MATTHEW 9:36 - Edisana ñwed Abasi Ibom

³⁶ Edi ke adaŋemi Enye okutde mme otu owo, atua mmɔ mbɔm, koro mmɔ edude ke nnanenyin enyuŋ esuanade, nte erɔŋ eke minyeneke andikpeme.

MATTHEW 9:36 ပူးပေါင်းရင်းမြစ်များ

1 NDIDEM 22:17

Ndien enye eken ɔdɔhɔ ete, Ŋkokut ofuri Israel, nte esuanade ke ikpɔ obot, nte erɔŋ eke minyeneke ekpeme: ndien Jehovah ɔdɔhɔ ete, Mme mmɔ emi inyeneke ɔbɔŋ: yak kpukpru mmɔ efiak ke ufɔk mmɔ ke ifure.

2 CHRONICLES 18:16

Ndien enye ɔdɔhɔ ete, Ŋkokut ofuri Israel esuanade ke ikpɔ obot, nte ufene eke minyeneke andibɔk: ndien Jehovah ɔdɔhɔ ete, Mme mmɔ emi inyeneke andinyene; yak kpukpru owo efiak ke ufɔk mmɔ ke ifure.

ISAIAH 13:14

Ndien ama ekem, nte ebet eke ebinede, ye nte erɔŋ eke owo mibonke: kpukpru owo eyekabare eka obio mmɔ, kpukpru owo eyenyuŋ efeŋe eka isɔŋ mmɔ.

JEREMIAH 50:6

Ikɔt mi edi ufene eke esopde: mme ɔbɔk mmɔ enam mmɔ ediyo, enam mmɔ efiak edem ke ikpɔ obot: mmɔ ekpɔŋ akamba obot eka ekpri, emefre ebiet nna mmɔ.

ZECHARIAH 10:2

Koro teraphim etiŋde idiɔk-ŋkpɔ, mbia-idiɔŋ enyuŋ ekut nsu, enyuŋ etiŋ nsu-nsu ndap; mmɔ edɔŋ owo esit ikpikpu: oro esin mmɔ edaŋa nte otu ufene, enyin anam mmɔ, koro baba owo kiet eke ɔbɔkde mmɔ miduhe.

ZECHARIAH 11:16

Koro, sese, ami mmɔŋ ndemere ekpem-erɔŋ ke isɔŋ emi, enye idisehe se ibiarade, idiyomke se ebinde efep, inyuŋ ikɔkke se idade unan, inyuŋ ibɔkke mmɔ eke esɔŋɔde; edi eyeta unam mmɔ eke ekponide, onyuŋ osio mmɔ mbara ukot.

NUMBERS 27:17

emi edibemde mmɔ iso ɔwɔrɔ, onyuŋ ebemde mmɔ iso oduk, emi edinyuŋ adade mmɔ ɔwɔrɔ, onyuŋ adade mmɔ oduk; man mbio esop Jehovah ekutie nte ufene eke minyeneke andikpeme.

MATTHEW 10:6

edi ekam etiene mme erɔŋ ufɔk Israel emi esopde.

MATTHEW 14:14

Ndien Enye ɔwɔrɔ ke ubom okut akamba otu owo, onyuŋ atua mmɔ mbɔm, onyuŋ anam mbon-udɔŋɔ mmɔ ekop nsɔŋidem.

MATTHEW 15:24

Edi Enye ɔbɔrɔ ete, Ikɔdɔŋke Mi ntiene mmɔ efen, ke mibɔhɔke nsomo erɔŋ ufɔk Israel.

MATTHEW 15:32

Edi Jesus okot mbet Esie edi, ete, Mmatua otu owo mbɔm, koro ke emi mmɔ ema etie ye Ami usen ita, minyuŋ inyeneke se ediade; nnyuŋ mmaŋa ndidɔŋ mmɔ esaŋa ye biɔŋ enyɔŋɔ, mbak mmɔ edikpa mba ke usuŋ.

MARK 6:34

Ndien Jesus ɔwɔrɔ ke ubom okut akwa otu owo, onyuŋ atua mmɔ mbɔm, koro mmɔ ebietde mme erɔŋ eke minyeneke andikpeme: Enye onyuŋ ɔtɔŋɔ ndikpep mmɔ ediwak ŋkpɔ.

MARK 8:2

Mmatua otu owo emi mbɔm, koro ke emi mmɔ etiede ye Ami ke usen ita, minyuŋ inyeneke se ediade:

MME HEBREW 4:15

Koro nnyin minyeneke Akwa Oku eke mikemeke nditiene nnyin ŋkut mmem-idem nnyin; edi Akwa Oku emi okokutde idomo ke kpukpru nde kpa nte nnyin, edi minyeneke idiɔk-ŋkpɔ.

MME HEBREW 5:2

emi onyuŋ ekemede ndime ime ye mme ɔkɔi ye mme edue-ibet, sia enye ke idem esie edide owo emi mmem-idem akande enye okuk: