MATTHEW 9:2 - Edisana ñwed Abasi Ibom

² Ndien sese mmɔ eda owo ɔdɔŋɔ-akpa-ubeŋ, emi ebiomde ke mbri, esɔk Enye: ndien ke ini Jesus okutde mbuɔtidem mmɔ, Enye ɔdɔhɔ ɔdɔŋɔ-akpa-ubeŋ oro ete, Eyen Mi, sɔŋ esit; emefen mme idiɔk-nkpɔ fo.

MATTHEW 9:2 ပူးပေါင်းရင်းမြစ်များ

ECCLESIASTES 9:7

Ka kadia udia fo ke idaresit, nyuŋ ŋwɔŋ wine fo ke inemesit: koro utom fo ama enem Abasi esit ama.

ISAIAH 44:22

Mma nsɔhi mme ukwaŋ-ŋkpɔ fo nte idiɔk enyɔŋ mfep, nsɔhi mme idiɔk ido fo nte obubit enyɔŋ: fiak tiene mi: koro mfakde fi.

MATTHEW 14:27

Edi idaha oro Jesus etiŋ ikɔ ye mmɔ ete, Esɔŋ esit; edi Ami; ekufehe ndik.

MATTHEW 4:24

Etop Esie onyuŋ asuana ke ofuri Syria; mmɔ enyuŋ eda kpukpru mbon udɔŋɔ esɔk Enye, kpa mmɔ eke nsio-nsio udɔŋɔ ye ndutuhɔ enamde mmɔ, ye mmɔ eke enyenede mme demon, ye mmɔ eke edɔŋɔde mbukpi ye akpa-ubeŋ; Enye onyuŋ anam mmɔ ekop nsɔŋidem.

MATTHEW 6:12

Nyuŋ dahado ke isɔn eke ikamade Fi, nte emi nnyin ikadahadedo inɔ mmɔ emi ekamade nnyin isɔn;

MATTHEW 8:10

Ke adaŋemi Jesus okopde ikɔ emi, enyene Enye nyɔ; Enye onyuŋ ɔdɔhɔ mmɔ emi etienede Enye, ete, ke akpanikɔ ke ndɔhɔ mbufo, akanam ŋkwe mbuɔtidem eke okponde ntem, kpa ke Israel.

MATTHEW 8:16

Edi ke ini osimde mbubreyo, eda ediwak owo eke enyenede demon esɔk Enye: Enye onyuŋ ada ikɔ inua Esie ebin mme demon ɔduɔk, onyuŋ anam kpukpru mbon udɔŋɔ ekop nsɔŋ-idem:

MATTHEW 9:22

Edi Jesus ɔwɔŋɔre idem okut ŋwan oro, onyuŋ ɔdɔhɔ enye ete, Eyen Mi, sɔŋ esit: mbuɔtidem fo amanam fi okop nsɔŋidem. Ndien idem ɔsɔŋ ŋwan oro tɔŋɔ ini oro.

MATTHEW 9:5

Koro ewe emem akan, mme ndidɔhɔ nte, Emefen mme idiɔk-ŋkpɔ fo; me ndidɔhɔ nte, Daha ke enyɔŋ, saŋa?

MATTHEW 9:6

Edi man mbufo efiɔk ete, Eyen Owo enyene odudu ke isɔŋ ndifen mme idiɔk-ŋkpɔ (Enye ɔdɔhɔ ɔdɔŋɔ-akpa-ubeŋ, ete), Daha ke enyɔŋ men mbri fo, nyɔŋ ufɔk.

MARK 1:32

Ekem ke mbubreyo, ke ini utin ama okosop, eda kpukpru mbon udɔŋɔ ye mmɔ emi enyenede demon esɔk Enye.

MARK 10:49

Ndien Jesus atuak ada, ɔdɔhɔ ete ekot enye edi. Mmɔ ekot nnan oro, ete enye, Sɔŋ esit, daha ke enyɔŋ, Enye ke okot fi.

MARK 5:34

Edi Jesus ɔdɔhɔ enye ete, Eyen-aŋwan, mbuɔtidem fo akanam fi okop nsɔŋidem; nyɔŋ ke oduk ke emem, nyuŋ bɔhɔ idiɔk udɔŋɔ fo.

MARK 6:50

Edi idaha oro Enye etiŋ ye mmɔ, onyuŋ ɔdɔhɔ ete, Esɔŋ esit: edi Ami: ekufehe ndik.

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

JOHN 2:25

koro Enye ɔfiɔkde kpukpru owo, minyuŋ iyomke baba owo kiet etiŋ ɔnɔ Enye abaŋa owo; koro Enye ke Idem Esie ɔfiɔkde se idude owo ke esit.

JOHN 21:5

Ntre ke Jesus obup ete, Nditɔ, nte mbufo emenyene se ediade? Mmɔ ebɔrɔ Enye ete, Inyeneke.

UTOM MME APOSTLE 14:9

Enye okop nte Paul etiŋde ikɔ: ndien Paul owuk enyin ese enye, okut ete enye enyene mbuɔtidem nte ekemde ndinam idem ɔsɔŋ enye,

UTOM MME APOSTLE 19:12

tutu mme owo eda ukwɔhɔre-inua ye mbɔbɔ emi etode enye ke idem esɔk mbon udɔŋɔ, ndien mme udɔŋɔ ekpɔŋ mmɔ, mme idiɔk spirit enyuŋ ewɔŋɔ mmɔ ke idem.

UTOM MME APOSTLE 23:11

Ndien ke okoneyo eke etienede usen oro, Ɔbɔŋ ada Paul ke ŋkaŋ, ete enye, Sɔŋ esit; koro kpa nte ekedide ntiense ɔnɔ Mi ke Jerusalem, ntre ke eyedi ntiense ke Rome ŋko.

ŊWED MBON ROME 5:11

Itreke do ikpɔŋ, edi nnyin imonyuŋ ibure mbure ke Abasi, oto ke Ɔbɔŋ nnyin Jesus Christ, emi edide Enye akada nnyin oduk ke emem ye Abasi ke emi.

JAMES 2:18

Owo ekeme ndidɔhɔ ete, Afo emenyene mbuɔtidem, ami mmonyuŋ nnyene erinam ŋkpɔ: wut mi mbuɔtidem eke misaŋake ye erinam ŋkpɔ, ndien ami nyeda erinam ŋkpɔ ŋwut fi mbuɔtidem mi.