MATTHEW 8:3 - Edisana ñwed Abasi Ibom

³ Ndien Jesus anyan ubɔk, otuk enye, ete, Mmonyime, sana. Ndien ndo-ndo oro owo oro asana ɔbɔhɔ akpa-mfia esie.

MATTHEW 8:3 ပူးပေါင်းရင်းမြစ်များ

GENESIS 1:3

Ekem Abasi ɔdɔhɔ ete, Yak uŋwana odu: ndien uŋwana odu.

2 NDIDEM 5:11

Edi Naaman akpaha esit adaha, onyuŋ ɔdɔhɔ ete, Sese, Ŋkese nte ke enye ediwɔrɔ ada, okot enyiŋ Jehovah Abasi esie, onyuŋ ofuŋ ubɔk esie ke ɔtɔ, ndien anam akpa-mfia okure.

2 NDIDEM 5:14

Ndien enye ɔsuhɔre, okoduk ke Jordan utim ikatiaba, ke uyo owo Jehovah: ndien obuk esie akabare nte obuk ekpri eyenɔwɔŋ, enye onyuŋ asana ŋko.

ŊWED MME PSALM 33:9

Koro edi enye ɔkɔdɔhɔ, ndien ɔwɔrɔ: edi enye okowuk, ndien ada.

EXODUS 4:7

Ndien enye ɔdɔhɔ ete, Tɔŋɔ ntak sin ubɔk fo ke ikpanesit fo. Ndien enye ɔtɔŋɔ ntak esin ubɔk ke ikpanesit esie; onyuŋ osio enye ke ikpanesit ŋko, ndien, sese, enye amakabare nte obukidem esie.

MATTHEW 12:13

Ekem Enye ɔdɔhɔ owo oro ete, Nyanare ubɔk fo. Ndien enye anyanare ubɔk; ubɔk esie onyuŋ akabare ɔfɔn nte enye eken.

MARK 1:41

Ndien mbɔm anam Jesus, Enye onyuŋ anyanare ubɔk otuk enye ete, Mmonyime, sana.

MARK 4:39

Ndien Enye edemere asua ɔnɔ ofim, onyuŋ ɔdɔhɔ inyaŋ ete, Dobo, na suŋ. Ndien ofim odobo, mmɔŋ onyuŋ ana suŋ-ŋ.

MARK 5:41

Ndien Enye omum eyen ke ubɔk, ɔdɔhɔ enye ete, Talitha cumi; emi ɔwɔrɔde ete, Eyen-aŋwan, ndɔhɔ fi nte, daha ke enyɔŋ.

MARK 7:34

onyuŋ emenere enyin ese enyɔŋ, omum mmum, onyuŋ ɔdɔhɔ enye ete, Ephphatha, oro edi, Yak esirere.

MARK 9:25

Edi ke ini Jesus okutde nte otu owo ekibede edi, Enye asua ɔnɔ edidehe spirit ete enye. Afo spirit imum ye inan, mmowuk fi, wɔrɔ enye ke idem, kunyuŋ uduk enye ke idem aba.

LUKE 4:27

Ediwak medɔŋɔ akpa-mfia ekenyuŋ edu ke Israel ke eyo Elisha prophet; edi inamke baba owo kiet ke otu mmɔ asana, ke mibɔhɔke Naaman, owo Syria.

LUKE 5:13

Do Enye anyanare ubɔk otuk enye, ete,Mmonyime, sana; ndien ndo-ndo oro akpa-mfia ɔkpɔŋ enye.

LUKE 7:14

Enye onyuŋ asaŋa ekpere otuk ubiom-okpo: ndien mme andibiom etuak eda. Enye ete, Akparawa, ndɔhɔ fi nte Daha ke enyɔŋ.

JOHN 11:43

Ndien ke Enye ama ɔkɔdɔhɔ ntem, Enye ofiori ke ɔkpɔsɔŋ uyo, ete, Lazarus, wɔrɔ di.

JOHN 15:24

Edieke mmneŋkpesineke ke ufɔt mmɔ nnam mme utom eke akanam owo efen minamke, mmɔ ikpenyeneke idiɔk-ŋkpɔ: edi ke emi mmɔ ekokut enyuŋ esua Mi ye Ete Mi.

JOHN 5:21

Koro nte Ete anamde mme akpa-mkpa eset ɔnɔ mmɔ uwem, kpa ntre ke Eyen anam owo eke Enye amade odu uwem.