MICAH 1:1 - Edisana ñwed Abasi Ibom

¹ UYO Jehovah emi okosim Micah Morashtite, ke eyo Jotham, Ahaz, ye Hezekiah, ndidem Judah, (uyo) emi ke enye okokut abaŋa Samaria ye Jerusalem.

MICAH 1:1 ပူးပေါင်းရင်းမြစ်များ

2 NDIDEM 15:32

Ke udiana-akpa isua Pekah eyen Remaliah edidem Israel, Jotham eyen Uzziah edidem Judah ada ubɔŋ.

2 NDIDEM 15:5

Ekem Jehovah ɔnɔ edidem ufen, ndien enye ɔdɔŋɔ akpa-mfia, tutu osim usen mkpa esie, onyuŋ oduŋ ke ufɔk udɔŋɔ. Ndien Jotham eyen edidem edi etubom ufɔk, onyuŋ ekpe ikpe mbio-obio.

2 NDIDEM 16:1

KE ɔyɔhɔ isua Pekah eyen Remaliah efureba, Ahaz eyen Jotham edidem Judah ada ubɔŋ.

2 NDIDEM 18:1

EDIKEM ke ɔyɔhɔ isua Hoshea eyen Elah edidem Israel ita, Hezekiah eyen Ahaz, edidem Judah, ada ubɔŋ.

2 CHRONICLES 28:1

AHAZ osim isua edip ke ini enye adade ubɔŋ; ndien edi edidem ke Jerusalem ke isua efurekiet: edi inamke se inende ke iso Jehovah nte David ete esie:

2 CHRONICLES 29:1

HEZEKIAH ada ubɔŋ ke ini enye osimde isua edip ye ition, ndien edi edidem ke Jerusalem ke isua edip ye usukkiet.

ISAIAH 1:1

ŊKUKUT Isaiah eyen Amoz emi enye okokutde abaŋa Judah ye Jerusalem, ke eyo Uzziah, ye Jotham, ye Ahaz, ye Hezekiah, ndidem Judah.

ISAIAH 1:2

Mbufo enyɔŋ ekop, isɔŋ nyuŋ kpaŋ utɔŋ: koro Jehovah ɔdɔhɔde: Mbɔk, nnyuŋ ŋkɔ nditɔ, ndien mmɔ emekabare esɔŋ ibuot ye ami.

ISAIAH 7:1

EDIKEM ke eyo Ahaz eyen Jotham, eyen Uzziah, edidem Judah, Rezin edidem Syria, ye Pekah eyen Ramaliah, edidem Israel, edɔk ke Jerusalem eka ekɔŋ ye enye; edi mmɔ ikemke ubɔk ekɔŋ ye enye.

ISAIAH 7:9

Ndien Samaria edi ibuot Ephraim, eyen Remaliah onyuŋ edi ibuot Samaria. Ke mbufo mibuɔtke idem, ŋkɔm idiberike mbufo.

JEREMIAH 26:18

Micaiah Morashtite eketiŋ prophecy ke eyo Hezekiah edidem Judah, onyun ɔdɔhɔ ofuri mbio Judah, ete, Ntem ke Jehovah mme udim ɔdɔhɔ, ete, Ke eyefuŋ Zion nte iŋwaŋ, Jerusalem eyenyuŋ akabare edi ndon, obot ufɔk eyenyuŋ akabare edi ibombom akai.

HOSEA 1:1

UYO Jehovah emi okosim Hosea eyen Beeri, ke eyo Uzziah, Jotham, Ahaz, ye Hezekiah, Ndidem Judah, ye ke eyo Jeroboam eyen Joash edidem Israel.

HOSEA 4:15

Edieke afo Israel edide akpara, Judah okukam edue; mbufo ekunyuŋ edi ke Gilgal, ekunyuŋ edɔk eka ke Beth-aven, ekunyuŋ etomo, ete, Ma uwem Jehovah.

HOSEA 8:14

Israel omonyuŋ efre Andibot enye, omonyuŋ ɔbɔp temple; Judah omonyuŋ ɔbɔp ediwak obio ibibene: edi ami nyekim ikaŋ ke mme obio mmɔ, ndien enye eyeta ufɔk mbɔŋ mmɔ.

AMOS 1:1

IKƆ Amos emi okodude ke otu mme ekpemerɔŋ Tekoa, emi enye okokutde abaŋa Israel, ke eyo Uzziah edidem Judah, ye ke eyo Jeroboam eyen Joash, edidem Israel, ebem unyek-isɔŋ isua iba.

AMOS 6:1

OSUK ɔdɔdiɔk ɔnɔ mmɔ emi etiede ke ifure ke Zion, enyuŋ ebuɔtde idem mmɔ ke obot Samaria, akpan owo ke otu mme etubom mme idut, emi ufɔk Israel etienede mmɔ!

MICAH 1:5

Ofuri ŋkpɔ emi oto ke idiɔk ido Jacob, ye ke ndudue ufɔk Israel. Nsidi ndudue Jacob? Nte idige Samaria? Nsidi ŋkokoŋo ebiet Judah? Nte idige Jerusalem?

MICAH 3:9

Mbɔk, mbufo mme etubom ufɔk Jacob, ye mbɔŋ ufɔk Israel, ekop uyo emi, mbufo emi item etekde mbufo esit, mbufo enyuŋ ekwaŋa kpukpru se inende.

HABAKKUK 1:1

UYO JEHOVAH EMI KE HABAKKUK PROPHET OKOKUT.

2 PETER 1:21

Koro akanam baba ikɔ prophet itoho ke uduak owo: edi mme owo etiŋ ikɔ eke otode Abasi, nte Edisana Spirit esinde mmɔ etiŋ.