jerusalem; ke esin efibe, ke esaŋa ke nsu; mmɔ enyuŋ esɔŋɔ mme idiɔk owo ubɔk, ndien owo ndomo kiet ikabakede ikpɔŋ idiɔk ido esie; kpukpru mmɔ etie ye ami nte Sodom, mme andiduŋ enye enyuŋ ebiet Gomorrah.

JEREMIAH 4:18

Usuŋ fo ye ido fo enam ŋkpɔ emi enɔ fi; emi oto ke idiɔk ido fo, koro enye ododoro, koro osimde fi ke esit.

JEREMIAH 5:25

Mme idiɔk ido mbufo emekabare ŋkpɔ emi efep, mme ukwaŋkpɔ mbufo inyuŋ iyakke mbufo ekut eti ŋkpɔ emi.

JEREMIAH 6:19

Ererimbot, kop: sese, ami mmɔŋ nda idiɔk-ŋkpɔ ntiene mbio emi, kpa mfri ekikere mmɔ: koro mmɔ mikpaŋke utɔŋ ke ikɔ mi ye mbet mi, edi esin enye.

ŊWED ESEME 5:16

Anyanya omoto nnyin ke ibuot ɔduɔ ke isɔŋ: ɔdiɔk ɔnɔ nnyin, koro nnyin imanam idiɔk!

EZEKIEL 16:46

Ndien akamba eyen-uka edi Samaria, ye nditɔ-iban esie emi eduŋde fi ke ubɔk ufien: ndien eyen-uka emi ekpride akan fi, onyuŋ oduŋde fi ke ubɔk nnasia, edi Sodom ye nditɔ-iban esie.

HOSEA 7:1

KE adaŋemi ndade ikɔt mi emi mmɔ eketaŋde efep, nnyɔŋ ndi; ke ini nnamde idiɔk okure Israel, ndien eyeyarare idiɔk ido Ephraim ye mme ukwaŋ-ŋkpɔ Samaria: koro mmɔ enamde abiaŋa; inɔ onyuŋ oduk edi, udim owo ewo ke mme efak.

AMOS 6:1

OSUK ɔdɔdiɔk ɔnɔ mmɔ emi etiede ke ifure ke Zion, enyuŋ ebuɔtde idem mmɔ ke obot Samaria, akpan owo ke otu mme etubom mme idut, emi ufɔk Israel etienede mmɔ!

AMOS 7:9

Ndien ŋkokoŋo ebiet Isaac eyesomo, ndisana ebiet Israel eyenyuŋ ewure; nyenyuŋ mmen ofut ndaha ke enyɔŋ ntiene ufɔk Jeroboam.

AMOS 8:14

emi etomode isop Samaria, enyuŋ edɔhɔde, ete, Ma uwem Abasi fo, O Dan! edɔhɔ ete, Ma uwem usuŋ Beer-sheba; ndien mmɔ eyeduɔŋɔ ke isɔŋ, ndien ididahake aba ke enyɔŋ.

MICAH 1:13

O andiduŋ Lachish, tebe chariot ke horse nsɔp-ukot: (enye ekedi ntak idiɔk ido adiaha Zion) koro mmɔ ekutde fi mme oburobut ŋkpɔ Israel ke idem.