MATTHEW 9:4 - Edisana ñwed Abasi Ibom

⁴ Edi Jesus ɔfiɔk ekikere mmɔ, onyuŋ ete mmɔ, Nsinam mbufo ekerede idiɔk ekikere ke esit mbufo?

MATTHEW 9:4 ပူးပေါင်းရင်းမြစ်များ

ŊWED MME PSALM 139:2

Afo ɔmɔfiɔk nte nsuhɔrede ntie, ye nte ndahade nda; afo omotim ɔfiɔk ekikere mi nsan-nsan.

ŊWED MME PSALM 44:21

nte Abasi ididuŋɔke emi? koro enye ɔfiɔkde ndibeŋkpɔ esit owo.

EZEKIEL 38:10

Ntem ke Ɔbɔŋ Jehovah ɔdɔhɔ ete, Ama ekem ke usen oro, ŋkpɔ eyeduk fi ke esit, ndien afo eyekere idiɔk ekikere; ndien afo eyedɔhɔ, ete,

MATTHEW 12:25

Edi sia Enye ɔdiɔŋɔde ekikere mmɔ, ɔdɔhɔ mmɔ ete, kpukpru obio edidem eke abaharede ada aŋwana ye idem esie oduk nditaha; kpukpru obio mme ufɔk eke onyuŋ abaharede aŋwana ye idem esie idisɔŋɔke ida.

MARK 12:15

Edi Enye okut mbubik mmɔ, onyuŋ ɔdɔhɔ mmɔ ete, Nsinam mbufo edomode Mi? Eda okuk utomo esɔk Mi nse.

MARK 2:8

Edi idaha oro Jesus ɔfiɔk ke spirit Esie ete mmɔ eneni ntre ke esit mmɔ, onyuŋ ɔdɔhɔ mmɔ ete, Nsinam mbufo enenide ŋkpɔ emi ke esit mbufo?

LUKE 11:17

Edi ke Enye ɔdiɔŋɔde ekikere mmɔ, ɔdɔhɔ mmɔ ete, Kpukpru obio edidem eke abaharede ada aŋwana ye idem esie oduk ke ŋwure, ufɔk kiet kiet ke obio oro onyuŋ ɔduɔ.

LUKE 5:22

Edi Jesus ɔfiɔk se mmɔ enenide, onyuŋ ɔbɔrɔ mmɔ ete, Nsinam mbufo enenide ke esit Mbufo?

LUKE 6:8

Edi Enye ɔdiɔŋɔ eneni mmɔ, onyuŋ ɔdɔhɔ owo emi ubɔk esie akpade, ete, Daha ke enyɔŋ, wɔrɔ, da mi ke ufɔt. Ndien enye adaha ke enyɔŋ, ɔwɔrɔ, ada.

LUKE 7:40

Ndien Jesus ɔbɔrɔ enye ete, Simon, mmenyene ŋkpɔ nditiŋ nnɔ fi.

JOHN 16:19

Nnyin ifiɔkke se ikɔ Esie ɔwɔrɔde. Jesus ɔfiɔk ete ɔdɔŋ mmɔ ndibup Imɔ; ntre ke Enye ete mmɔ, Nte ebup mbume ke idem mbufo ebaŋa ikɔ eke ntiŋde, nte, Ke ekpri ibio ini mbufo idikwe Mi, ke ekpri ibio ini ŋko mbufo eyekut Mi?

JOHN 16:30

Ke emi ke nnyin imokut ite Afo ɔmɔfiɔk kpukpru ŋkpɔ, unyuŋ uyomke owo obobup Fi: imada emi inim ke akpanikɔ ite Afo oto Abasi edi.

JOHN 21:17

Jesus obup enye ɔyɔhɔ utim ikata, ete, Simon eyen John nte amama Mi? Peter ɔfuhɔ, koro Enye obupde ɔyɔhɔ ikata, ete, Nte amama Mi? Enye onyuŋ ɔdɔhɔ Jesus ete, Ɔbɔŋ, ɔmɔfiɔk kpukpru ŋkpɔ; Afo ɔmɔfiɔk ete mmama Fi. Jesus ete enye, Bɔk mme erɔŋ Mi.

JOHN 6:61

Edi Jesus ɔfiɔk ke esit Esie ete mbet Imɔ ke esuk uyo ebaŋa ikɔ oro, onyuŋ ɔdɔhɔ mmɔ ete, Nte ikɔ emi esin mbufo eduɔ?

JOHN 6:64

Edi ndusuk owo edu ke otu mbufo emi minimke ke akpanikɔ. Koro toto ke eritɔŋɔ Jesus ɔdiɔŋɔ mmɔ eke minimke ke akpanikɔ, ye owo emi edidade Enye ɔnɔ.

UTOM MME APOSTLE 5:9

Edi peter ɔbɔrɔ enye ete, Anam didie mbufo edukde ediomi ndidomo Spirit Jehovah nse? sese, ukot owo emi ekobukde uberi eda ke enyin-usuŋ, mmɔ eyenyuŋ emen fi ewɔrɔ.

ERIYARARE 2:23

nyenyuŋ nda mkpa ŋwot nditɔ esie; ndien kpukpru mme ufɔk Abasi eyefiɔk ete ke Ami ndi Andiduŋɔre ekput ye esit; nyenyuŋ nnɔ kpukpru mbufo kiet kiet nte ekemde ye utom mbufo.