MICAH 1:3 - Edisana ñwed Abasi Ibom

³ Koro, sese, Jehovah ke oto ke ebiet esie, eyenyuŋ ɔsuhɔre, onyuŋ edigi edikoŋ ebiet isɔŋ.

MICAH 1:3 ပူးပေါင်းရင်းမြစ်များ

ŊWED JOB 40:12

Se kpukpru se ikoŋde koŋ, nyuŋ suhɔre enye nim; nyuŋ digi mme idiɔk owo ke itie mmɔ.

ŊWED MME PSALM 115:3

Ŋkɔm Abasi nnyin ododu ke heaven: anam kpukpru se enye amade.

ISAIAH 25:10

Koro ubɔk Jehovah eyesuk ana ke obot emi, eyenyuŋ edigi Moab ke itie esie, kpa nte edigide nnyanyaŋa ke mmɔŋ ebube ifum.

ISAIAH 26:21

Koro, sese, Jehovah ɔmɔŋ oto ke ebiet esiemɔ ɔwɔrɔ, ete inɔ ererimbot ufen ibaŋa mme idiɔk ido mmɔ: ndien isɔŋ eyeyarare iyip esie, idinyuŋ ifukke aba nditɔ esie emi ekpaŋade afai.

EZEKIEL 3:12

Ndien spirit emenere mi ke enyɔŋ, ndien ŋkop uyom akwa mkpo ke edem mi, ete, Mbufo etoro ubɔŋ Jehovah emi otode ke ebiet esie.

AMOS 4:13

Koro, sese, ke edi Enye akanam ikpɔ obot, onyuŋ obot spirit, onyuŋ owut owo uduak esie eke edide: anam usiere akabare edi ekim, onyuŋ edigi ŋkokoŋo ebiet isɔŋ, Jehovah Abasi mme udim edi enyiŋ esie.

AMOS 9:5

Onyuŋ edi Ɔbɔŋ Jehovah mme udim otuk isɔŋ, ndien enye atara; ndien kpukpru mme andiduŋ ke esit etuaŋa: enye onyuŋ ɔyɔhɔ ofuri ebiet nte akpa mmɔŋ, onyuŋ ɔsuhɔre nte akpa Egypt.

HABAKKUK 3:19

Jehovah Ɔbɔŋ edi odudu mi, enye eyenam ukot mi ebiet eke edop, onyuŋ anam mi nsaŋa ke edikoŋ ebiet mi. Eke etubom mme ebre ndido mi.

ZECHARIAH 14:4

Ndien ke usen oro ukot esie eyeda ke enyɔŋ obot Olive emi anade ke iso Jeru-salem ke edem usiaha-utin, ndien obot Olive eyesiaha ufɔt-ufɔt ese edem usiakha-utin ye edem usop-utin, esine ke ata akamba itihere; ndien ubak obot kiet eyesehere aka edem edere, ubak eken eyenyuŋ aka edem usuk.

DEUTERONOMY 32:13

Enye anam enye odoro unam asaŋa ke ŋkokoŋo ebiet, isɔŋ, onyuŋ adia mbuŋwum ŋkpɔ iŋwaŋ; onyuŋ osio aran-ɔkwɔk ke itiat ɔnɔ enye awap, ye aran ke itiat flint;

DEUTERONOMY 33:29

Ɔfɔfɔn ɔnɔ fi, O Israel; anie ebiet fi, mbio emi Jehovah anyaŋade, emi edide otu ekɔŋ eke ekpemede fi, emi onyuŋ edide ofut ubɔŋ fo; mme asua fo eyenyuŋ enem inua enɔ fi; afo eyenyuŋ edigi ŋkokoŋo ebiet mmɔ.