MATTHEW 9:15 - Edisana ñwed Abasi Ibom

¹⁵ Ndien Jesus ɔdɔhɔ mmɔ ete, Nte nditɔ ufɔk-ndɔ emekeme ndifuhɔ adaŋa ini nte ebe-ndɔ odude ye mmɔ? Edi mme usen eyedi eke edibɔde mmɔ ebe-ndɔ; mmɔ eyetre udia adaŋoro.

MATTHEW 9:15 ပူးပေါင်းရင်းမြစ်များ

ISAIAH 22:12

Ndien ke usen oro Ɔbɔŋ Jehovah mme udim okot eyet, ye eseme, ye ibɔ, ye ukune ɔfɔŋ-ikpo.

MATTHEW 9:14

Ekem mbet John edi ke ɔtɔ Esie ete, Nsidi ntak eke nnyin ye mme Pharisee iwakde nditre udia, edi mbet Fo mitreke?

MATTHEW 9:16

Edi baba owo kiet idaha ubak ɔfɔŋ eke midiɔŋke ikim idian ke akani ɔfɔŋidem; koro se edade esiri nde akabare awak ɔfɔŋidem, onyuŋ anam enye awaha ɔdiɔk akan.

MARK 2:19

Ndien Jesus ɔdɔhɔ mmɔ ete, Nte nditɔ ufɔk-ndɔ ekeme nditre udia ke ini ebendɔ odude ye mmɔ? adaŋa ini nte mmɔ enyenede ebe-ndɔ ye mmɔ, mmɔ ikemeke nditre udia.

MARK 2:20

Edi mme usen eyedi eke edibɔde mmɔ ebe-ndɔ; ndien mmɔ eyetre udia ke usen oro.

LUKE 17:22

Enye onyuŋ ɔdɔhɔ mbet Esie ete, Ini eyedi eke mbufo ediyomde ndikut usen Eyen Owo kiet, edi mbufo idikwe.

LUKE 5:34

Edi Jesus ɔdɔhɔ mmɔ ete, Nte mbufo emekeme ndinam nditɔ ufɔk-ndɔ etre udia, ke ini ebe-ndɔ odude ye mmɔ?

LUKE 5:35

Edi mme usen eyedi eke edibɔde mmɔ ebe-ndɔ; mmɔ eyetre udia ke mme usen oro.

JOHN 16:6

Edi mfuhɔ ɔyɔhɔ mbufo ke esit koro nnemede mme ŋkpɔ emi nnɔ mbufo.

JOHN 3:29

Enyene-aŋwan-ndɔ edi ebe-ŋwan: edi ufan ebeŋwan, emi adade da okop enye uyo, adara eti-eti ndikop uyo ebeŋwan: ntem ke idara mi emi ama akabare ɔyɔhɔ.

UTOM MME APOSTLE 14:23

Edi ke ema ekemek mbiowo enim enɔ mmɔ ke kpukpru ufɔk Abasi, enyuŋ ebɔŋ akam, enyuŋ etre udia, eyak mmɔ esin ke ubɔk Ɔbɔŋ emi mmɔ ekebuɔtde idem ye Enye.

1 ŊWED CORINTH 7:5

Ekubɔ kiet eken se idide unen esie, ibɔhɔke oto erinyime nkaŋ mbiba ke ekpri ini, man mbufo esin idem ke akam, enyuŋ efiak edidiana; mbak Satan editap mbufo oto koro mbufo mikemeke ndikara esit mbufo.

2 ŊWED CORINTH 11:27

ediwak ini ndu ke ɔkpɔsɔŋ utom ye eŋwan, ye ataba-idap; ediwak ini ndu ke biɔŋ ye nsat-itɔŋ ye unana se ndiade; tuep omum mi, nnyuŋ nnyeneke se nsinede.

ERIYARARE 19:9

Angel onyuŋ ɔdɔhɔ mi ete, Ɔfɔnfɔn ɔnɔ mmɔ emi ekekotde edi udia ndɔ Eyen-erɔŋ. Enye onyuŋ ɔdɔhɔ mi ete, Ikɔ emi edi ata ikɔ Abasi.

ERIYARARE 21:2

Ndien ŋkut edisana obio, Obufa Jerusalem, nte otode ke Abasi ɔsuhɔre ke heaven edi, ema enyuŋ etim enye idem nte ŋwan-ndɔ emi ebanade ebeŋe ebe.