MATTHEW 9:33 - Edisana ñwed Abasi Ibom

³³ Ndien ke Enye ama ekebin demon ɔduɔk, owo imum etiŋ ikɔ: ndien enyene mme otu owo ndyɔ, mmɔ enyuŋ edɔhɔ ete Akananam owo ikwe oruk ŋkpɔ eke etiede ntem ke Israel.

MATTHEW 9:33 ပူးပေါင်းရင်းမြစ်များ

2 NDIDEM 5:8

Edikem ke ini Elisha, owo Abasi, okopde ete ke edidem Israel ama asiak ɔfɔŋ-idem esie, enye ɔdɔŋ ekedɔhɔ edidem, ete, Nsinam afo akasiakde ɔfɔŋ-idem fo? Yak enye etiene mi, ndien enye eyefiɔk ete ke prophet ododu ke Israel.

ŊWED MME PSALM 76:1

EMEFIƆK Abasi ke Judah; enyiŋ esie omokpon ke Israel.

ISAIAH 35:6

Ndien mbuŋɔ eyenek nte edop, edeme imum eyenyuŋ ɔkwɔ: koro mmɔŋ asiahade ke wilderness, idim ŋko ke desert.

JEREMIAH 32:20

emi okonimde mme idiɔŋɔ ye mme utibe ŋkpɔ ke isɔŋ Egypt tutu osim mfin emi, ye ke Israel, ye ke otu owo efen, onyuŋ anam enyiŋ ɔnɔ idem fo, kpa nte edide mfin emi;

MATTHEW 8:10

Ke adaŋemi Jesus okopde ikɔ emi, enyene Enye nyɔ; Enye onyuŋ ɔdɔhɔ mmɔ emi etienede Enye, ete, ke akpanikɔ ke ndɔhɔ mbufo, akanam ŋkwe mbuɔtidem eke okponde ntem, kpa ke Israel.

MATTHEW 9:32

Ekem nte mmɔ ewɔŋɔde, sese, eda owo imum kiet emi enyenede demon esɔk Enye.

MARK 2:12

Ekem owo oro adaha ke enyɔŋ, emen mbri esie ini kiet, onyuŋ asaŋa ɔwɔrɔ ke iso mmɔ kpukpru: esin idem akpa mmɔ kpukpru, mmɔ enyuŋ etoro Abasi ete, Akananam nnyin ikwe oruk ŋkpɔ emi.

LUKE 11:14

Ndien Enye ebin demon emi edide imum ɔduɔk. Edikem ke ini demon ɔwɔrɔde, imum etiŋ ikɔ ndien idem akpa mme otu owo.

LUKE 7:9

Ke adaŋemi Jesus okopde ikɔ emi, enyene Enye ndyɔ; Enye onyuŋ ɔwɔŋɔre ɔdɔhɔ otu owo emi etienede Enye, ete, Ndɔhɔ mbufo nte, akanam ŋkwe mbuɔtidem eke okponde ntem, kpa ke Israel.