MATTHEW 9:24 - Edisana ñwed Abasi Ibom

²⁴ Edaha ke usuŋ; eyen-aŋwan ikpaha mkpa, edi edede.

MATTHEW 9:24 ပူးပေါင်းရင်းမြစ်များ

ŊWED JOB 12:4

Mmenyene ndikabare ndi owo eke ufan esie asakde! kpa owo eke ekesemede ɔnɔ Abasi ndien Enye eyere enye. Eti owo emi enende onyuŋ ɔfɔnde ama akabare edi ŋkpɔ nsahi!

ISAIAH 49:7

Ntem ke Jehovah, andifak Israel, Edisana Abasi esie, ɔdɔhɔ ye enye emi kpukpru owo esede ke ndek, ye enye emi obio asuade, ye ofin mbɔm, ete, Ndidem eyekut enyuŋ edaha ke enyɔŋ, mbɔŋ ŋko eyekut enyuŋ etuak ibuot: ebaŋa Jehovah emi anamde ŋkpɔ ke akpanikɔ, Edisana Abasi Israel emi ekemekde fi.

ISAIAH 53:3

Owo ese enye ke ndek, enyuŋ esin enye; enye edi owo ukut, onyuŋ emehe ke mfuhɔ; onyuŋ etie nte owo eke odipde nnyin iso; esin enye ke ndek, nnyin inyuŋ ibatke enye ke owo.

MARK 5:40

Edi mmɔ esak Enye nsahi. Edi ke Enye ama akanam kpukpru mmɔ ewɔŋɔ, Enye ada ete ye eka eyen oro, ye mmɔ emi edude ye Enye, oduk ke ebiet eke eyen odude.

LUKE 8:53

Edi mmɔ esak Enye nsahi, koro mmɔ efiɔkde ete enye ama akpa.

JOHN 11:4

Edi ke ini Jesus okopde, Enye ete, Udɔŋɔ emi idige udɔŋɔ mkpa, edi odu kabaŋa ubɔŋ Abasi, man oto do enɔ Eyen Abasi ubɔŋ.

UTOM MME APOSTLE 20:10

Edi Paul ɔsuhɔre, ɔduɔ ofuk enye, onyuŋ afat enye, ete mmɔ, Ekunam ndutime, koro uwem odu enye ke idem.

UTOM MME APOSTLE 9:40

Edi Peter anam kpukpru mmɔ ewɔŋɔ, onyuŋ ɔtɔŋɔ edɔŋ, ɔbɔŋ akam; ndien akabare ese okpo, ete, Tabitha, daha ke enyɔŋ. Enye atat enyin esie; ndien ke ini enye okutde Peter, enye adaha etetie.